ميعاد نزول البونتو أيفو !!

[ramallah9]

يا أهل البونتو , هو عشان الواحد قافش فيها ومش عاوز يجيب غيرها يُقعُد يتمطوح كده ؟

حد عارف نازلة إمتى ؟

أوماترا بيقولوا آخر إبريل
أوتو سمير ريان بيقول الأسبوع ده
شيرين كار بتقول عشر تيام برضُه


إيه الكلااااااام ؟!!

[aboyehya]

انا تقريبا بتذل برده !!!!
كل شوية يأجلوا
شيرين كار من اسبوعين كلموني و قعدوا يأكدوا لي انها بعد اسبوعين "يعني اليومين دول"
كل ما اكلمهم يقولي في اجتماع مع اوماترا و هنرد عليك
بكلم اوماترا بيقولوا برده آخر الشهر !!
مع انهم من اسبوعين قالولي اول ابريل

دي حاجة تقرف!!!!!!!!!!!!

[ramallah9]

والعمل يا أستاذ ؟!!


انا احتمال أسافر في خلال الأسبوع أو العشر تيام دول ولازم أجيبها قبل مسافر ومش عارف ده هايحصل إمتى وإزاي !


وشكلي كده هأمن على حياتي عشان تقريباً هاتنِقِط


هو ينفع المعارض تستوردها قبل التوكيل أساساً ؟

انا أعرف إن سمير ريان حوت كبير
:d


مش عارف أحجِز في أوماترا ولا في شرين ولا أستنى لما أبو سمره يجيب وأشيل على طول - لأنه هو مش بياخُد حجز أصلاً-

[Ghamrawy]

المفروض كمان 10 ايام

[A.Adel]

توكيل غريب , ده زي ما يكون مش عاوز يبيع :)

[bayantt]

فالطارق في الاسكندرية قالولي 15 ابريل

[aboyehya]

كل شوية بياجلوا
انا مبقتش اصدق
اشوفها بعيني اصدق !!

[ramallah9]

قالو إيه تاني يابو يحيى ؟!!!

إشجيني !

أنا مسافر كمان أسبوعين بالكتير وهتنِقِط كده !!

[aboyehya]

بكلم البياع بتاع شيرينكار اللي انا حاجز معاهمبيردش
كلمت شيرين كار قالولي كمان اسبوعين
قلتله هو كلشوية كمان اسبوعين
قاللي دا كلام التوكيل

من كام يوم كنت كلمت التوكيل قالولي 20 أبريل

أوماترا.....كلهم كاذبون !!

[aboyehya]

يلا النهاردة الراجل بتاع شيرين كار اللي حجزت معاه كلمني و قاللي انها هتيجي يوم 20
تأجيل تأجيل تأجيل تأجيل تأجيل تأجيل تأجيل تأجيل تأجيل

حاجة تجيب المغص !!

[S O P H O S]

معلش هو ده اوماترا

[ramallah9]

في أي معلومات جديدة يا رجالتنا ؟

[moh.aboelkheir]

يلا النهاردة الراجل بتاع شيرين كار اللي حجزت معاه كلمني و قاللي انها هتيجي يوم 20
تأجيل تأجيل تأجيل تأجيل تأجيل تأجيل تأجيل تأجيل تأجيل

حاجة تجيب المغص !!

ان مع العسر يسرا ... انا استنيت عربيتي ٣ شهور .. مع انها كانت لسه نازله و بيشموا الانفاس :)

[ramallah9]

اوماترا النهارده قالولي مش قبل نص مايو


مش عارف يابو يحيى , حاسَّك مش هاتعرف تطلع مني وانا بشد معاك بالكورسا المانيوال

ولا إنت إيه رأيك ؟

[aboyehya]

أعتقد ساعتها هكون بقطعك بالتيدا الاوتوماتيك :d :d
انا صرفت نظر خلاص عن البونتو....بجد تعبت