دكاتره السيينا ارجوكم تفضلو

[amrelsha3er]

السلام عليكم احسن شباب
انا عاوز اخد رايكم فى مشوره كده بخصوص الفيات سيينا انا كنت بفكر اشتريها وبقارن بينها وبين الهيونداى اكسيل
استاذن ملاكها عيوب السياره دى ايه وفى منها 1400 و1600 ده اللى اعرفه ياترى تفضلولى ايه وابعد عن موديلات معينه لوجود مشاكل مثلا ولا مفهاش مششاكل العربيه
الرجاء النصيحه قبل مادفع واشترى السياره علما انها هتعد معايا مش اقل من 5سنين عبى مافكر ابيع واجيب غيرها
الف شكر مقدما ليكو

[amrelsha3er]

5مشاهده ولا حد رد ليه كده يارجاله؟!!!!!!!!!!

[shadybahaa]

انا معايا سيينا مو 2001 1400 سي سي عربيه جميله جدا وحاجتها مش غاليه ومتوفرة وبالذات فى محلات محمد يوسف اللى فيصل لانى من ساكنى فيصل ... العربيه انجكشن واللى اعرفه ان الاكسيل كاربراتير . غير ان صالون الاكسيل دايما تلاقيه متبهدل لكن السيينا صالونها دايما محافظ على نفسه زيرو

[amrelsha3er]

ألف شكر ياباشا موضوع ان ميكانيكيه مش بيرضو يشتغلو فيها لان حوضها صغير وسخونتها عاليه ومش اى حد ايده فيها ده صحيح؟!!

[shadybahaa]

ألف شكر ياباشا موضوع ان ميكانيكيه مش بيرضو يشتغلو فيها لان حوضها صغير وسخونتها عاليه ومش اى حد ايده فيها ده صحيح؟!!

بص يا باشا موضوع الميكانيكية ده الناس فهماه غلط العربيه ممكن اى ميكانيكى يشتغل فيها بس فيه ميكانيكى اساسا بيفهم وفيه ميكانيكى اونطجى كلام ... الميكانيكى عموما اللى بيفهم العربيه سهله جدا بالنسبه له .. اما موضوع السخونه ده لان العربيه ال 1400 نازلة ردياتير 2 ماسورة لو شيلته وركبتلها 3 ماسورة ب 300 ج مفيش اى مشاكل مع السخونه

[weezza]

بص يا باشا من الاخر السيينا عربيه رائعه بس تركبها 1400 سي سي وتكون فابريكه دواخل ويا ريت خوارج يعني عربيه على ابوها ما مشيتش زي ما بيقولوا وفي الحاله دي هتحس انك راكب حاجه فخمه وزيرو

غير كدا اركب كوري