استشارة في كبالن 127

[Unendlich]

مساء الفل على رجالة الفيات
كنت محتاج مشورتكم في عربية واحد معرفة 127 موديل 82. العربية ما شاء الله عليها فبريقة بالكامل معاه من الزيرو و يادوب عاملة 100 ألف كم بعد السنين دي كلها (محدش يقول دي لاعبة في العداد عشان الراجل والده جايبهاله زيروووو)
المهم بقى نيجي للمشكلة الا و هي الكبالن اللي حاليا بتسقف و تطبل و تزمر في أي ملف و كان بيشتكي إن قطع الغيار بتبقى مضروبة و مش بيلاقي حاجة نضيفة.
منين يجيب كبالن تعيش معاه بقى ؟؟ سواء استيراد أو جديد و منين و بكام.
أرجو إن محدش يبخل بمعلومة
و متشكر مقدما

[atvi1000]

بص يا ريس العربيه ده بجد تحفه جدا وانا عن نفسي عربيتي كانت كده بردو وشاريها من واحد بردو كانت اول يد وانا جبتها من حوالي سنه نصف وغيرت حاجات كتير في العافشه وكلها الحمد لله جبتها اصلي
لو جيت للكبالن انا كنت جايبهم ايطالي وكانوا عملين حوالي 200 ج الجوز من جوالي سنه ونصف وهتلاقي مختوم علي جسم الكوبلن نفسه المعدن ده made in italy يا ريت ياخد باله من الحته ديه
ولو عاوز حد مضمون قوي يبق الكيلاني في التوفيقيه قدام كشري ابو طارق ده مفيش بعده في الحاجات الاصليه واي خدمه انا تحت امرك حضرتك ولو فكر يبيع العربيه ابق قولي

[Unendlich]

بص يا ريس العربيه ده بجد تحفه جدا وانا عن نفسي عربيتي كانت كده بردو وشاريها من واحد بردو كانت اول يد وانا جبتها من حوالي سنه نصف وغيرت حاجات كتير في العافشه وكلها الحمد لله جبتها اصلي
لو جيت للكبالن انا كنت جايبهم ايطالي وكانوا عملين حوالي 200 ج الجوز من جوالي سنه ونصف وهتلاقي مختوم علي جسم الكوبلن نفسه المعدن ده made in italy يا ريت ياخد باله من الحته ديه
ولو عاوز حد مضمون قوي يبق الكيلاني في التوفيقيه قدام كشري ابو طارق ده مفيش بعده في الحاجات الاصليه واي خدمه انا تحت امرك حضرتك ولو فكر يبيع العربيه ابق قولي

متشكر لردك
طب حضرتك جبت ال made in Italy دول من الكيلاني ولا من حتة تانية ؟ و هل شغالين كويس الحمدلله ؟
و يا تري الواحد يضمن منين موضوع انهم ايطالي ده ؟ أصل دلوقتي الصين ممكن تنحتلك أي حاجة في أي حتة و يجي التاجر يقولك بص يا باشا دي منحوتة أهي مش أي ستيكر و خلاص.

[aliyehia]

الضمان لله فى الحاله دى و عليك و على تاجر معرفه

[Ahmed_selmy]

انا لسه جايب كبالن بس لسوبر فيورا ب250 جنيه المكانيكى هوا اللى جابهملى المانى
ومحفور عاليهم made in germany حفر على كل كوبلن
انا جربتهم قبل كده وكانوا تمام
وعلى فكره اللى قبليهم كانوا صينى ب 125 جنيه وقعدوا فتره كويسه برده