استشارة سريعة لبطارية فيات بونتو

[foffos]

الموضوع ببساطة زى ما هو موجود فى عنوان الموضوع
عندى سيارة بونتو 2011
وفجأة من يومين جيت أخرج بالعربية مساءًا
العربية دارت عادى جدًا وسخنت وبعدين بطلتها وسايس الجراج نظفها وانا مليت طرمبة المية بتاعة المساحات وبعدين دورتها تانى علشان أخرج بيها
راحت العربية فجأة بطلت ومدارتش تانى ولا حتى السنتر اشتغل ولا الكلاكس ولا أى حاجة
وبعدين معرفتش أعمل أيه
المهم ... جبت كهربائى كشف على البطارية لقى البطارية راحت خالص وحتى مش قابلة شحن
بصراحة زهلت أن البطارية تفصل فجأة دى البطارية لسه مكملتش سنة ونص
ومش عارف أعمل أيه ؟
وهل البطارية تبع الضمان ولا لأ
ومش عارف أعمل أيه
... يا ريت الإفادة !!!!!!!

[Ghamrawy]

لا يا باشا مش فى الضمان لانها كسرت السنة
البطاريات اللى بتنزل فى الفيات الجديد كلها كده اخرها سنة و 8 شهور
اشترى بطارية جافة محترمة مكانها و ريح بالك

[icehearted girl]

يعني انا الحق ابوظها قبل ماتعدي السنة؟

[Dr.A.Nabil]

بطاريه جديده يا صديقي

انا العربيه عملتها معايا وانا في المنصوره

وطلع عيني

[Ghamrawy]

يعني انا الحق ابوظها قبل ماتعدي السنة؟

لا بلاش :)
راحة البال من محاولة تغيير حاجة فى الضمان من ام قطرة اجدع من مليون بطارية
هى لوحدها لما تكسرى السنة و الست شهور حاتلاقيها باظت لوحدها

[mrghost]

حصلت معايا قبل كده
كانت كلورايد سائله يادوب كملت ال11 شهر وودعت !!!!!!!

[yoko]

انا عندي قبل ما تموت خالص بقت تغيب سنه في الدوارة ونورت مفتاح السيكيوريتي (بتاع الإمبوليزر) كذا مره

[ahmadmidop]

عااااادي هات واحدة acedelco

[yassinhaitham]

اي سي ديلكو و فرتا بتاعة غطاطي الاتنتن كويسين و انصح حضرتك بالاتي:
1. متسبش البطاريه القديمة لأى حد و حاول تبدل البطاريه القديمة بالجديدة (راس براس يعني) و هات البطاريه جافة و بلش السائلة دى
2. ال امبير أور او ال Ah في البطارية الجديدة يكون زي أو أكبر بحاجة بسيطة من البطارية القديمه و العامل الي هاحيكم هنا هو أبعاد البطارية في الهاوسيج و دي مش مشكله خالص
3. وجود ضمان للبطارية و الكشف الدوري عليها و بيبقي كل شهر عند غطاطي مثلا
و بالتوفيق أن شاء الله

[foffos]

شكرًا يا جماعة مش عارف أشكركم إزاى بارك الله فيكم

وإن شاء الله ييجى الوقت اللى أفيدكم وأفيد المنتدى الجميل ده بحاجة

[yoko]

ده واجبنا وفيه نوع كوري رخيص انا حاطه عندي لما انزل هجيبلك إسمه محترم جدا وعايش في ال128 بقاله سنتين وشويه وحاطة في اللينيا بقالي كام شهر

[yassinhaitham]

شكرًا يا جماعة مش عارف أشكركم إزاى بارك الله فيكم

وإن شاء الله ييجى الوقت اللى أفيدكم وأفيد المنتدى الجميل ده بحاجة

تحت أمرك يا فندم و أهلا بيك معانا في المنتدي

[icehearted girl]

Ghamrawy,,, ضمان؟؟

يعني ايه ضمان....!!!

لا خلاص متلاقيش.. توتة توتة

[Ghamrawy]

ghamrawy,,, ضمان؟؟

يعني ايه ضمان....!!!

لا خلاص متلاقيش.. توتة توتة

و خلصت الحدوتة
الضامن ربنا

[foffos]

طيب يا جماعة فى مشكلة تانى واجهتنى
هيا إن البطارية لما جيت أغيرها لقيت البطارية 44 دى موجودة بس حجمها مختلف عن الأصلية
ولما اتصلت فى التوكيل لقيتها غالية جدًا وكمان الموجودة 45 مش 44 "بره الوكيل بـ 380 ج وعندهم 550 ج "تيييييييييييييت"
وبيسألونى إنى أجيبلهم العربية علشان يشوفوا هيا عدلة ولا معكوسة
زى ما أكون جايب العربية من الهند مش من عندهم

السؤال دلوقتى فى مشكلة فى حجم البطارية ... البطارية الأصلية بتاعة العربية أصغر شوية من الموجودة فى السوق ... أعمل أيه ؟ وشكرًا