افيدونا في الريجاتا

[ahmedalbasha]

اخوانى لسه مشتري ريجاتا 100 موديل 85 بموصفات خليجى من عنده معلومات عن هذه السياره ارجو الافادة وما رقم البيك المستدخدم في هه السياره
ومن يملك كتالوج لهذة السيارة ارجو وضعه للاهميه ولكم جزيل الشكر

[Xpert]

هيا مش ال 100 اس نازله انجكشن ؟. انا كان عندي المكنه دي بس مش فاكر .. كان من 10 سنين فاتو!...
اللي هايفيدك في الريجاتا بالذات اخونا العزيز سبعاوي .. دور عليه و ابعتله علي الخاص ;)

[sab3aawy]

سؤال ؟ هو سنة 1985 كان فيه حاجة اسمها مواصفات خليجية؟ الفيات بكل موديلاته مكانش له تواجد فى الخليج نهائيا فى الحقبة دى واعتقد ان حتى الآن تواجده ضعيف جدا

المهم، الريجاتا 100 الماكينة بتاعتها 2 كامة 8 صباب، وهى نفس ماكينة الفيات 132 -1600 ، لحد 1985 كانت كاربراتير ومن 1986 تحولت الريجاتا 100 الى نظام الرشاشات

اعتقد على سبيل التخمين ان لو هى لها نفس كاربراتير الفيات 132 1600 يبقى هتكون مشتركة معاها فى نفس ارقام البيكات ، ودى ممكن اى بتاع قطع غيار يفيدك فيها، لكن لو لها كاربراتير مختلف يبقى الوحيد اللى ممكن يفيدك فيها هو فنى كاربراتيرات

عموما البيكات سهل جدا تطلعها وتبص على رقمها، انت لو فكيت العمة من على الكاربراتير بيقابلك اول حاجة فى وش الكاربراتير من فوق مسامرين لونهم نحاسى، لو فكيتهم وطلعتهم هم دول البيكات، وهتلاقى الأرقام مكتوبة عليهم

[ahmedalbasha]

هى موديل 1985 ومكتوب على الستيكر الالمنيوم الي جنب الباب انه موصفات خليجى وبها تكيف وزجاج كهرباء
وهى كاربرتير عادى ورقم البيك الي راكب 105 وهي تصنيع المانى وبها عمه
بلاستيك مستطيله فوق الكربرتير والمتور شبيه 132 1600 هل يوجد عندكم اى معلومات اخرى عن هذه السيارة
وهل ممكن اركب كربرتير انجكشن لان استهلاك البنزين عالى قوى وشكرا لكم اخوانى جمعيا

[أبومعاذ]

هى موديل 1985 ومكتوب على الستيكر الالمنيوم الي جنب الباب انه موصفات خليجى وبها تكيف وزجاج كهرباء
وهى كاربرتير عادى ورقم البيك الي راكب 105 وهي تصنيع المانى وبها عمه
بلاستيك مستطيله فوق الكربرتير والمتور شبيه 132 1600 هل يوجد عندكم اى معلومات اخرى عن هذه السيارة
وهل ممكن اركب كربرتير انجكشن لان استهلاك البنزين عالى قوى وشكرا لكم اخوانى جمعيا

روح لحد بتاع كربراتير ممكن يشوفلك بيكات اقل شوية يركبهالك

[yasserprince]

السلام عليكم و رحمة الله
الكربرتير بتاعها ويبر ولا سولكس
غالبا ويبر و ده البيك بيكون شبه الماسورة فى حجم صابع اليد من فوق بيك الهواء و رقمه 190 و من تحب بيك السرعة و بيكون 115 او 120
وممكن تشيل 150 من تحت بتاع البنزين و تركب 110 متقلش عن كده لانه حيخنق العربية خاصة فى الشتاء و انت لسه مدورها و جرب و يا ريت تطمنى