Dualogic بدأ يستعبط في البرافو

[pogy_atom]

السلام عليكم الأول

أنا معايا برافوا 120HP ماشية بتاع 43 الف كده
عملت معايا حركة غريبة مرتين والنهارده كانت التالته

وانا ماشي غالبا كانت على التالت أول الرابع فجأه الموتور صوته علي جدا ولقيت الRPM دخل في 6
ببص لقيتها رجعت N لوحدها وطلعلي Gear Unavailable

طبعا وقفت وحاولت اغير أو أعملها حتى مانوال بس مافيش فايده
بطلتها ودورت تاني مشيت عادي

المشكلة ان ده أول مرة يحصل وخايف أروح أوماترا ميعرفوش أو يلبسوني قطعة غيار وترجع المشكلة تاني كالعادة

حد يعرف حاجه عن الموضوع ده ؟!

[karimalaa]

غالبا تهيسة control أو بطارية أنا مش عايز أفتي بس لقيت محدش رد عليك فا قولت أرد....الفيات الجديد كله لما البطارية بتبدأ تودّع الكهرباء كلها بتهيس جامد ... و ممكن تكون محتاجة software و الله أعلم برده ....اكشف على البطارية و لو سليمة جرب تفصل البطارية لمدة 15 دقيقة كده و رجعها تاني و ان شاء الله تتحل...

[fouady]

بتحصل مع واحد صاحبي معاه ايفو حصلت معاه مرتين تلاتة , وقلنالهم فـ البرقان قالوا عادي وعمله رسيت للكنترول تقريبا بس كده

[yoko]

الحل بالترتيب
1) شيك غلى البطاريه لو ضعيفة غيرها على طول
2) إفصل كبل الأرضي من البطاريه مش أقل من ربع ساعة منفعش
3) العربيه هتتحط على الدياجنوزيس يتشاف لو فيه سينسور مهيس وغالبا مش هيلاقوا
4) هيتحطلها سوقت في التوكيل لإن كده هي أكيد تهييسه سوفت
5) لو بعد كل ده لسه هتبقى ديسك وإسطوانه بس إحتمال بعيد شويه وغالبا هيبان مع الخطوة ال 3

[pogy_atom]

شكرا يا شباب
أنا حاسس انها فعلا تهييس سوفت
لأن البطارية متغيرة من شهرين تقريبا ومش حاسس انها ضعيفة

بس ربنا يستر وميطلعش ديسك أو أسطوانه, مش لو فيهم حاجه أكيد هاخد بالي من الصون مثلا أو السحب وكده ولا إيه ؟!

[yoko]

أكيد هيبان معاك في السحب وفي رجرجة مع الغيارات

[Ammar]

السلام عليكم الأول

أنا معايا برافوا 120hp ماشية بتاع 43 الف كده
عملت معايا حركة غريبة مرتين والنهارده كانت التالته

وانا ماشي غالبا كانت على التالت أول الرابع فجأه الموتور صوته علي جدا ولقيت الrpm دخل في 6
ببص لقيتها رجعت n لوحدها وطلعلي gear unavailable

طبعا وقفت وحاولت اغير أو أعملها حتى مانوال بس مافيش فايده
بطلتها ودورت تاني مشيت عادي

المشكلة ان ده أول مرة يحصل وخايف أروح أوماترا ميعرفوش أو يلبسوني قطعة غيار وترجع المشكلة تاني كالعادة

حد يعرف حاجه عن الموضوع ده ؟!

بص يا باشا .. أجبلك من الآخر .. ده كده طقم دبرياج .. بس ممكن تعيش معاها على كده كمان شوية .. حتلاقي برضه تأخير في النقلات وكده .. بس أخرك 50 ألف .. عشان حتهيس خالص

لو مورت منك .. متبطلش ولا تقف ولا حاجة إعمل + حتجيبك على النقلة المظبوطة بتاعتها ..

هو الدوالوجيك كده .. بيجيب طقم دبرياج مابين 40 ألف و50 ألف تقريبا .. مافيش حاجة كاملة في الدنيا :(

عاوز تتطول عمره .. في أي إشارة أو وقفة تمور .. ومدسش فرامل .. لو الأرض مايلة شد هاند ..

على فكرة طقم الدبرياج مالوش دعوة بالسحب خالص .. حتلاقي السحب مش حتحس بفرق أوي .. لكن واحدة واحدة بيبقى فيه رجرجة في الطلعة

اتمنى اكون أفادتك

[pogy_atom]

شكرا على الأخبار الجامدة دي Ammar

لو مورت منك .. متبطلش ولا تقف ولا حاجة إعمل + حتجيبك على النقلة المظبوطة بتاعتها ..

هي لما مورت مني مافيش حاجه نفعت معاها لا + ولا - ولا حتى لما عملتها M

هو الدوالوجيك كده .. بيجيب طقم دبرياج مابين 40 ألف و50 ألف تقريبا .. مافيش حاجة كاملة في الدنيا :(

مش صعب شوية طقم الدبرياج في 40 الف بس
هي دي حاجه بتحصل كتير ؟ مش شايف حد اشتكى من الموضوع ده هنا أو برة لما دورت على المشكلة دي
هل أنت فعلا شوفتها كتير ؟

[Formulator]

بص يا باشا .. أجبلك من الآخر .. ده كده طقم دبرياج
هو الدوالوجيك كده .. بيجيب طقم دبرياج مابين 40 ألف و50 ألف تقريبا ..
عاوز تتطول عمره .. في أي إشارة أو وقفة تمور .. ومدسش فرامل .. لو الأرض مايلة شد هاند ..

على فكرة طقم الدبرياج مالوش دعوة بالسحب خالص .. حتلاقي السحب مش حتحس بفرق أوي .. لكن واحدة واحدة بيبقى فيه رجرجة في الطلعة

e Respect لـ حضرتك يا باشا,
الكلام ده مش صحيح..

أولا: الـClutch kit اللى بتنزل على الجراند/ايفو.. غير بتاع البرافو خاااااااااااالص.
أى طقم دبرياج بتاع برافو T-JET من 2009.. بيبقى طقم Abarth والكلتش بيبقى Re-inforced

ثانيا: مفيش حاجة اسمها ديسك واسطوانة بتاع Selespeed, Dualogic أو حتى الـEasytronic بتاع الأوبل تبوظ عند 40-50 ألف؟؟؟!!!

وعن تجااااااااااااااارب:
- ألفا 156 Selespeed قعد 120 ألف كم, مع مراعاة ان الموتور 2.0 TS بقوة 155 حصان (يعنى أجمد من موتور البرافو 150 حصان).. بس العزم كان 190 نيوتن iirc

- برافو 120 T-JET لحد دلوقتى قربت على 60 ألف الحمد لله,
وأعرف كذا برافو تربو مابين 120 Dualogic و 150 مانيوال.. معديين 70-90 ألف, ولا الهواء؟؟!!!
والاثنين نفس طقم الدبرياج بتاع الأبارث, وبيركب على فتيس الـM32 (نفس الفتيس برضه), مع Matching-Clutch.. وخد بالك أوى من الكلمة دى.
يعنى الكلتش يستحمل لحد 320 نيوتن (M32), مش بس الـ206-230 بتوع البرافو,
عشان كده بقولك متقارنش بالجراند/ايفو موتور 77 حصان, 115 نيوتن..

[Formulator]

@ pogy_atom
مش أنت محمد بتاع 6-أكتوبر (فـ كلية الطب), عربيتك برافو حمراء Pkg-5؟؟!!!

لو أنت,
أنا د.مصطفى عياد.. اتقابلنا فـ التوكيل, وركبت عربيتك وقولتلك على حاجات فـ الـDualogic كده.. (ودخلنا الباركينج بتاع أوماترا نتفرج على الألفا Spyder الكونفيرتيبل).
وانت كلمتنى كذا مرة عشان مشكلة فـ العربية... وكلمتلك م/كريم حافظ..؟!!
Anyway,
دى تهييسة سوفت, زى ما Yoko قال فـ الأول..
يقولك Gear Unavailable, Check Transmission.. أو Contact Fiat-DealerShip

ركز أوى: طالما لمبة الفتيس فـ التابلوه مش منورة.. والكمبيوتر مقالش 3rd Max gear Permitted..؟؟!!! يبقى سوفتوير يا معلم.
لكن لو بتعدى الغيار الثالث عااااااااااااادى.. مفيش مشكلة, ولو مقلق حطها على الـExamino عند أوماترا.. يعملوا Scan للـErrors اللى متسجلة
(بس ماتفصلش البطارية عشان ماتعملش Restart وتمسح الـData)..

Regards,

[pogy_atom]

@ pogy_atom
مش أنت محمد بتاع 6-أكتوبر (فـ كلية الطب), عربيتك برافو حمراء Pkg-5؟؟!!!

لو أنت,
أنا د.مصطفى عياد.. اتقابلنا فـ التوكيل, وركبت عربيتك وقولتلك على حاجات فـ الـDualogic كده.. (ودخلنا الباركينج بتاع أوماترا نتفرج على الألفا Spyder الكونفيرتيبل).
وانت كلمتنى كذا مرة عشان مشكلة فـ العربية... وكلمتلك م/كريم حافظ..؟!!
Anyway,
دى تهييسة سوفت, زى ما Yoko قال فـ الأول..
يقولك Gear Unavailable, Check Transmission.. أو Contact Fiat-DealerShip

ركز أوى: طالما لمبة الفتيس فـ التابلوه مش منورة.. والكمبيوتر مقالش 3rd Max gear Permitted..؟؟!!! يبقى سوفتوير يا معلم.
لكن لو بتعدى الغيار الثالث عااااااااااااادى.. مفيش مشكلة, ولو مقلق حطها على الـExamino عند أوماترا.. يعملوا Scan للـErrors اللى متسجلة
(بس ماتفصلش البطارية عشان ماتعملش Restart وتمسح الـData)..

Regards,

شكرا formulator على شوية المعلومات الجامدة دي

انا للأسف مش محمد بتاع 6 أكتوبر انا أحمد بتاع 6 أكتوبر ومش في كلية طب

المهم كلامك طمني كتير هي اللمبة اللي في التابلوه نورت مرة كده وكانت بتشتغل وتطفي كل ثانية وقاللي check transmission بس ما طلعتش بعد كده تاني

وان شاء الله لو حصل كده تاني هروح لأوماترا لأني فعلا فصلت البطارية خلاص

وشكرا كمان مرة واضح انك مذاكر كويس

[hany63]

طقم الدبرياج ما لوش دعوه بالكيلو متر الكلام ده كان زمان قبل الزحمه فممكن الطقم يضرب على 30000 كم و في عربيه اختها نفس الموديل يقعد 150000 كم

[pogy_atom]

واضح من الكلام ان طقم الدبرياج ده هيضرب هيضرب لا محالة :)

يا ترى هو غالي في البرافو ولا ايه النظام ولو حد يعرف متوسط عمره اد ايه

[megaman]

عربية اختى جراند بونتو لما بنحرق على rpm عالى او نفرمل فجأه العربيه بتفصل فتيس يعنى بتمور ولازم نبطلها وندورها تانى لما رحنا التوكيل قالولنا ان زيت الفتيس الهيدروليك كان لازم يتغير على 20000 وده عجيب جدا ومش موجود فى اى سياره اخرى غيروا الزيت وعملوا ريست للبرنامج ظبتت وقالولنا الفتيس الستيبترونيك ليه خزنتين زيت واحده زيت فتيس عادى والتانيه هيدروليك ولو اهملنا الزيت ممكن الاسطوانه والبليه يبوظوا طبعا الكلام مش مقنع ده لا بيحصل فى فتيس مانيوال ولا اوتوماتيك

[Ammar]

e respect لـ حضرتك يا باشا,
الكلام ده مش صحيح..

أولا: الـclutch kit اللى بتنزل على الجراند/ايفو.. غير بتاع البرافو خاااااااااااالص.
أى طقم دبرياج بتاع برافو t-jet من 2009.. بيبقى طقم abarth والكلتش بيبقى re-inforced

ثانيا: مفيش حاجة اسمها ديسك واسطوانة بتاع selespeed, dualogic أو حتى الـeasytronic بتاع الأوبل تبوظ عند 40-50 ألف؟؟؟!!!

وعن تجااااااااااااااارب:
- ألفا 156 selespeed قعد 120 ألف كم, مع مراعاة ان الموتور 2.0 ts بقوة 155 حصان (يعنى أجمد من موتور البرافو 150 حصان).. بس العزم كان 190 نيوتن iirc

- برافو 120 t-jet لحد دلوقتى قربت على 60 ألف الحمد لله,
وأعرف كذا برافو تربو مابين 120 dualogic و 150 مانيوال.. معديين 70-90 ألف, ولا الهواء؟؟!!!
والاثنين نفس طقم الدبرياج بتاع الأبارث, وبيركب على فتيس الـm32 (نفس الفتيس برضه), مع matching-clutch.. وخد بالك أوى من الكلمة دى.
يعنى الكلتش يستحمل لحد 320 نيوتن (m32), مش بس الـ206-230 بتوع البرافو,
عشان كده بقولك متقارنش بالجراند/ايفو موتور 77 حصان, 115 نيوتن..

متشكرين يا باشا على المعلومات القيمة ديه .. كلام جميل الحقيقة مكنتش عارفه ..

ولصاحب الموضوع آسف على الغلطة ديه .. طول عمري فاكر الإتنين نفس القصة .. بس طبعا بالعقل كده مش منطقي .. ربنا يبارك لك فيها

:-)