محتاج ميكانيكى متخصص (فاهم) فى اللانشيا

[tech_moh]

السلام عليكم
بعد اذن الرجاله اللى تعرف العربيه ديه انا محتاج ميكانيكى فاهم فى اللانشيا تيما
ومتشكر ليكم يا رجاله

[kaza]

ايه المشكلة اللي عندك

[samasuper]

استاذ كذا ازى اخبار معاليك

[tech_moh]

بشمهندس انا محمد اللى كلمت حضرتك يوم الاثنين عشان بليه سير الكاتينه وانا محرج من حضرتك بسبب ذوقك اللى يحرج الواحد
يومها قعدت مستنى السباك المحترم لحد ما جه الساعه 6عشان يقولى اه صحيح ديه البليه طيب ومغيرتهش ليه يقولى كانت كويسه روح اشتريها وانا هاجيليك بليل عشان وراي شغل روحت اشتريت اختها ماركه pwr بتاعه نوفا ب 100 جنيه والبيه جه تانى الساعه 11 عشان يقولى لا صبابات بعد طبعا ماركب البليه اللى مكانها طلع مفوت وقسم العربيه وفى الاخر يقولى لا انت ترفع العربيه وتجبها
تانى يوم رفعتها ووديتها عند ميكانيكى تانى اقوله العربيه جايبه صبابات يقولى احنا احسن نغير المكنه قلت اسال على ميكانيكى تانى عشان البيه التانى بيقولى جايز ماشتغلش فى العربيه عشان فيها عك كتير
فى الاخر انا بشكر حضرتك على ذوقك واحترامك اللى يحرج الواحد

[kaza]

ياخبر ابيض كل دة حصل ..ربنا معاك واية الكلام اللي بيقولوة دة موتور وحركات ..الموضوع بسيط لان المواتير دي مضادة للرصاص بس مشكلتها ان السير لو اتقطع او الصبابات خبطت في المكابس بتتني لان حجمها كبير غير كدة معاك وحش ..علي العموم حصل خير وربنا يخلف عليك ومتغيرش موتور طالما موتورك كويس لانك كمان اوتوماتيك والكرنك ومساميرة مختلفة عن المانيوال وهتتعب علي ماتلاقي موتور ..لو وش السلندر تعبان غير الوش ودة اسهل ..ياريت تكلمني علشان نشوف بالضبط اية الحكاية وتبقي مبسوط من العربية بدل القرف دة