يارت تردوا عليا بسرررررررررررررررررعه

[yomna]

السلام عليكم، انا عايزه شترى فيات بونتو 1300cc
موديل 94 و عامله حوالى78 الف km
و دواخل فابريقه
هى ب 32 الف جنيه

انا عايزه اعرف هى بالمواصفات دى حلوه و لا لا ء ؟؟

لان فى ناس قالولى ان البونتو عشان تبقى حلوه تبقى فى حدود 38 الف جنيه
و ان اللى ب 32 الف جنيه تبقى مطحونه

انا مش عارفه ده صح و لا ايه ؟؟؟
فى اقتراح تانى

و انى اجيب اتوس هيونداى


1000 cc موديل 98 ب 32 الف جنيه



و لو يقدر حد ينزلى صورتها

لان الصور على جميع المواقع اتوس 2008
و انا مش لاقيه صورتها خالص

ارجو افادتى ضرورى

عشان الحق اشترى لانى محتاجها بسرررررررررررررررعه

و ميرسى مقدما :)

[M.Mokhtar]

بصراحه مش هقدر افيدك فى العربيتين بس دى صور الاتوس 98

[sokasoon]

السلام عليكم، انا عايزه شترى فيات بونتو 1300cc
موديل 94 و عامله حوالى78 الف km
و دواخل فابريقه
هى ب 32 الف جنيه

انا عايزه اعرف هى بالمواصفات دى حلوه و لا لا ء ؟؟

لان فى ناس قالولى ان البونتو عشان تبقى حلوه تبقى فى حدود 38 الف جنيه
و ان اللى ب 32 الف جنيه تبقى مطحونه

مين اللى قال كده مش بالسعر

لازم العربية تترفع ويبص عليها ميكانيكى محترم

ويقولك اذا كانت كويسة ولا لا

[tutankhamoun]

السعر ده مناسب ......... هاقولك ليه ؟؟
البونتو بعد سنة 2000 ثمنها بيتراوح ما بين 40 إلى 50 ألف حسب الحالة
و دي موديل 94 .......... ازاي توصل ل 38 ألف

أنت تروحي التوكيل و تدفعي 150 كشف على العربية بالكامل و بكدا تأخدي تقرير مُفصل عن العربية

البونتو طبعا أحسن مليون مرة من الأتوس ......... شكلا و موضوعا
و لو فعلا عدادها في السبعينيات بس ........... تبقى لُقطة
التوكيل أو مركز خدمة النيل الهندسية في أبو رواش أو أي ميكانيكي كويس يُبص بصة حلة و يختبرها
بس لازم يكون معاكي راجل و أنتي بتشتري وو أنتي بتختبري

و على فكرة لازم تكوني عاملة حسابك في شوية مصاريف إضافية
لأن الموضوع ما يسلمش ........... المستعمل محدش يعرف هو فيه أيه ...؟؟؟ ممكن أي حاجة تكون محتاجة تغيير تظهر فجأة ...........

و إن شاء الله تشتري حاجة كويسة

[iBiZa]

لان فى ناس قالولى ان البونتو عشان تبقى حلوه تبقى فى حدود 38 الف جنيه
و ان اللى ب 32 الف جنيه تبقى مطحونه

لا مش شرط مطحونة. الPunto من غير تكييف المفروض من 30 الى 34 و الى بتكييف من 35 الى 38.


بس نصيحة: هاتى حاجة بتكييف

[SEATLOVER]

البونتو افضل كتير طبعاً من الاتوس
والبونتو كدة سعرها معقول و طبيعى
وخدى بالك من حاجة
ان الاتوس الموديل دة مش هتلاقى حاجاتها بسهولة
لآن هى اصلاً حاجاتها نادرة ولو لقتيها هاتبقى غالية على سعرها الاصلى

[hazem_khidr]

الفيصل هو ان حد يبص علي العربيه
قوايم و اساسيات و موتور و عفشه .
اهم حاجه اساسياتها و بعد كده اي حاجه تتظبط لو سعرها لقطه.
بس الهيونداي لا انصح بها اطلاقا نظرا لضعفها و عدم انتشارها و شكلها السئ

[zeyad1810]

طبعا انا مع راى جميع الزملاء ان البونتو افضل من الاتوس واحسن حاجة انك تعملى زى قالو وتخلى حد بيفهم يكشف عليها كويس
وعموما انا معايا نفس العربية وهى جميلة جدا وناعمة و وقطع غيارها سعرها معقول

[yomna]

بجد ميرسى اوى على الرد السريع
ماتخيلتش ان انتم هاتردوا عليا بسرررعه للدرجه دى

انا هاودى العربيه البنزينه و هارفعها
و انشاءالله تطلع كويسه
بجد ميرسى جداااااااااااااااااااااااااااااااااااااااااااا
لجميع اللى ردوا عليا
و mimi shekls
اللى نزلى صوره الاتوس
و إن شاء الله هاقولكم على الاخبار

[Dr.A.Nabil]

انا اخويا كان معاه بونتو 95

وباعها ب 35 الف لسه من شهر بس

و32 الف ده لو حالتها كويسه يبقى سعر ممتاز

وهي عربيه ممتازه