علبة دركسيون السيينا 1400

[م/مصطفى محمود]

اللام عليكم ورحمة الله وبركاته

كنت رحت من فترة علشان اظبط علبة الدركسيون فى بريدجيستون فقالولي علبة الدركسيون محتاجه حشو

فكلمت الميكانيكي وقالي انها لو اتحشت هتبوظ كمان كام شهر وهتتكلف حوالي 400 طقم إصلاح ، وقالي الحل اننا نجيب واحدة إتيراد

فرحت لصابر الميكانيكي وهو قالي هيشوفلي واحدة ، وكلمني وقال انه لقى واحدة ب 1000 جنية ب حالتها ممتازة وفى ب 800 فأنا مش عارف اسعارها بصراحة هل هي كده منابة ولا غالية ، ولما أغيرها أتأكد من أية مثلا انها كويسة

مع العلم اني لفيت فى الحرفيين ملقتهاش

[م/مصطفى محمود]

صحيح هي بور زيت

[JUVENTUS]

الكلام كله تمام طبعا انها تتغير و بلاش الحشو ده خالص
بالنسبه للسعر انا شايفه غالي فعلا
الاسكترا بتاعت التمبرا ب 300 و بالرغم من ان قطع غيار السيينا الاستيراد اغلى من قطع غيار التمبرا الا اني شايف 1000 كتير
انزل عزبه شلبي فيها شغل سيينا اكتر من الوكاله و ان شاء الله تلاقيها ارخص هناك و انا لو نزلت هناك قريب هسألك عليها

[DONYO]

اية الاخبار يا باشا ......طمنا عملت ايه !

[م/مصطفى محمود]

كبرت دماغي بصراحة ، معملتهاش ، اولا مكنشي عندي بوش فى الدركسيون ، الزيت كان بينقص على فترات كبيرة ، وكان باين ان الخرطوم اللى تحت علبة الباور مسرب شوية ، فقولت هغير انا الكولية بتاع الخرطوم ، وهشوف الحياة إية ، بصراحة استحرمت انى العب فيها واغيرها بحاجه مش معروفة ، وكمان اللى كان جايبهالي شكلها أخت بتاعتي (بس انا عندي كاوتشة مقطوعة )

الجميل ان بعد ما قولتلة اني مش هغيرها للأسباب دي ، قالى طب وأنت كنت عايز تغيرها لية ؟!

قلتلة مش انا قولتلك ان بتاع الزوايا قالي العلبة عايزة تتظبط وانت نزلت تحت العربية تبص عليها ، قالى انا قلت هغيرها على كلامك ، فبصراحة مكنتش مستريحلة خااااااااااالص وانا شغال (غيرت ماسورة مياة كان فيها مشكلة + كاوتش ميزان + فلاتر وبوجيهات + جوان غطا تاكيهات )

بجد يا جماعه الواحد خلاص فصل من الميكانيكية

فهأجل موضوع العلبة لحد ما يظهر حاجه تاني ، وهتابع زيت البور دوريا ، وهركز حاليا فى تغيير الزيت (ماتور وفتيس ) + تصليح التكييف علشان الحر

[DONYO]

كبرت دماغي بصراحة ، معملتهاش ، اولا مكنشي عندي بوش فى الدركسيون ، الزيت كان بينقص على فترات كبيرة ، وكان باين ان الخرطوم اللى تحت علبة الباور مسرب شوية ، فقولت هغير انا الكولية بتاع الخرطوم ، وهشوف الحياة إية ، بصراحة استحرمت انى العب فيها واغيرها بحاجه مش معروفة ، وكمان اللى كان جايبهالي شكلها أخت بتاعتي (بس انا عندي كاوتشة مقطوعة )

الجميل ان بعد ما قولتلة اني مش هغيرها للأسباب دي ، قالى طب وأنت كنت عايز تغيرها لية ؟!

قلتلة مش انا قولتلك ان بتاع الزوايا قالي العلبة عايزة تتظبط وانت نزلت تحت العربية تبص عليها ، قالى انا قلت هغيرها على كلامك ، فبصراحة مكنتش مستريحلة خااااااااااالص وانا شغال (غيرت ماسورة مياة كان فيها مشكلة + كاوتش ميزان + فلاتر وبوجيهات + جوان غطا تاكيهات )

بجد يا جماعه الواحد خلاص فصل من الميكانيكية

فهأجل موضوع العلبة لحد ما يظهر حاجه تاني ، وهتابع زيت البور دوريا ، وهركز حاليا فى تغيير الزيت (ماتور وفتيس ) + تصليح التكييف علشان الحر

انا كنت قريت في موضوع قبل كدةمن فترة هنا في المنتدى ان في واحد بيقول انه ركب بتاعة اللانوس بس مش فاكر اذا كانت الطرمبة ولا العلبة يا ترى الموضوع دة ممكن ولا ايه ؟

[misoalex]

انا كنت قريت في موضوع قبل كدةمن فترة هنا في المنتدى ان في واحد بيقول انه ركب بتاعة اللانوس بس مش فاكر اذا كانت الطرمبة ولا العلبة يا ترى الموضوع دة ممكن ولا ايه ؟

دا كان بيتكلم عن الطرمبه العلبه مينفعش خاااااااالص تتعدل لازم نفس المقاسات بالميللى