ماستر فرامل الضفدعة للعربية 127 !!!!

[szrateb]

امبارح وانا ماشي لقيت دواسة الفرامل على الأرض ومفيش فرامل خالص المهم ركنت وبصيت على زيت الفرامل .. مافيش ولا نقطة زيت
النهاردة جبت عبوة زيت فرامل من الكبيرة وفضيتها كلها تقريبا في العربية ورحت للميكانيكي وبعد الفحص قال لي:
ماستر الضفدعة بيسرب زيت و هو اللى فضى الزيت ( ماستر الضفدعة في مكان ما بجانب العجلة الخلفية شمال) المهم قال لى موش لازم يتغير لأن له مدخل أو مخرج احتياطي آخر موش فاكر وهاشغله وبعدين خد هوا من باقي الأربع عجلات وكل شي بقى تمام
واخد 10 جنيه مصنعية + 12 جنية جبت بيهم علبة زيت الفرامل
موش عارف موضوع ماستر الضفدعة ده صح ولا اشتغالة مع ملاحظة ان ده الميكانيكي بتاعي موش واحد غريب
ممكن حد يقوللى اللي حصل ده صح ولا غلط
مع الشكر

[sab3aawy]

بالفعل فيه فى كل الفيات ماسر خلفى اسمه ماسر الضفدعة وهو المسئول عن توزيع الفرملة على العجلتين الخلفيتين ، وسبب التسمية ان شكله زى ما يكون كوعبيرتين فى بعض كدة بحجم كف اليد وقريب من شكل الضفدعة

عموما طالما جاب زيت انصحك تغيره كله لأنه مش غالى، لأن معنى انه جاب زيت من حتة انه مش هايستحمل كتير

انا كنت بجيبه لل 128 من حوالى 5 سنين ب 25 جنيه ومعتقدش انه زاد كتير، بس لو هتغيره دور على حاجة ايطالى او اسبانى

[NaderNabil]

ماستر الضفضعة الخاص بال127 لو وقفت علي شعر راسك مش هاتعرف تجيبه!!

انا قعدت حوالي شعر ألف عليه و ملقتش خالص...حتي الناس مكانتش فاهمة اي الضفضعة دي و كانوا فاكريني بهرج...حتي مع الشرح....

بس كده علي كلام سبعاوي الضفضع موجود...مع اني لفيت الحرفيين اللي عندنا كلها

[sab3aawy]

ماستر الضفضعة الخاص بال127 لو وقفت علي شعر راسك مش هاتعرف تجيبه!!

انا قعدت حوالي شعر ألف عليه و ملقتش خالص...حتي الناس مكانتش فاهمة اي الضفضعة دي و كانوا فاكريني بهرج...حتي مع الشرح....

بس كده علي كلام سبعاوي الضفضع موجود...مع اني لفيت الحرفيين اللي عندنا كلها

هى ال 127 بقت اثرية وللا إيه، ليه كتير من قطع غيار ال 127 بقت صعبة كدة، عموما وبرضه على ما اذكر ولو انى مش متأكد ان ضفدعة 128 ممكن تركب ماكن ضفدعة ال 127، حاول تتأكد من صحة هذة المعلومة ولو صحيحة يبقى ممكن تجيب ضفدعة ال 128

[mrghost]

ممكن تلاقيه فى التوفيقية عند محلات الدقاق دى متخصصة فيلت وشاهين بس

[szrateb]

شكرا للجميع
على العموم هو الميكانيكي قال لي ان اللي هو عملة هايمشيني عادي وان الماستر ده فية مدخل تاني ممكن استعماله بدل من التالف
على العموم انا هسأل علية في التوفيقية علشان لو الماستر قل بأصلة وعملها ولو اني اشك اني حلاقي حاجة بجودة الماستر الفابريقة اللي راكب حتي بحالته الحالية

[dr_abooody]

انا روحت للميكانيكي عشان شغل فرامل و لقيتة فصلة
سألتة لية كدا
قالي عشان مالهوش لزمة في مصر
مش عارف كدا صح و لا غلط

[ahmed1981]

هو التفريعة دي إسمها ماستر الضفدعة
آآآآآآآآآآآه
أفادكم الله

[SAMER_ENGINES]

ماستر الضفدعة فعلا في مصر بيتم الغاؤه و ملوش اي تأثير و متقلقش.

[maka]

ماستر الضفدعة فعلا في مصر بيتم الغاؤه و ملوش اي تأثير و متقلقش.

اشمعنا فى مصر ولو بيتم الغاءه المصنع عمله ليه من الاول

[soroor]

ماستر فرامل الضفدعه صمم لتأخير الفرمل الخلفيه عن الاماميه -ولكي نشرح ذلك يجب ان نعرف الاتي
1- ان الماستر العمومي له 2بستم -عند ضغط الفامل يعمل الاول لضغط الزيت للعجل الامامي اولا ثم الثاني للعجل
الخلفي ثانيا
2- ان فرمل اليد تستخدم لعجل الخلفي فقط وليس لامامي
3- ان افرامل الخلفيه لو قامت بعملها قبل الاماميه - فقد يؤدي ذلك الي التفاف السياره مما يؤدي الي حوادث

اذن في الفرمل المفاجئه - اي ضغط دواسة افرامل بشده مفاجئه فيقوم الماستر العمومي بضخ الزيت لجميع العجلات
وفي نفس الوقت يميل مقدمة السياره للامام - فترتفع مؤخرة السياره عن الدفرانسيه -مما يؤدي ان حمل السياره
مركز علي الاطارات الاماميه -وهنا عمل ماستر الدفضعه فيغلق الزيت عن العجل الخلفي - حتي يحتفظ بضغط الزيت للعجل الامامي -وعند رجوع السياره لوضعها الطبيعي يقوم بتمرير الزيت للعجل الخلفي - والله اعلم