صيانة ال 40,000 للجراند بنتو

[ahmedtarek]

السلام عليكم,

انا روحت توكيل اماترا اللي في شارع العريش عشان أعمل صيانة ال 40,000 المهندس اللي هناك قاللي أعمل حسابك على فلوس محترمة عشان هتخش في 3500-4000 جنية عشان تيل و سيور و السيرفيس العادية, هو لية الصيانة غالية كدة , فا لفيت و قررت اني مش هعتب التوكيل تاني, حد يفيدني كلام الراجل دة صح واللى أية, و في حد عندة بديل (محل قطع غيار كويس مش فالحرفيين) لحسن بجد انا جالي إحباط

[yoko]

هو كلامة صح بالنسبه إنه بيقول كلام التوكيل لكن غلط لو هنتكلم هندسيا
السيور بتقعد 60 الف كم أو 4 سنين أيهما أقرب (التوكيل 4 سنين أو 40 الف)
وزيت الباكم ومياه الردرياتير وزيت الفتيس سنتين أو 40 الف أيهما أقرب (التوكيل سنه أو 20 الف)
البوجيهات 30 الف كم (التوكيل 20 الف)
ممكن تجيب كل قطع الغيار من عند الكيلاني أرخص

[u3mbkp]

انا عملت صيانة الـ 40.000 من اسبوعين رغم انى معملتش الا 14.700 كيلو فقط .. بس العربية بقالها معايا سنتين .. علشان كده عملت صيانة الاربعين الف .. وكانت التكلفة حوالى 2100 جنيه فقط .. والمهندس شريف متولى عملى خصم حوالى 100 جنيه علشان قلتلو انى عضو فى نايل موتورز برغم انى مش حاطط الاستيكر ..
ساعة الاستلام قاللولى انى لازم اغير تيل وديسكات فى الصيانة الجاية كمان 6 شهور .. ودول هيكلفوا حوالى 2000 جنيه كمان

[yoko]

انا عملت صيانة الـ 40.000 من اسبوعين رغم انى معملتش الا 14.700 كيلو فقط .. بس العربية بقالها معايا سنتين .. علشان كده عملت صيانة الاربعين الف .. وكانت التكلفة حوالى 2100 جنيه فقط .. والمهندس شريف متولى عملى خصم حوالى 100 جنيه علشان قلتلو انى عضو فى نايل موتورز برغم انى مش حاطط الاستيكر ..
ساعة الاستلام قاللولى انى لازم اغير تيل وديسكات فى الصيانة الجاية كمان 6 شهور .. ودول هيكلفوا حوالى 2000 جنيه كمان

المفروض 4 مش 2 بجد توكيل بيستهبل رسمي
والديسكات والتيول محدش يقدر يقول إمتى إلا لما يخلصوا تماما وغالبا بيقولوا ديسكات قبل معادها بكتير

[u3mbkp]

المفروض 4 مش 2 بجد توكيل بيستهبل رسمي
والديسكات والتيول محدش يقدر يقول إمتى إلا لما يخلصوا تماما وغالبا بيقولوا ديسكات قبل معادها بكتير

قصدك ايه يا يوكو ؟؟ يعنى التيول والديسكات يكلفوا اربعتلاف جنيه ؟؟؟
طب ده انا كنت ناوى اغير طقم دبرياج كمان وقالولى فى حدود الفين هو راخر !!!
محدش يعرف مكان فى اسكندرية اشترى منه الحاجة واعمل فيه الصيانة وبلاها السنة اللى فاضلة فى الضمان ؟

[yoko]

قصدك ايه يا يوكو ؟؟ يعنى التيول والديسكات يكلفوا اربعتلاف جنيه ؟؟؟
طب ده انا كنت ناوى اغير طقم دبرياج كمان وقالولى فى حدود الفين هو راخر !!!
محدش يعرف مكان فى اسكندرية اشترى منه الحاجة واعمل فيه الصيانة وبلاها السنة اللى فاضلة فى الضمان ؟

لأ أنا بتكلم صيانة ال 40 (أو بالأصح ال60)كل 4 سنين مش 2 خالص
والديسك ب 2000 ليه؟ (أصل انا قربت للأسف)

[Ghamrawy]

لأ أنا بتكلم صيانة ال 40 (أو بالأصح ال60)كل 4 سنين مش 2 خالص
والديسك ب 2000 ليه؟ (أصل انا قربت للأسف)

انت مال الدبرياج بتاعك ؟
اعراضه ايه ؟

[Medo.Malek]

انت مال الدبرياج بتاعك ؟
اعراضه ايه ؟

انا كمان عايز اعرف

[yoko]

كذا حد علق إنه عالي جدا وانا نفسي قولت كده زمان من أول يوم
والتوكيل كالعاده بيقولوا عادي لكن الحمد لله مفيش slip ولا أي حاجة بس بحضر نفسي نفسيا

[ahmadmidop]

وانا عندي الدبرياج عالي بردو ... يعني الدبرياج اعلى من الفرامل والبنزين .. ربنا يستر استعد نفسيا يعني هههههه

[Medo.Malek]

طب ممكن تفسير لكلمة الدبرياج عالى عشان بس ابقى معاكوا على الخط :)

[yoko]

طب ممكن تفسير لكلمة الدبرياج عالى عشان بس ابقى معاكوا على الخط :)

يعني لازم ترفع رجلك للأخر عشان العربيه تلقط مش أول ما تخف رجلك تلاقي العربيه عشقت

[ahmadmidop]

طب انا عندي لما اخف رجلى بتلقط تمام مش للازم للااخر ... بس ارتفاع الدواسة مش في نفس مستوى الفرامل والبنزين

[yoko]

طب انا عندي لما اخف رجلى بتلقط تمام مش للازم للااخر ... بس ارتفاع الدواسة مش في نفس مستوى الفرامل والبنزين

الفكره نقطة الفصل والتوصيل زي ما هما ولا إتغيروا

[megaman]

لسه النهارده عاملين صيانة ال40000 للجراند بونتو بتاعة اختى التكلفه 2300 فى اوماترا الدراسه غيروا الزيت والفلتر وفلتر هوا وتكييف وبوجيهات وبلي الكاتينه وزيت الفتيس الهايدروليك والعفشه ةكشف كمبيوتر وبس تعليقى ان هما غاليين والعربيه حتى ما غسلوهاش واتاخروا عن الميعاد اللى متفقين عليه والمهندس طلع جرب العربيه لحد السيده عائشه يعنى اخرنا وفى الاخر فى صوت فى المارش قالنا المارش عايز يتنضف طب ليه ما نضفتوش قال ده حاياخد ساعه مش اكتر قولناله مره تانيه بس الاحساس العام متبسطناش