الرأي المتين في بنزين الشاهين !!!

[HRH_Sameh]

:embarrassed2: يا جماعة يا ريت تساعدوني في حيرتي :embarrassed2:

انا على طول بحط 90 في العربية من حوالي 5 سنين واحيانا 92
شاهين 2004 - نسبة الانضغاط 9.2:1
اول مرة من كام يوم حطيت 22 لتر 80 على حوالي 10 لتر 90 كانو فيها
مش حاسس بفرق في الأداء
ولا فرق يُذكر في صوت الموتور
ارجع 90 والا استمر على 80 وربنا يستر

يعني الأضرار اللي ممكن تحصل لو مشيت على 80 على طول (مع العلم ان مشاويري قليلة جدا - متوسط 150 - 200 كم في الشهر واستخدامي للعربية هادي جدا يعني مش بتاع شد وجري وآخري 80 : 90)

طيب ايه الاحتياطات الواجبة او الصيانة اللي المفروض تتعمل (تنضيف كربراتير (عمري ما نضفته) - تغيير فلتر بنزين (غيرته مره واحدة من حوالي سنتين) - ..........)

سؤال كمان: انا اعرف ان الكهرباء بتاعتها الكتروني يعني ما ابلاتين وكندينسر - ده ليه علاقة بالبنزين: بمعنى اوضح ينفع يتظبط الاسبراتير على البنزين الـ 80

محتاج رأيكم يا شباب فكروا معايا بصوت عالي عشان بجد محتار :(

[hazem_khidr]

طالما استعمالك للعربيه قليل اوي كده يبقي مالهاش داعي و خليك علي بنزين 90.

[شاهين - بنز]

أنا معايا دوجان بعبيها بنزين 80 بقالي 3 سنين من ساعت ماال 90 زاد ل 130 إرش وإلى الآن لم أواجه أي مشاكل إطلاقا (بس أهم حاجة إنك توطي الكهربا) مع العلم إني بفولها مرتين إسبوعيا

[ahmed1981]

بنزين 80 وليس أكثر
راجع الموضوع التالي:
http://www.nilemotors.net/Nile/showthread.php?t=16758

[HRH_Sameh]

شكرا يا شباب على الافادة
وياريت حد من اصحاب الشاهين يرد علىّ

[mrghost]

السلام عليكم ازيك ياسامح باشا
انا الحمد لله من اصحاب الشاهين وانا من ساعة البنزين ماغلى وانا بحط 80 والحمد لله تمام بس طبعا ماينفعش تقرص على الموتور زى الاول لانه بيسقف لو قرصت عليه بس غير كده مش هتحس بفرق ان شاء الله وعلى فكرة الميكانيكى اللى انا بصلح عنده معاه شاهين وبيحط 80

[mrghost]

وعلى فكرة لو لعبت فى الكهرباء بتاعتها علشان متسقفش العربية مش هتسحب ومش هتقدر تطلع بيها مطلع (عن تجربه) وياريت لو كل فتره غير فلتر البنزين او فكه واغسله ونظفه وان شاء الله هتلاقيها تمام معاك

[sab3aawy]

كتير جدا مننا بيعتبر ان التسقيف ظاهرة طبيعية ولا مشكلة منها لأنه حاجة مش بتضايق وكدة كدة العربية ماشية وبتسحب وزى الفل ، وبالتالى يقول بحط بنزين 80 والعربية بتمشى ومافيش مشكلة

لكن التسقيف هو السم البطئ الذى يقضى على المحرك بأسرع مما تتخيل

لذلك لو العربية بتسقف معاك يبقى امامك اختيار من 3

1- توطى السبراتير لحد ما توصل للدرجة اللى العربية ماتسقفش فيها مضحيا بالعزم والتسارع كما ان استهلاك الوقود هيرتفع نسبيا

2- تسايس العربية ومتقرصش عليها علشان متسقفش

3- تمشى بيها زى ما انت عايز تعمل حسابك على طقم بستم وصباب فىة اقرب فرصة

او انك تغير لبنزين ذو رقم اوكتان اعلى

لذلك ارجو انك تتأكد انك لما قلت ان محصلش معاك مشاكل انك متكونش شايل التسقيف من حساباتك

(على فكرة، الاسبراتير بتاعها برغم انه الكترونى لكن زاوية تقديم الإشعال بتتظبط يدويا، الإلكترونى فيها هو تقطيع التيار"مشطا بدل الأبلاتين وكوندنسر" لكن التحكم فى موعد الشرارة يدوى)

[ahmed_su]

كتير جدا مننا بيعتبر ان التسقيف ظاهرة طبيعية ولا مشكلة منها لأنه حاجة مش بتضايق وكدة كدة العربية ماشية وبتسحب وزى الفل ، وبالتالى يقول بحط بنزين 80 والعربية بتمشى ومافيش مشكلة

لكن التسقيف هو السم البطئ الذى يقضى على المحرك بأسرع مما تتخيل

لذلك لو العربية بتسقف معاك يبقى امامك اختيار من 3

1- توطى السبراتير لحد ما توصل للدرجة اللى العربية ماتسقفش فيها مضحيا بالعزم والتسارع كما ان استهلاك الوقود هيرتفع نسبيا

2- تسايس العربية ومتقرصش عليها علشان متسقفش

3- تمشى بيها زى ما انت عايز تعمل حسابك على طقم بستم وصباب فىة اقرب فرصة

او انك تغير لبنزين ذو رقم اوكتان اعلى

لذلك ارجو انك تتأكد انك لما قلت ان محصلش معاك مشاكل انك متكونش شايل التسقيف من حساباتك

(على فكرة، الاسبراتير بتاعها برغم انه الكترونى لكن زاوية تقديم الإشعال بتتظبط يدويا، الإلكترونى فيها هو تقطيع التيار"مشطا بدل الأبلاتين وكوندنسر" لكن التحكم فى موعد الشرارة يدوى)

+10000000000000

[رامى خيال]

سيارات شاهين الزيو موجود عليها ملصق على الزجاج الخلفى( لا يستعمل الا بنزين خالى من الرصاص) ما المقصود ببنزين خالى من الرصاص 90 ولا 92 ولا 95 ؟ ولا ايه بالضبط؟ افيدونا افادكم الله

[ahmed1981]

سيارات شاهين الزيو موجود عليها ملصق على الزجاج الخلفى( لا يستعمل الا بنزين خالى من الرصاص) ما المقصود ببنزين خالى من الرصاص 90 ولا 92 ولا 95 ؟ ولا ايه بالضبط؟ افيدونا افادكم الله

جميع أنواع البنزين في جمهورية مصر العربية خالي من الرصاص

[HRH_Sameh]

السلام عليكم ازيك ياسامح باشا
انا الحمد لله من اصحاب الشاهين وانا من ساعة البنزين ماغلى وانا بحط 80 والحمد لله تمام بس طبعا ماينفعش تقرص على الموتور زى الاول لانه بيسقف لو قرصت عليه بس غير كده مش هتحس بفرق ان شاء الله وعلى فكرة الميكانيكى اللى انا بصلح عنده معاه شاهين وبيحط 80
وعلى فكرة لو لعبت فى الكهرباء بتاعتها علشان متسقفش العربية مش هتسحب ومش هتقدر تطلع بيها مطلع (عن تجربه) وياريت لو كل فتره غير فلتر البنزين او فكه واغسله ونظفه وان شاء الله هتلاقيها تمام معاك

محمد باشا . . تسلم ع الرد والتجربة :)

1- توطى السبراتير لحد ما توصل للدرجة اللى العربية ماتسقفش فيها مضحيا بالعزم والتسارع كما ان استهلاك الوقود هيرتفع نسبيا

سبعاوي باشا دايما منوّرنا وفايدنا
يعني ايه توطي الاسبراتير ؟؟

لذلك ارجو انك تتأكد انك لما قلت ان محصلش معاك مشاكل انك متكونش شايل التسقيف من حساباتك

انا فعلا مش بسمع العربية بتسقف يمكن لأني زي ما قلت دوستي ع البنزين خفيفة :)

(على فكرة، الاسبراتير بتاعها برغم انه الكترونى لكن زاوية تقديم الإشعال بتتظبط يدويا، الإلكترونى فيها هو تقطيع التيار"مشطا بدل الأبلاتين وكوندنسر" لكن التحكم فى موعد الشرارة يدوى)

شكرا على المعلومة المفيدة

[ahmedfawzy14]

بقالى شهر زى حلاتك اهو بحط 80

الفرق لا يذكر فى السحب ده جوه البلد

اما فى الطوالى مفيش فرق اصلا

مع العلم ان معايا شاهين 1300

[HRH_Sameh]

بقالى شهر زى حلاتك اهو بحط 80

الفرق لا يذكر فى السحب ده جوه البلد

اما فى الطوالى مفيش فرق اصلا

مع العلم ان معايا شاهين 1300

شكرا ياباشا ع الافادة
بس طبعا الموضوع معاك مخلف لأن الموتور مختلف
ونّورت الموضوع

[sab3aawy]

توطى السبراتير يعنى تؤخر زاوية الإشعال ويتم ذلك عنم طريق تهوية مسمار الكونتر بتاع السبراتير بمفتاح 13 وتحريك السبراتير مسافة قليلة جدا (درجة زاوية واحدة او 2 بالكتير، الدائرة الكاملة 360 درجة) فى اتجاه عقارب الساعة واعادة ربط المسمار ، ثم تجربة السيارة من حيث السحب والتسقيف، ويمكن اعادة الأمر سواء فى نفس التجاه او بعكس وحتىالوصول لأفضل درجة من وجهة نظر السحب والعزم دون حدوث تسقيف