نصيحة بخصوص البونتو

[kiro24]

يا جماعة أنا محتار بجد بين البونتو كلاسيك و اللوجان و الفيرنا و مش عارف بجد اختار مين:
البونتو شكلها حلو جدا و ايطالي ( كما يقال ) بس خايف من قطع الغيار و الصيانة.
اللوجان عجباني كل حاجة فيها بس برضو قطع الغيار و الصيانة.
الفيرنا مش عجباني خالص بس اقتصاديا رائعة.
بجد محتاج رأيكو عشان الجوازة واقفة على العربية
منتظر ردود الخبراء........

[yoko]

البونتو في التوكيل هتدفع في صيانه ال10 500 وشويه وصيانه ال20 700 أو أقل سنه في صيانه ال30 زي ال10 صيانه ال40 الف ونص أو أكتر سنه
شوف بقيت العربيات وقارن بس الفرنا مثلا هتلاقي كل 5 مش كل 10
البونتو قطع غيارها بره أرخص بكتير من التوكيل وفيه جديد وإستيراد
البونتو تجميع صربي

[kiro24]

البونتو في التوكيل هتدفع في صيانه ال10 500 وشويه وصيانه ال20 700 أو أقل سنه في صيانه ال30 زي ال10 صيانه ال40 الف ونص أو أكتر سنه
شوف بقيت العربيات وقارن بس الفرنا مثلا هتلاقي كل 5 مش كل 10
البونتو قطع غيارها بره أرخص بكتير من التوكيل وفيه جديد وإستيراد
البونتو تجميع صربي

أنا متشكر جدا لرد حضرتك بس هي البونتو قطع غيارها متوفرة ولا متعبة عشان تلاقيها و هل مراكز الصيانة جيدة ولا زي غبور كده؟؟؟؟؟

[yoko]

مفيش غير التوكيل (غاليين قوي وعكاكين شويه) وميكانيكيه بره (العربيه سهلة مش معقده زي باقي الفيات)
وقطع الغيار في وسط البلد (الكيلاني) شارع دمشق (الشيخ علي) أغلى من الكيلاني حاجة بسيطة الجيزة شارع العريش يوسف محمد يوسف

[S O P H O S]

بونتو جميلة هي و لوجان
استبعد الفيرنا

[esam_comm]

البونتو حاجتها متوفره بقالها 12 سنه نفس الشكل اللي اتغير الفوانيس الاماميه يكفي ان فيها 2 ايرباج وايموبليزر سيستم والتقفيل بتاعها ممتاز جدا مقارنه بالاخرين واميز شيء فيها معدل استهلاك البنزين اللي هايصيبك بالذهول لو اشترتها بصراحه موفره جداااااااا

[foffos]

البونتو كلاسيك عربية ممتازة عن خبرة سنة ونص مع العربية

استهلاكها فى البنزين ممتاز

عيوبها البسيطة - لا تعتبر عيوب وإنما ممكن تكون تقصير من الوكيل - وبالتالى هى ليست عيوب بالمعنى المجمل

بمعنى أن
البطارية مثلاً عمرها حوالى سنة فقط وتحتاج تغيير بعدها لأنها مياه وليست جافة
بدون كاسيت - ولكن نظام السماعات بتاعها جيد - أربع سماعات + 2 تويتر
2 زجاج كهرباء فقط

فى المقابل من مميزاتها
2 إير باج (زيادة فى الأمان)
تكييف ممتاز
سيتى باور (باور مضاعف بزرار خاص يمكن تشغيله وغلقه) للأماكن الضيقة والركنات
كرسى السائق يتحرك لأعلى وأسفل بالإضافة إلى عجلة القيادة يتم تعليتها وإنزالها

أى أنها فى المجمل سيارة جيدة جدًا (من وجهة نظرى المتواضعة - ربما أكون منحاز قليلاً)

لكن أكبر مشاكلها توكيلها

بالتوفيق إن شاء الله

[u3mbkp]

بمعنى أن
البطارية مثلاً عمرها حوالى سنة فقط وتحتاج تغيير بعدها لأنها مياه وليست جافة

على فكرة بطارية الجراند بونتو بتعيش برضه حوالى لمدة سنة او سنة ونص بالكتير اوى بالرغم من انها جافة مش سائلة
وكمان من ضمن العيوب فى رأيى المتواضع
ان التكييف يعتبر جيد جدا فقط فى فصل الشتاء ..مقبول فى الصيف . اما الايام شديدة الحرارة فيعتبر متواضع .
اكبر عيبى بالنسبة لى .. هو عدم امكانية تركيب انذار او مكن رفع زجاج الا من خلال التوكيل وبأسعار خيالية جدا

[yoko]

اكبر عيبى بالنسبة لى .. هو عدم امكانية تركيب انذار او مكن رفع زجاج الا من خلال التوكيل وبأسعار خيالية جدا

لو جبت الأصلي من بره يركب وأعرف كمان تبرمجة من غير ما تعتب التوكيل هههههههههه

[kiro24]

بونتو جميلة هي و لوجان
استبعد الفيرنا

بصراحة ده برضو رأيي بس ياريت تقول ليه تفضلهم؟

[kiro24]

البونتو حاجتها متوفره بقالها 12 سنه نفس الشكل اللي اتغير الفوانيس الاماميه يكفي ان فيها 2 ايرباج وايموبليزر سيستم والتقفيل بتاعها ممتاز جدا مقارنه بالاخرين واميز شيء فيها معدل استهلاك البنزين اللي هايصيبك بالذهول لو اشترتها بصراحه موفره جداااااااا

أنا متشكر للرد و المعلومات بس هي قطع غيارها تقريبا غالية بالنسبة للباقي على حسب ما الناس بتقول مش كده ولا حضرتك ليك رأي تاني؟

[kiro24]

مفيش غير التوكيل (غاليين قوي وعكاكين شويه) وميكانيكيه بره (العربيه سهلة مش معقده زي باقي الفيات)
وقطع الغيار في وسط البلد (الكيلاني) شارع دمشق (الشيخ علي) أغلى من الكيلاني حاجة بسيطة الجيزة شارع العريش يوسف محمد يوسف

طيب هي الاسعار بتكون تقريبا كام
لو حضرتك أسعار بعض القطع ياريت

[kiro24]

البونتو كلاسيك عربية ممتازة عن خبرة سنة ونص مع العربية

استهلاكها فى البنزين ممتاز

عيوبها البسيطة - لا تعتبر عيوب وإنما ممكن تكون تقصير من الوكيل - وبالتالى هى ليست عيوب بالمعنى المجمل

بمعنى أن
البطارية مثلاً عمرها حوالى سنة فقط وتحتاج تغيير بعدها لأنها مياه وليست جافة
بدون كاسيت - ولكن نظام السماعات بتاعها جيد - أربع سماعات + 2 تويتر
2 زجاج كهرباء فقط

فى المقابل من مميزاتها
2 إير باج (زيادة فى الأمان)
تكييف ممتاز
سيتى باور (باور مضاعف بزرار خاص يمكن تشغيله وغلقه) للأماكن الضيقة والركنات
كرسى السائق يتحرك لأعلى وأسفل بالإضافة إلى عجلة القيادة يتم تعليتها وإنزالها

أى أنها فى المجمل سيارة جيدة جدًا (من وجهة نظرى المتواضعة - ربما أكون منحاز قليلاً)

لكن أكبر مشاكلها توكيلها

بالتوفيق إن شاء الله

بدون كاسيت!!!!!! موديل 2012 و بتنزل بدون كاسيت؟؟!! وبعدين دي سعرها 72000جنيه ازاي؟؟؟

[foffos]

بدون كاسيت!!!!!! موديل 2012 و بتنزل بدون كاسيت؟؟!! وبعدين دي سعرها 72000جنيه ازاي؟؟؟

اللى هيدفعك 72000 فى العربية مش هتفرق لما تحط كاسيت jvc الموجود عندهم بـ 700 وهوا كاسيت جيد جدًا فيه سى دى وبيشتغل بفلاشه وفيه بلوتوث يوصل على الموابايل وفيه مايك مرفق بيه وبيشتغل كمان بكارت ميمورى.

[CryptonX]

ارشح اللوجان او السانديرو ..

البونتو كلاسيك ... فعلا كلاسيك :) كفاية عليها كدة اوي ... و بقت تقفيل صربي و على فكرة قطع غيارها مش رخيصة اوي و التوكيل ازبل من الزبالة ..

اللوجان-سانديرو برده حتلاقي قطع الغيار مش رخيصة بس التوكيل كل الناس او معظم الناس بتشكر فيه و ضمان جيد و تقفيل للاسف (للاسف علشان انا بحب فيات مش اكثر) احسن من البونتو الصربي !!

الفرنا ميزتها الوحيدة في الاتنين دول - سعر اعادة بيع اعلى من البونتو و اللوجان و قطع غيار ارخص و محرك 1600 سي سي (اللوجان 1600 برده بس 8 صمام) بس انا لو مكانك ..

لو عايز مانوال .. سانديرو مانوال بثمن البونتو و احسن منها الصراحة .
لو عايز اوتوماتيك .. البونتو برة اللعبة اصلا ..
حيبقى عندك اللوجان الاوتماتيك ب 76 الف اعتقد . (الفرنا فيه منها اوتو بس مش فاكر ثمنها).