بخصوص حرارة الشاهين 96

[AhMeD MeTwAlY]

دا حل انا اكتشتفه النهارده بالصدفه
اننا نقدر نركب مروحه بترمثتات صغيره سعرها 120 تعمل عند درجة حراره معينه لتخفيض درجة الحراره مع المروحه الاصليه التي تعمل بسير
المروحه دي بتركب عادي جدا بشرط تكون المروحه الاصليه راكبه علي بمسافه بعيده عن الريداتير
والله الموفق
وان شاء الله هيكون لي اختراعات في الشاهين قريب

[hugan]

ياعم احمد مش كده مواضيعك بقت كتير عن الشاهين
اقولك علي حاجه جميله قوي انا عاملها في الشاهين
مروحه تويوتا ميكروباص بتركب بفلانشه بتتعمل عند الخراط علي طمبوره طرمبه المياه
المروحه دي في الصيف بتخلي العربيه ثلاجه في اشد درجات الحراره
لكن في الشتاء مش كويسه بتخلي العربيه مش عايزه تسحب
كنت بركب المروحه الكهرباء في الشتاء
وانسي في الصيف اي ثرموستات ولا غليان ولا اشاره العربيه تسخن فيها

[AhMeD MeTwAlY]

ياعم احمد مش كده مواضيعك بقت كتير عن الشاهين
اقولك علي حاجه جميله قوي انا عاملها في الشاهين
مروحه تويوتا ميكروباص بتركب بفلانشه بتتعمل عند الخراط علي طمبوره طرمبه المياه
المروحه دي في الصيف بتخلي العربيه ثلاجه في اشد درجات الحراره
لكن في الشتاء مش كويسه بتخلي العربيه مش عايزه تسحب
كنت بركب المروحه الكهرباء في الشتاء
وانسي في الصيف اي ثرموستات ولا غليان ولا اشاره العربيه تسخن فيها

معلش بقئ استحملنا
بس في حاجه انا راكب عندي المروحه علي فلانشه بس عايز اشيلها الفلانشه واعمل فكرتي ولي ارمي الفكره في

[hugan]

يعني عندك المروحه نفس الفكره مش مروحه كهرباء صح ولا انا غلط
لو هيا يبقي فكرتك مش هاتفيد لان المروحه السير تبريدها عالي زي ماقولت
لكن لو المروحه عندك كهرباء ممكن فكرتك تنفع كتبريد اضافي

[AhMeD MeTwAlY]

هي فعلا تبريد اضافي لان انا بمشي مسافات طويله علي سرعات منخفضه وبيكون في اغلب الاوقات حرق علي الاول والتاني فالمروحه العاديه مش هتنفع لازم معاها مروحه تبريد كهربه

[hugan]

ا لفيصل في كل ده امبير الحراره
عامل ايه معاك
كمان المروحه السير الموجوده علي طرمبه المياه تبريدها مستمر حتي في السلانسيه لانها شغاله دايركت مع دوران الموتور
ودوران طلمبه المياه

[AhMeD MeTwAlY]

الامبير مظبوط
انما السير لسه مش بصيت عليه انا لسه في رحلة تظبيط للعربيه عشان هبعها ولما ببيع عربيه محبش الي يركب بعدي يدعي عليه وتكون تستاهل المبلغ المدفوع