ارجوكم ساعدونى فى التخلص من حيرتى !!!

[eng_nagwa]

السلام عليكم

انا كنت عرضت موضوع باسم "ساعونى فى شراء عربية"... اولا انا لسة متعلمة السواقة يعنى اول مرة هاسوق عربية ولانى مش هاعرف اجيب او عندى الى يساعدنى انى اجيب عربية مستعملة فقررت اجيب جديد ... معلش يا جماعة استحملونى بس والله عشان محتارة جدااااااا ... انا قررت اجيب عربية معقولة سعرا و امكانيات لبنت ودورت ولقيت الاتى:

1. بيكانتو (64000)و دى جميع الكماليات
2. i10و طبعا ديه ب 65500

و لما لقيت الفلوس كتيير قوى كدة وبيكانتو صغيرة قوىىىى بالرغم من ان الناس بتشكر فيها قوىىىى ... و ان الi10غالية قوىىىىى بالرغم من ان شكلها حلو ففكرت فى بدائل اخرى فلقيت البونتو فعجبيتنى جدا بالرغم من انها اغلى 10000 ولانى كده كدة هادفع اقساط لقرض هاجيبه فقولت مش مهم .. انا عاوزاكم تشاركونى التفكير ... هو انا كدة بفكر صح وان االبونتو احسنهم وتستاهل التفكير ولا انا مزوداها قوىىى ؟؟؟؟ و يا ريت لو عندكم اقتراحات تانية تقولولى ؟(ملحوظه : انا مش ناويه ادفع لحد 75000 غير فى حاجة كويسة بجد يعنى مثلا انا مش حابه هيونداى جيتس!!)

اسفه جدا للاطالة:)

[فادى]

البونتو أفضلهم بالطبع لأنها سيارة أوروبية, و معمرة عنهم بمراحل, و أداءها أفضل. كما أنها أكثرهم اعتمادية, و "البرستيج" بتاعها أعلى منهم طبعا.
كما أنها أكثرهم مساحة, بالنسبة للبيكانتو فأنا ركبتها قبل كده, و بصراحة هى سيارة سيئة جدا, مساحة داخلية صغيرة, ثبات صفر, و محرك بالكاد قادر على دفع السيارة.
الاى 10 ليس عندى معلومات كافية عنها.
لكن بالطبع لو استطعت دفع ال10 ألاف جنيه زيادة بدون تأثير على ميزانيتك فالبونتو خيار أفضل بمراحل, خاصة لو كنت تنوين الاحتفاظ بالسيارة لزمن طويل.

[NaderNabil]

البونتو تتفوق طبعا علي صعيد جميع الأوجه...طالما الفلوس متوفرة

, بالنسبة للبيكانتو فأنا ركبتها قبل كده, و بصراحة هى سيارة سيئة جدا, مساحة داخلية صغيرة, ثبات صفر, و محرك بالكاد قادر على دفع السيارة.
.

لا تعليق:)

[MoToRiZeR]

ممكن تشوفي السيريون كمان
سعرها 78

و كل ما تريدين معرفته عنها في حالة التفكير فيها موجود في منتدي دايهاتسو
نصيحة : بلاش هيونداي من أصله .. لا جيتس ولا اي تين

[karimalaa]

Punto طبعا أوروبي و Fiat و حتحسي بفرق العزم بينها وبين أي عربية اسيوي اخرى.عربية ايطالي تقفبيل ايطالي محدش اشتكى منها وطول عمرها محبوبة و محترمة و شكلها حلو.

[halimo]

طبعا البونتو زى ما الاخوة قالوليك بس انا ليا وجهة نظر مختلفة فى الفكرة بشكل عام , انا شايف تجيبى عربية مستعملة لمدة سنة تتعلمى المشى فى الشوارع وتخبطيها براحتك وبعدين تجيبى الزيرو خاصة انك بنت ومعروف عن البنات انهم بيسوقوا على قدهم (اسف ع الصراحة)

[Hondawy_2008]

بونتو قوي ي ى :)

[CryptonX]

البونتو طبعا

البيكانتوا و الباليو سيارات لا غبار عليهم برده و جمال جدا

بس البنتو اوسع و اكبر وقطع غيارها متوفرة اكتر .

[hazem_khidr]

البونتو زي ما الاخوه الاعضاء كلهم قالو
توكلي علي الله و مش حتندمي

[ayman_kamal]

البونتو اكيد