المساعد الخلفى

[sherif_84]

عندى المساعد الخلفى الشمال فى الشاهين بيعمل صوت طقطقة مع المطبات او لما بضغط عليه عشان أختبروا مثلا
ياترى هل دى علامة تلف المساعد ولا ممكن الصوت يبقى من السوستة مثلا والمساعد كويس
هو المساعد ده الفابريكة من ساعة مااشتريت العربية سنة 2003

[hazem_khidr]

يا عم شريف يبقي كده جاب اخره
خمس سنين يا راجل علي مساعد الشاهين اللي بينزل تعبان اساسا و الله انجاز :)
هو عموما الاحتمال الكبير المساعد
بس ما تقلقش منه يعني لو عاوز تصبر شهر او اتنين ما تقلقش
و رح لعفشجي ياكد كلامي
لان ممكن تكون جلبه في العفشه الخلفيه بايظه او الصوت دا صوت علبه الشكمان و انت مش واخد بالك:)

[sherif_84]

شكرا حــازم باشا ربنا يخليك ( :
على فكرة هو الصوت من المساعد مش علبة الشكمان لأن علبة الشكمان لسه جديدة وعشان الصوت واضح انه من المساعد وعموما انا هروح للعفشجى طبعا للتأكد
وشكرا ليك ياحازم

[hazem_khidr]

شكرا حــازم باشا ربنا يخليك ( :
على فكرة هو الصوت من المساعد مش علبة الشكمان لأن علبة الشكمان لسه جديدة وعشان الصوت واضح انه من المساعد وعموما انا هروح للعفشجى طبعا للتأكد
وشكرا ليك ياحازم

العفو يا شريف باشا علي ايه
مش قصدي من جوه العلبه نفسها
انا قصدي متكونش متثبته كويس او الافيز بتاعها سايب ف بتترج تعمل صوت