Tweet
بعد اذنكم انا معايا 40 الف جنيه وعايز اجيب لزوجتى عربية ومحتار ما بين البونتو والبيجو 206 فبرجاء المساعدة من اهل الخبرة فى البونتو بشوية معلومات كده عن العربية وبالاخص قطع الغيار ومدى توافرها وهل معمرة كباقى الاوروبى ومدى اعتمادية العربية وهل فى ناس بره التوكيل يمكنها التعامل مع صيانة العربية ولا لازم التوكيل فى كل حاجة ومدى حالة التكييف وخلافه وهل 40 الف يجيبوا حاجة كويسة واكشف عليها فين عند الشراء التوكيل ولا فى مراكز صيانة معتمدة ولكم جزيل الشكر والتقدير
-
-
خليك في الفيات البونتو عربية بجد بجد جميلة وفوق الوصف انا شاريها من شهريين وماشاء الله قطع غيارها متوفرة في الحرفيين بس حراقة شويتين بس بتديك حقها في قطع غيارها وبتعيش كفاية انها بتحرق واحد لتر بنزين لكل ٢٥ كيلو متر يعني اقتصادية بشدة وأدائها علي الطريق ممتاز خصوصا والتكييف شغال انصحك بيها ولكن احذر عند شرائها اكشف علي كنترولها لانها من عيوبها بتجيب كنترول بعد ١٠٠٠٠٠ الف كيلو او اذهب للكشف عليها في اوماترا جسر السويس التوكيل ب ١٥٠ جنيه او وانتا بتشتري خلي صاحبها يسبهالك دايرة ساعة كاملة لغاية لما تسخن لو فيها مشاكل ممكن تبطل او لا وخلي كبوتها مقاول وهيا دايرة وربنا يوفقك -
الف شكر اخى الكريم على الرد وجزاك الله كل خير معلشى سؤال لحضرتك انا مش فاهم يعنى ايه تجيب كنترول وهل توكيل اوماترا بيكشف على العربية كشف كامل بى 150 جنيه وهو فين فى جسر السويس بالظبط ومعلشى اخر سؤال بعد اذن حضرتك عربيتك موديل كام وجبتها بكام اطالت على حضرتك تحياتى لكالمشاركة الأصلية كتبت بواسطة opensky مشاهدة المشاركةComment
-
نصيحه لوجه الله ابعد عن الاتنين
خليك فى اى حاجه شعبى وليها قطع غيار رخيصه اى نوع تانى
خليك فى كورى او يابانى
البونتو وال 206 حاجتهم غاليه وفى حاجات مش هتلاقيها اصلاComment
-
جزاك الله كل خير اخى الكريم والف شكر على الردالمشاركة الأصلية كتبت بواسطة mrghost مشاهدة المشاركةComment
-
السلامـ عليكمـ .... أنا حبيت أشارك بتجربتي مع البونتو خصوصا إنها معايا دلوقتي بقالها 4 شهور تقريبا.
أنا معايا بونتو 2001 وهحاول بإختصار شديد أذكر كل المميزات والعيوب الملحوظة فيها ... العربية ما شاء الله عليها ثبات ع الطريق غير عادي - بمشى ع الدائري بسرعات بين 130 و 140 والحمدلله رب العالمين ممتازة ف الثبات وتحس إنك راكب عربية تقيلة وراسية ع الطريق مش ورق وخفيفة زي العربيات الكوري ... العربية عفشتها ناشفة شوية عشان رياضية بس ف المقابل بتاخد ثبات وثقة ف الملفات والمنحنيات بطريقة مبهرة ما شاء الله ... توفير بنزين معقول ومناسب لإستهلاكي (210 كيلو / 20 لتر) داخل المدينة مع الزحام الشديد جدااااااا - أما خارج المدينة فتقريبا (260 كيلو / 20 لتر) مع العلم إن الموتور اللى فيها مستعمل بقاله 11 سنة .... العربية شيك جدااا وشكلها لذيذ وواسعة من الداخل عكس شكلها من الخارج ... الأوبشنز اللى فيها مناسبة لسعرها (باور - سيتى باور - زجاج كهربا - تكييف - فوانيس أمامية بعدسات متحركة قابلة للتعديل - الدريكسيون قابل للتعديل ) ... ده غير إن العربية لايق عليها أى تعديل ف الشكل الخارجي ويبان عليها الإكسسوارات (أنا عامل كاربون فايبر مع طقم صوت وجنوط سبور)
بالنسبة بقى للعيوب اللى عشتها مع العربية دى : بعض قطع الغيار نادرة وممكن تضطر تستنى لحد ما توصل لمحلات قطع الغيار ( كنت محتاج ماستر دبرياج سفلى وأضطريت أنتظر أسبوعين لحد ما وصل عند الكيلاني ومحلات قطع الغيار لأنه كان شاحح ف السوق) - بعض قطع الغيار أسعارها معقولة جدااااااا (إسطوانة دبرياج إيطالي 90 جنيه - طقم دبرياج إيطالي كاااامل 400 جنيه - موبينة 120 جنيه - رولمان بلي للفتيس 30 جنيه - طبة مياه للموتور 10 جنيه ) وبعض قطع الغيار الأخرى أسعارها مستفزة ( ماسورة مياه تحت فرن الموتور 200 جنيه - بوابة بالحساسات 1500 جنيه - سلك بنزين 150 جنيه) ........ تجميع السرعات بطىء إلى حد مااااا نتيجة إن الموتور (1242 سي سي) وهو يعتبر موتور إقتصادي وليس موتور للأداء الرياضي - يعني العربية بعد ال 100 كيلو بتفتح معاك لحد 155 كيلو وبتكون ف قمة الروعة والسرعة وتوفير البنزين - إنما التجميع من الصفر إلى 100 كيلو بطىء جدااااا ( حوالى 16 ثانية لما تكون العربية ع الزيروووو) ... ولكن أنا شخصيا ميفرقش معايا الموضوع ده لإن توفير البنزين يهمني أكتر من الأداء الرياضي بالإضافة إلى إن شوارع مصر كلها منيلة ب 350 مليون نيلة ومش هتعرف تشد بالعربية ولا تحس بسرعتها اساسااااااااااا
بس ف النهاية وبعد تجربتي لعدة سيارات أحب أقولك إن مفيش سيارة بدون عيوب ... أى عربية ركبتها كان ليها بعض قطع الغيار النادرة أو اللى اسعارها مستفزة ( موبينة دايو نوبيرا إستيراد مستعملة 450 جنيه !!!!!!!) ... وبالتالى مش عاوز أظلم البونتو فى موضوع قطع الغيار لإن المهم ف النهاية إنها موجودة ومش هتتعب عشان تلاقيها ... إنما لو هنتكلم عن العربية كأداء وركوب فهى من وجهة نظري جيدة جداااا ومناسبة لسعرها وأفضل عربية فى فئتها بالنسبة للسعر والحجم والإمكانيات
ولو عندك إى إستفسارات أنا ف الخدمة
Comment
-
انصحك فعلا بالكوري وممكن كمان تجيب كيا سيفيا وممكن تجيبها اتوماتيك عشان منزلش بونتو اتوماتيك بيتهيالي
و الكوري كتير يعنيComment
-
الف شكر اخى الكريم mous6fa على الرد الوافى والتقرير الجميل والله انا حبيت العربية من كلامك ربنا يباركلك فيها ان شاء الله
والف شكر لأخى الكريم weezza على الرد معلشى مش بحب العربيات الكورى جزاك الله كل خير
Comment
-
العفو يا باشا وربنا يعينكComment
Comment