قيادة 131

[Ashraf_Ibrahim]

ازيكم يا شباب
أخباركم ايه؟!
يارب تكونوا بخير جميعا يا رب
من فترة اشترينا 131 وطبعا مسقتهاش خالص الحمد لله
يوم الاربعاء جينا مسافرين المنوفية فاخويا خدها وخد والدتي واخواتي وسافروا بيها
العربية للأسف شبه قطعت فرامل معاه وكانت شبه بتحجر -الطنابير قدام - ولو هدى شوية عشان مطب او حاجة تقوم مبطلة منه !
روحنا تاني يوم على طول لميكانيكي في البلد عندنا فك السيرفو ونضفه وتقريبا ظبط الشمعة -مش عارف شمعة ايه - بس ظبطها وكدة الفرامل اشتغلت
المهم جينا الصبح النهردة راجعين من البلد فوالدي قلي عاوزك ترجع بيها وتسيب عربيتك لاخوك -انا اصلا مسقتهاش قبل كدة -
يا عم الحج يهديك يرضيك بلاش انا يقلي ابدا
طب بلاش اول ماسوقها اسوقها على طريق بنها انت مستغني عني يقلي عاوز اطمن على العربية
يعني تطمن على العربية وتضيعني انا
المهم قلت مش مشكلة استعنى على الشقا بالله
المهم نزلت شغلت العربية الصبح -الساعة 6 عشان تسخن- في الفيرنا مش بسخن انا بشغل واطلع على طول -
بعد ما سخنتها قمت مدي اولاني ومتوكل على الله وطالع
طول الطريق انا مشي 80/100 دا مش علشان العربية متجيبش اكتر من كدة!
لكن عشان المساعدين قدام عاوزين يتغيروا وتقريبا فيه مشكلة في الجنوط بتبرجل بعد ال 100 -محدش يقلي ترصيص مرصص والحياة زي الفل - او يمكن كاوتش هغيره اول الشهر ان شاء الله واجرب على الجنوط الموجودة ونشوف ايه الاخبار
اجمالا العربية كويسة
بس حسيت ان صوت الموتور عالي -معرفش دا طبيعي واللا الدسك والاسطوانة فيهم حاجة لأني حسيت انها مبتديش العزم على طول - خصوصا في المطالع
الفرامل جيدة بقدر كبير
العربية راسية على الارض متحسش انك ماشي 100 خالص :D
حسيت بس ان الدروكسيون خفيف شوية مش عارف ليه :D
لما وصلت هنا البيت الحمد لله بلف من اخر الشارع فدخلت في مكان فيه رمل فغرزت
هههههههههههههههههههههههه
قلت يعني انا ماشي بيكي كل دا زي الفل وتيجي هنا تغرزي :D
المهم احاول معاها ماحاول مش راضية تتحرك
بطب قدام طب نرجع لورا مفيش ابدا والعجل يلف عالفاضي وشامم ريحة شياط عظيمة
قلت مبهداش بقا قمت نازل جايب 3 قوالب طوب -اقل 3 عجلات غرزوا في الرمل - وحاططهم ورا ال 3 عجلات وقمت راكب
ادوس بنزين وارجع مش راضية !
قلت اجرب تقنية تانية وهي اني اهز العربية بالدبرياج ! اول مرة اعملها الحقيقة
المهم مرة التانية التالتة الرابعة قمت كابس بنزين ورافع قامت طالعة الحمد لله
دا اجمالا اللي حصل
المهم يا شباب
دلوقتي انا سألت على المساعدين
فيه الصيني ب 275 وفيه نوع ايطالي اسمه بومة تقريبا ب 375 وفيه المونرو ب 450
ايه رايكم اجيب مين؟!
بالنسبة للديسك والاسطوانة فيه طريقة اعرف بيها حالتهم ايه بدل مافك الفتيس واللا لازم الفتيس يتفك ؟!
بالنسبة لمقياس الزيت انا حاسس ان المقياس صغير على المدخل بتاعه ! فبفكر انزل اشتري مقياس زيت ليها !
اجيبه منين وبكام ؟!

[samasuper]

حمدالله على سلامتك اكيد الوالد مكنش مستغنى عنك هو اكيد كان عارف انك عاقل وهاتعرف تتصرف
انا معايا عربيه 131 موديل 81 1400 سىسى 2كامه عربيه محترمه معاك لومظبوطه
انا هافيدك على قد ما اقدر لانى مش خبير طبعا
موضوع طقم الدبرياج الخبراء بيقولوا تجيب العربيه على الرابع وتحاول تتحرك بيها وحده وحده سنه بنزين وسنه دبرياج لو اتحركت يبقى الطقم سليم
بالنسبه لموضوع مقاس الزيت خد العربيه عند اى حد بتاع قطع غيار وشوف المقاس هو ولا اكبر من اللى عندك وممكن تكون مشكله كاوتشه المقاس هى اللى عايزه تتغير ودى تمنها من 2-3
اما بالنسبه للمساعد فالخبرا بيشكروا فى المنرو وهو بيبقى معاه ضمان سنه وليه توكيل فى شبرا تقريبا جنب محطه الخلفاوى للمترو

[mrghost]

بص ياباشا المساعدين ابعد عن الصينى هاتها مونرو ولو انها ناشفه شويه وفى نوع تركى تانى جبته من فيات 2000 الللى ف التوفيقيه ب 430 جنيه
مقاس الزيت ب 10 كامل

[Ashraf_Ibrahim]

حمدالله على سلامتك اكيد الوالد مكنش مستغنى عنك هو اكيد كان عارف انك عاقل وهاتعرف تتصرف
انا معايا عربيه 131 موديل 81 1400 سىسى 2كامه عربيه محترمه معاك لومظبوطه
انا هافيدك على قد ما اقدر لانى مش خبير طبعا
موضوع طقم الدبرياج الخبراء بيقولوا تجيب العربيه على الرابع وتحاول تتحرك بيها وحده وحده سنه بنزين وسنه دبرياج لو اتحركت يبقى الطقم سليم
بالنسبه لموضوع مقاس الزيت خد العربيه عند اى حد بتاع قطع غيار وشوف المقاس هو ولا اكبر من اللى عندك وممكن تكون مشكله كاوتشه المقاس هى اللى عايزه تتغير ودى تمنها من 2-3
اما بالنسبه للمساعد فالخبرا بيشكروا فى المنرو وهو بيبقى معاه ضمان سنه وليه توكيل فى شبرا تقريبا جنب محطه الخلفاوى للمترو

الله يسلمك يا صديقي
هي اللي معانا دي موديل 1976 1300 سي سي اعتقد اكيد كامة واحدة :d
نجرب حكاية الرابع دي !
طيب بالنسبة للديسك والاسطوانة سامع كلام عن قطع غيار استيراد !
هو ينفع ييجوا استيراد؟!
تمام يعني ممكن الكاوتشة نديها عند واحد بتاع قطع غيار لا مشكلة :d
المساعدين المونرو !
تمام تمام طيب تمنهم كام تقريبا وهل فيه منهم موديلات واللا لل 131 كلهم زي بعض؟!

بص ياباشا المساعدين ابعد عن الصينى هاتها مونرو ولو انها ناشفه شويه وفى نوع تركى تانى جبته من فيات 2000 الللى ف التوفيقيه ب 430 جنيه
مقاس الزيت ب 10 كامل

طيب المونرو احسن واللا التركي؟!
تمام منين اجيب مقياس الزيت طيب يا عزيزي ؟!

[samasuper]

من واقع معرفتى الضئيله ان مويل 76 قبل التعديل هاتلاقى المساعد بدون بطاحه وهى شيئ يوضع اعلى المساعد من ناحيه الحوض اسفل الكبوت وهو موجود بالموديلات تقريبا بعد 78 واسعار المونرو فى حدود 400 الى 450 جنيه وهو بيقى تقريبا تشيكى على اسبانى حسب كلام اللى اشترتهم منه وافضل من التركى بالطبع اللى حاول تبعد على قد ماتقدر عنه فى قطع الغيار الكبيره
انما لو اتزنقت بين التركى والايطالى من عند تاجر قطع غيار مش موثوق فيه اختار التركى لن ضربه اقل من الايطالى اللى هو فى الاصل صينى
وبالنسبه لوضوع المستعمل فى قطع الدبرياج فما انصحك بيه عليك وعلى طقم ديسك تركى فى حدود 120 ج واستطوانه لادا فى حدود 90 ج وبليه ايطالى فى حدود 30-50 ج وفرش تركى فى حدود 30 ج او طقم فاليو فى حدود 330-360 ج بدون الفرش او واحد بتاع قطع غيار كبير يكون بيستورد حاجه المانى اكبر من 450 ج تقريبا
وارجوا انى اكون افدتك

[Elawany13]

أنا أول ما اشتريت الشاهين غيرت المساعدين الاماميين
اشتريت منرو بـ 430 جنيه
بقالهم معايا حوالى 10000 كم والحمد لله زى الفل

[mrghost]

مقاس الزيت انا كنت جايبه من العاشر من رمضان بس المفروض انه موجود عند بتوع الفيات عادى

[saadelden]

اكيد كانت رحله لذيذه :d

العربيه دي ماتحاولش تحط فيها حاجه مستعمله
المساعدين مونرو حلوين اوي و هتغير البطاحات و تجيب بطاحه 131 الجديده او بتاعه الشاهين , الي تركب عندك

تاني حاجه اسطوانه الدبرياج اكيد ريحه التيل الشايط دي منها
هي الي يركبلها و مضمون نوعين , فاليو و نوع تركي مش فاكر اسمه
بس الفاليو ميزته انه بيبقى طقم كامل في علبه واحده , اسطوانه و دسك و بليه

الاهم بقى عشان متعملش معاك رعشه في الطلعه انك تفك ترس الفلام و توديه المخرطه يكشف عليه
لو فيه عالي و واطي يكشط الزياده و يخليها سوا واحد

و علي فكره مفيش مساعدين بتركب من غير بطاحه , لان لازم يكون فيه حاجه تخفف الصدمه بين جسم العربيه و المساعد


بالنسبه لمحلات قطع الغيار ف انضف ناس في التوفيقيه , وفيه محل عندكو ف شبرا بس مش فاكر اسمه
المهم الي ف التوفيقيه هاتدخل الشارع الي بعد سوق التوفيقيه علي طول و تمشي شويه هتلاقي عماره فيها كذا محل من تحت شغالين ف فيات , زي فيات 2000
دول عندهم كل حاجه تقريبا للعربيه دي

[saadelden]

صحيح
بالنسبه للدركسيون ف دا الطبيعي بتاعه
دا دركسيون الفيرنا اخف منه بكتير و هي ماشيه

بس اكشف علي بلي العجل و الاكسات عند عفشجي عشان الرعشه بعد ال 100 و علي عمود الكردان
و الكاوتش لو فيه بلالين يعمل اجدعها رعشه