العربية بتكهربنى

[Land_Cruiser]

هو حضرتك هتلاقى نفسك يتكهرب احيانا لما تلمس حاجات. تانيه زى باب الاسانسير او اسطح معدنيه و الموضوع من حضرتك اكيد زى ما الاخوه قالوا و مش من العربيه و أوعى تروح لكهربائى اكيد لانه فى الأغلب هينصب عليك و هيقولك عملت لك عزل للعربيه و لا ركبتلها أرضى او اى كلام فارغ

[abdoumahros]

موش ماس كهرباء

دي شحنه كهرباء استاتيكيه وبتكون اكتر وملحوظه في الشتاء
سببها احتكاك ملابسك مع فرش كراسي العربيه ( الكسوه )
لو كنت مركب كسوه من الالياف الصناعيه انصحك تغيرها بكسوه من القطن او الجلد
وممكن تعمل تجربه انك تحط ملايه سرير قطن مثلا علي الكرسي بالكامل وجرب هاتلاقي انك الكهرباء اختفت
عموما ماتقلقش مافيش خطوره علي العربيه او عليك

[ls1090]

الموضوع ده منتشر ومش شرط يكون فيه ماس كهربي ولا حاجة
انا بيحصل معايا لما اكون لابس حاجة فيه صوف مع الحركة والاحتكاك مع الكرسي بتتولد شحنة بتتفرغ بمجرد ما المس سطح معدن في العربية وعشان كده لو لمست العربية تاني بعدها على طول مش هتتكهر بتاني ابداً
والموضوع ده بيحصل مع زمايلي وماركات عربية مختلفة
اتاكد من الموضوع ده الاول بدل ما تقعد تلف حوالين نفسك مع الكهربائي ويقعد يشتغلك

[it_elias]

الموضوع ده حصل معايا .. طبعاً الحل عند الكهربائي
بس انا سيبت العربية 48 ساعة واقفة .. جيت ادور مبتدورش
رحت للمكانيكي زقة ورمي ودارت العربية قاللي انت عندك حاجة في الكهربا .. قلتله انا بتلسع من العربية ( كهربا ) قاللي انت عندك سنتر ؟
قولتله : ايوة . . قاللي عليك وع الكهربائي هو هيتصرف
انا قلت الكهربائي يعني هيعمل ايه ما هيبص علي السلوك .. انا رحت ماسك السلك اللي معدي بين الابواب ورحت مديله شكرتون وعزلته تمام .. والمشكلة انتهت تماماً والحمد لله
نصيحتي اتأكدو من سلك السنتر لانه مع فتح وقفل الباب طبقة العازل بتتاكل وبيميس في الارضي بتاع العربية وبيكهرب

[lanos2004]

انا كمان عربيتى بتكهربنى ---سؤال انته بتقعد قدام كمبيوتر كتير او اجهزة فيها مجال كهرومغناطيسى

[المنسي]

الموضوع ملوش علاقة بالسنتر ولا حاجة كلنا بنبقب قاعدين فترات طويلة قدام الكمبيوتر والتليفزيون وجسمنا بياخد اشاعات ويخزنها جرب والمس اى جسم معدنى غير العربية وهيحصل معاك نفس اللى بيحصل لما تلمس جسم العربية وتاكيدا لكلامى لو انت اتكهربت من العربية جرب تحط ايدك تانى مش هتلاقى حاجة لان الشحنة اللى كانت فى جسمك اتفرغت نصيحة اعمل زيييييى انا لما باجى نازل من العربية بمسك فى الازاز او اى حاجة بلاستيك وبعد كده خلاص