الفرش بتاع الفيات البرافو الجديدة

[MoToRiZeR]

اللي شاف العربية في المعرض
الفرش بتاعها تحفة .. هو اسود كله و اطراف الكرسي نبيتي مطفي بيلمع
بجد شيك جدا .. هو هو اللي في الصور بتاعتها عالنت يعني بينزل في كل العربيات .. و هو احد تفاصيل الشياكة "الكتير اوي" اللي في العربية

يا تري ممكن حد يقلدهولي و اعمل عنده واحد زيه ؟
او حتي اعمله اوردور من برة؟

اصله بجد داخل دماغي اوي اوي اووووووي

[فادى]

البارح شفت العربية فى المعرض.
قصة, البرافو غطت على كل المعروض, الدركسيون و الفتيس و فرامل اليد جلد طبيعى, أما القصة الحقيقة ان السيارة دى عبارة عن فيرارى مصغرة, بلا مبالغة.
العربية فيها زرار اسمه "سبورت" الزرار ده المفترض بحسب كلام المهندس السخيف الى كان واقف مع العربية بتوطى العربية, و بيحولها لعربية سبور من ناحية العفشة تماما, كما أن هذا النظام يعمل تلقائيا بعد ال120 كلم/ساعة. بصراحة لو الكلام ده صحيح, فده يبقى متوفر لأول مرة فى هذه الفئة, و هو انعكاس لما وضلت اليه سيارات فيات من تطور ربما لم تبلغه أى من الشركات الأوروبية المنافسة لها مثل فولكس و بيجو و رينو و غيرهم.
مع اعتراضى على المهندس السخيف الى كان واقف مع البرافو فى طريقة الكلام و التهكم على الزبائن, هذا لم يحدث معى, بل مع زبائن أخرين لاحظت أنه يتكلم معهم بطريقة سخيفة و مستفزة.
بصراحة و لعل الجميع قد لاحظ ذلك, أن منصة فيات قد استحوذت على الاعجاب بفضل سياراتها الرائعة, رغم القائمين عليها و الذين كانوا فى منتهى الاهمال و السخافة.

[MoToRiZeR]

فعلا معاك حق فيات كانت متألقة المرة دي في المعرض
خاصة العربية دي

واعتقد الاوبشن ده موجود في الاوبل استرا الجديدة برده ( بالنسبة للعربيات اللي في مصر يعني )






مفيش اخبار حد يقولها عن موضوع الفرش ؟ :(

[MohabSaeed]

فعلا معاك حق فيات كانت متألقة المرة دي في المعرض
خاصة العربية دي

واعتقد الاوبشن ده موجود في الاوبل استرا الجديدة برده ( بالنسبة للعربيات اللي في مصر يعني )






مفيش اخبار حد يقولها عن موضوع الفرش ؟ :(

اعتقد ان موضوع ده مستحيل .... ممكن تجيب حاجه مشابه لكن نفس الخامه مستحيل .


:) الحل انك تشترى البرافو

البارح شفت العربية فى المعرض.
قصة, البرافو غطت على كل المعروض, الدركسيون و الفتيس و فرامل اليد جلد طبيعى, أما القصة الحقيقة ان السيارة دى عبارة عن فيرارى مصغرة, بلا مبالغة.
العربية فيها زرار اسمه "سبورت" الزرار ده المفترض بحسب كلام المهندس السخيف الى كان واقف مع العربية بتوطى العربية, و بيحولها لعربية سبور من ناحية العفشة تماما, كما أن هذا النظام يعمل تلقائيا بعد ال120 كلم/ساعة. بصراحة لو الكلام ده صحيح, فده يبقى متوفر لأول مرة فى هذه الفئة, و هو انعكاس لما وضلت اليه سيارات فيات من تطور ربما لم تبلغه أى من الشركات الأوروبية المنافسة لها مثل فولكس و بيجو و رينو و غيرهم.
مع اعتراضى على المهندس السخيف الى كان واقف مع البرافو فى طريقة الكلام و التهكم على الزبائن, هذا لم يحدث معى, بل مع زبائن أخرين لاحظت أنه يتكلم معهم بطريقة سخيفة و مستفزة.
بصراحة و لعل الجميع قد لاحظ ذلك, أن منصة فيات قد استحوذت على الاعجاب بفضل سياراتها الرائعة, رغم القائمين عليها و الذين كانوا فى منتهى الاهمال و السخافة.

فعلاااااااا كل الناس الى كانو واقفين غايه فى السئاله و الغلاسه والغتاته الى فى الدنيا , ومش فاهمين هما بيتكلمو فى ايه " وبيفتو فتى فظيييييه " انا سمهت البيه الى واقف جمب البرافو بيقول لواحد انها 157 حصان ؟؟؟؟؟؟!!! طيب ليه الكذب وعدم المصداقيه ...يعنى ال7 حصان الى ذودتهم بالكذب دول حيفرقو فى عربيع خرافيه زى ديه ؟

حاجه تانى سالت نفس المهندس قولتله ممكن نشغل الموتور نسمع صوته ؟ قالى لا ممنوع ... مع انى لما روحت جناح جاجوار ال Xf كانت دايره .. وشفت كام عربيه برده كان المسئول بيدورها !!

الحاجه التالته قولتله طيب ينفع نعمل تست درايف ليها ... قالى لا مافيش " وبطريقه غريبه " قالى العربيه غاليه و لو فتحنا تست ليها الناس كلها حتيى تجربها !!!!!!! ,
انا مش فاهم المفروض ده تبيعى ان كل الناس تجربها !

وواحد تانى واقف استخف دمه عليا لما لقانى بقالى كتير فى الجناح وبصور صور كتير ... استخف مره وفى المره التانيه نزلت كلمته بشده..... قولتله انا كده بعملك دعايه مجانيه ... انتا اساسا المفروض تدينى فلوس على الدعايه ديه ..وكلمته عن الموقع وانى بنصع الناس تشترى فيات , بس برده قعدت اصور كل الى انا عاوزه ........ وطظ فيهم كلهم ............ انا بحب فيات و جيت المعرض من 6 اكتوبر ودفعت بنزين ودفعت ال25 جنيه علاشان اتفرج على فيات .فكبرت دماغى منهم كلهم واستمتعت بمشاهده تحف فيات الفنيه .
:)

[MoToRiZeR]

شكلي هشتري برافو و اخد الفرش بتاعها احطه في السيريون :biggrinjester:

[MohabSaeed]

طيب ماتنساش الموتور كمان .. :biggrinjester:

[MoToRiZeR]

طب متعرفوش يا جماعة حد يكون عنده فرش من الاخر حتي لو اغلي شوية مش مشكلة
اصل رحت سبيركار و محلات تانية بصراحة معجبنيش حاجة
عايز اجيب حاجة مميزة

[Migo123]

اعتراضى على المهندس السخيف الى كان واقف مع البرافو فى طريقة الكلام و التهكم على الزبائن, هذا لم يحدث معى, بل مع زبائن أخرين لاحظت أنه يتكلم معهم بطريقة سخيفة و مستفزة.
بصراحة و لعل الجميع قد لاحظ ذلك, أن منصة فيات قد استحوذت على الاعجاب بفضل سياراتها الرائعة, رغم القائمين عليها و الذين كانوا فى منتهى الاهمال و السخافة.
__________________

العارضين في فيات أقل ما يقال عليهم انهم زباله
كنت بتفرج على العربية و واحدة منهم قاعدة جوه العربيه ومشغله الكاسيت
اول ما فتحت الباب راحت علت صوت الكاسيت زياده
طبعا اتنرفزت عليها وكان معايا واحد صاحبي قفش عليها لغاية ما نزلت من العربيه
بصراحه لو هو اسلوبهم في التعامل مع الزبايين المتوقعين
فانا متوقع منهم اسلوب اسوء كتيييييييير لو فكرت انك تشتري وتبقى تحت رحمتهم كوكيل
برغم العربيه اقل ما يقال عنها انها رائعه
بس تغوووووور من وشهم

[galilio_mad]

طب متعرفوش يا جماعة حد يكون عنده فرش من الاخر حتي لو اغلي شوية مش مشكلة
اصل رحت سبيركار و محلات تانية بصراحة معجبنيش حاجة
عايز اجيب حاجة مميزة

فعلا لو حد يعرف سروجى او شركة شغلها نضيف يا ريت يقولنا
انا بالف بقالى فترة و مش لاقى حد شغله حتى 90%
يعنى من الاخر حد يعمل فرش شكل بتاع الفابريكه بالضبط