اسمع مبروووك :) اشتريت سيينا 2002

[nouranwar]

الف مبروك و. ربنا. يبارك. لكن فيها ودعوة يحفظها بإذنه تعالي

الله يبارك في حضرتك ربنا يخليك :)
و شكرا جدا علي الدعوة الجميلة ديه اللهم امين :)

[misoalex]

اسبراى تنظيف الانجكشن عادى ممكن تستخدمه فى اى وقت حتى بعد تغير الزيت

والبوجيهات بتبان بالنظر اذا كانت مهببه او متحمصه او مش كويسه المكانيكى حيعرف بس لو حتجيب اوعى تجيب نوع غير ال ngk


ال mp3 مش بينور خالص ولا ايه النظام يعنى
وانت قصدك على علامه bb بتاعه ايه ؟؟؟؟؟؟
المارشدير اظن ان الموضوع محتاج مكانيكى فاهم وكويس عشان يظبطهولك ويعرف العيب من العصايه ولا منين بالظبط والافضل يرجعلك السوسته تانى عشان الخامس ميدخلش مع المارشدير

مشكله السخونه دى اما بسبب انك مخدتش هوا من دوره التبريد بعد الغسيل كويس او فيه تسريب حتى لو اد خرم الابره وده بيؤدى ان الهواء يدخل للدوره تانى
او ان المروحه مش بتشتغل صح فى توقيتها وده بسبب الساعه الحراره او المروحه وكده

[Ahmed.Fahmy]

الف الف مبروك
ربنا يديك خيرها ويكفيك شرها ان شاء الله

[nouranwar]

الف الف مبروك
ربنا يديك خيرها ويكفيك شرها ان شاء الله

الله يبارك في حضرتك :)
ان شاء الله

[nouranwar]

اسبراى تنظيف الانجكشن عادى ممكن تستخدمه فى اى وقت حتى بعد تغير الزيت

والبوجيهات بتبان بالنظر اذا كانت مهببه او متحمصه او مش كويسه المكانيكى حيعرف بس لو حتجيب اوعى تجيب نوع غير ال ngk


ال mp3 مش بينور خالص ولا ايه النظام يعنى
وانت قصدك على علامه bb بتاعه ايه ؟؟؟؟؟؟
المارشدير اظن ان الموضوع محتاج مكانيكى فاهم وكويس عشان يظبطهولك ويعرف العيب من العصايه ولا منين بالظبط والافضل يرجعلك السوسته تانى عشان الخامس ميدخلش مع المارشدير

مشكله السخونه دى اما بسبب انك مخدتش هوا من دوره التبريد بعد الغسيل كويس او فيه تسريب حتى لو اد خرم الابره وده بيؤدى ان الهواء يدخل للدوره تانى
او ان المروحه مش بتشتغل صح فى توقيتها وده بسبب الساعه الحراره او المروحه وكده

تمام بالنسبة للانجكشن و البوجيهات
ال mp3 لقيته مرة واحدة مش بيشتغل شكله اتحرق ده ولا ايه !
ال bb black berry مش لاقيها خالص :(
رحت للميكانيكي بيقولي عايز تغير فبرة الفتيس هي اللي عاملة المشكلة بتاعت التعليق ديه ! و انا مستريح لما شلت السوستة هل فيها ضرر ؟ لأن الخامس بعيد عن المارشدير !
معلش سؤال كمان مؤشر البنزين اتجنن خلاص بدخل البنزينة افول اطلع اللمبة منورة :) فديه مشكلة ايه ؟ لما سألت في فيات 2000 قالولي روح لأحمد لانشيا اول يمين عند نادي الصيد كويس ده ولا ايه ظروفه ؟
بالنسبة للسخونية اروح لميكانيكي ولا كهربائي ؟

[DONYO]

دلوقتي ال mp3 اللي جبته باظ مبقاش يشتغل هل بيتصلح ؟
المرشدير علشان اجيبه النهاردة كنت هقطم الفتيس بيعلق تعليقة بشعة متتوصفش فشلت السوستة و برضه بيعلق بس مش ناوي اركب السوستة تاني فده يبقي عيب ايه ؟ يعني يكون عيب طقم دبرياج ولا زيت الفتيس ولا ايه بالضبط علشان زهقت جدا والله !!!!
العربية و انا ماشي بالتكييف علي الصحراوي و جوه البلد بلاقي الحرارة عند الاحمر فبقفله علطول فهل هيروح الموضوع ده بعد دورة الغسيل ديه و المياه الخضراء ولا ايه؟

اوعى وارجوك ارجوك ارجوك اوعى الحرارة تعددي النص بشوية كتير مش توصل للاحمر لو حصل كدة وعديت النص بشوية اطفي التكييف وانزل شوف المراوح شغاله ولا لأ واسوأ حاجة انك تعدي النص بكتير .اوعى توصل للأحمر ابدا لوعديت النص بكتير ومانزلتش الحرارة اقف لحد ما العريبية تبرد .
روح فورا راجع دورة التبريد والا لاقدر الله ممكن تجيب وش سلندر لو مشيت بيها سخنة كدة.

[taher22]

هو ليه يا جماعه مشكله السخونيه دى فى كل السيينا هو كده يبقى عيب اساسى فى العربيه ولا ايه

[misoalex]

تمام بالنسبة للانجكشن و البوجيهات
ال mp3 لقيته مرة واحدة مش بيشتغل شكله اتحرق ده ولا ايه !
ال bb black berry مش لاقيها خالص :(
رحت للميكانيكي بيقولي عايز تغير فبرة الفتيس هي اللي عاملة المشكلة بتاعت التعليق ديه ! و انا مستريح لما شلت السوستة هل فيها ضرر ؟ لأن الخامس بعيد عن المارشدير !
معلش سؤال كمان مؤشر البنزين اتجنن خلاص بدخل البنزينة افول اطلع اللمبة منورة :) فديه مشكلة ايه ؟ لما سألت في فيات 2000 قالولي روح لأحمد لانشيا اول يمين عند نادي الصيد كويس ده ولا ايه ظروفه ؟
بالنسبة للسخونية اروح لميكانيكي ولا كهربائي ؟

ايه ده انت اسكندرانى ؟؟؟؟؟؟ ده انت حتبقى صديقى بقا اخيرا لقيت حد اسكندرانى هنا معاه سيينا ههههههههههههه

بص احمد لانشيا هو شخصيا فاهم وكويس ومحترم وهو تخصص فيات اصلا وعنده مخزن قطع غيار استيراد كبير وعنده حجات جديده كمان اصلى بيجيبها مخصوص من بره
مشكلته فى حاجتين وده اللى مخلينى زعلان منه وتقريبا بفكر مروحش هناك تانى
اسعاره غاليه تقريبا زى التوكيل فى بعض الحاجات وقطع الغيار ومع ذلك الواحد بيقول مش مشكله اهو بيفهم عن اللامؤخذه اللى فى التوكيل

ثانيا ودى المشكله الاساسيه الناس اللى شغاله تحت ايده نص كم ومش بتوع شغل ما عدا واحد بس هو اقدم واحد فيهم تقريبا وحتلاقيه فى الغالب مش بيشتغل غير فى العربيات التقيله زى الالفا روميو مثلا
لو موقفتش على ايدهم عربيتك حتدخل بعيب حتطلع ب 2
اول مره نزلولى ميه موبيل تمنها 80 جنيه على الارض ومن ساعتها حاطط ميه عاديه من كتر خنقتى منهم مع انى قولت للواد نزلى الميه دى فى جركن معايا عشان دى لسه بقالها 3 ايام وغاليه

تانى مره قطعولى كابل عداد السرعه وعملته ب 85 جنيه وقاللى عادى ده حتلاقيه رخيص ومعلش وكلام من ده و نفس اللى قطعولى كابل السرعه قعدو اكتر من ساعه ونص يحاولو يركبو فى جزء فى العربيه وجه هو فى 3 دقائق ركبه وسابهم يقفلوه ده دليل على انه هو فاهم بس للاسف اللى معاه مش اد كده

وكنت متفق معاه على مصنعيه معينه زود كمان 50 جنيه عليها عشان ركبلى سير كان معايا وبعد اسبوعين السير عمل صوت صفاره جامد رحتله اخد 10 جنيه عشان يشد عليه وهو اصلا اللى مركبه (اللى شغال عنده هو اللى ركبه )

وبلاش اتكلم بقى على حجات تانيه متخصنيش شفتها

فلو حتروح هناك روح وهو فاهم وحيعرف يطلعلك العيب اللى فى عربيتك لو فيها مشكله ويحلهولك وهو فيه ميزه كمان انه عنده جهاز كشف الاعطال بتاع الفيات والالفا بيكشف ب 70 او 80 جنيه تقريبا
لكن خليك واقف فوق دماغ الصنايعيه اللى شغالين عشان عربيتك ميحصلش فيها حاجه تانيه زى مثلا ينسو يركبو مسمار ولا كاوتشه ولا حاجه تتكسر او تتقطع وخلافه

وعلى فكره نفس الكلام اللى انا بقولهولك اتقالى من واحد كبير فى السن شوفته هناك معاه سيينا بيصلحها وقولتله فعلا عندك حق نفس الكلام اللى حصل معاك حصل معايا

فلما تروح مكان غالى زى التوكيل يبقى لازم تكون الخدمه محترمه مقابل الفلوس اللى حتدفها مش تدخل بمشكله تطلع محروق دمك بسبب مشكله تانيه يا فرحتى انه حل المشكله الاولانيه بس دبسنى فى حاجه تانيه

انا نقلتلك تجربتى معاه بكل مميزاته وعيوبه

[misoalex]

شوف الموضوع ده انا كنت عامله زمان بخصوص mp3 الولاعه

http://www.nilemotors.net/Nile/105862-mp3.html

وبخصوص علامه البلاك بيرى لو قصدك على اللوجو بتاع البلاك بيرى فده بيتعمل عند اى واحد بتاع استيكرات ب 5 او 10 جنيه بالحجم اللى انت عاوزه وبيتلزق على الازاز او الشنطه

[misoalex]

هو ليه يا جماعه مشكله السخونيه دى فى كل السيينا هو كده يبقى عيب اساسى فى العربيه ولا ايه

دى مشكله بسبب الاهمال من المالكين القدماء اللى اشترو العربيه وهى زيرو ومهتموش بيها وبيحطو مياه عاديه بدل المياه الخضرا وطبعا العربيه ماشيه بقالها 10 او 12 سنه فحتلاقى الريدراتير والوصلات وخلافه اتاكلت وعملت املاح بالهبل ويجى صاحبها طبعا عشان ناوى يخلص منها فميحاولش يصلح المشكله ويفضل يلصم فيها عشان يلبسها لاى حد بقى وفى العالب اللى بيشتريها بيبقى مبتدأ او مش فاهم اوى فيفضل يلف ويدور ويتعب عقبال ما يكتشف العيب فين ويغيره

ده اولا
ثانيا بقى اى عربيه حديثه دوره التبريد بتاعتها مغلقه لو دخلها هواء من اى حته فيها ولو اد خرم الدبوس الدنيا حتتلخبط لان ضغط الهوا جوه الدايره مش حيبقى مظبوط والعربيه حتسخن منك

ربنا يبعد عنا مشاكل الحراره لانها اكتر حاجه بتعزب الواحد لحد ما يكتشف التسريب فين
يعنى الكلام عمومى فى اى عربيه شغاله بنفس النظام مش فى السيينا بس

[taher22]

دى مشكله بسبب الاهمال من المالكين القدماء اللى اشترو العربيه وهى زيرو ومهتموش بيها وبيحطو مياه عاديه بدل المياه الخضرا وطبعا العربيه ماشيه بقالها 10 او 12 سنه فحتلاقى الريدراتير والوصلات وخلافه اتاكلت وعملت املاح بالهبل ويجى صاحبها طبعا عشان ناوى يخلص منها فميحاولش يصلح المشكله ويفضل يلصم فيها عشان يلبسها لاى حد بقى وفى العالب اللى بيشتريها بيبقى مبتدأ او مش فاهم اوى فيفضل يلف ويدور ويتعب عقبال ما يكتشف العيب فين ويغيره

ده اولا
ثانيا بقى اى عربيه حديثه دوره التبريد بتاعتها مغلقه لو دخلها هواء من اى حته فيها ولو اد خرم الدبوس الدنيا حتتلخبط لان ضغط الهوا جوه الدايره مش حيبقى مظبوط والعربيه حتسخن منك

ربنا يبعد عنا مشاكل الحراره لانها اكتر حاجه بتعزب الواحد لحد ما يكتشف التسريب فين
يعنى الكلام عمومى فى اى عربيه شغاله بنفس النظام مش فى السيينا بس

شكرا جدا على الرد الوافى
بس كان عندى سؤال تانى ليه السيينا مع ان شكلها محترم كده وتحس انها فخمه ومودلات عاليه من 2000 وانت طالع والاوبشن بتاعتها زى اى عربيه عاليه بس سعرها ارخص من اى عربيه تانى زى التويوتا و المتسوبيشى دى سعرها قريب جدا من البرايد سيدان كنت عايز اعرف السبب يا ريت لو الناس تجبونا عليه

[misoalex]

شكرا جدا على الرد الوافى
بس كان عندى سؤال تانى ليه السيينا مع ان شكلها محترم كده وتحس انها فخمه ومودلات عاليه من 2000 وانت طالع والاوبشن بتاعتها زى اى عربيه عاليه بس سعرها ارخص من اى عربيه تانى زى التويوتا و المتسوبيشى دى سعرها قريب جدا من البرايد سيدان كنت عايز اعرف السبب يا ريت لو الناس تجبونا عليه

انا زيك كنت مستغرب زمان بس هو ده حال بلدنا تلاقى الصينى اللى بره ممنوعه تدخل اغلب البلاد عندنا هنا مرطرطه وسعرها اغلى من اليابانى وتلاقى العربيات الاوروبى والفرنساوى اسعارهم افى الاستعمال تحت وهما بره ملوك السوق واكتر عربيات منتشره عندهم
بلدنا ماشيه بالعكس

وكل ده بسبب سياسه رجال الاعمال والتوكيلات يعنى التوكيل بتاع فيات سوء سمعه فيات فى ال 10 سنين الاخيره جدا جدا فى مصر ودول الخليج وبعض الدول العربيه

تفتكر لو توكيل فيات راح لغبور ولا منصور شيفروليه كانت العربيه دى حيبقى ايه وضعها فى السوق المصرى ؟؟
الكلام مينطبقش على فيات بس على فكره ينطبق على سيتروين ورينو ونيسان وحجات تانيه
بس لو بصيت حتلاقى ان نيسان ورينو التوكيل لما اتغير فى السنين الاخيره عمل شغل كويس والعربيات بتاعتهم انتشرت جامد

على فكره الصنايعيه ليهم عامل اساسى فى الموضوع ده كمان لان لما بيلاقى عريبيه منتشره وكل شويه بتجيله بأعطال طبعا طبعا حيكون حفظها صم وفك كل مسمار فيها هو وبليه الصبى بتاعه
لكن عربيه محرمه زى البى ام والبيجو والمرسيدس مش بتعطل كتير فبالتالى مش بتروح للمكانيكى كتير فبالتالى اغلب الصنايعيه التعبانين اللى حافظين ومش فاهمين مش بيتعاملو فيها ولو اتعامل فيها ممكن يبوظها (الكلام ينطبق برضه على العربيات اللى لسه جديده فى السوق زى الكورى والصينى )
فلما تروحله تقوله ايه رأيك اشترى سيينا او بى ام ولا اشترى لانوس طبعا طبعا حيقولك طبعا اشترى لانوس دى عربيه حكايه وابعد عن البى ام دى عربيه زباله وملهاش قطع غيار ولو باظت مبتتصلحش !!

هما دول الجهابزه اللى عندنا اللى بوظو السوق المصرى بزباله العربيات

اقسم بالله فيه عربيات موديلات 2010 و 2012 ولو طلعتلى هديه فى كيس شيبسى مش حركبها وحبيعها واشترى عربيه محترمه تتركب تحافظ عليا وعلى اللى راكب معايا
اتفرج على حوادث الطرق وشوف كام عربيه كورى وصينى بتبقى متعجنه وانت تعرف الفرق

بس فى العربيات المحترمه لو حتشترى مستعمل يبقى تشترى عربيه متصانه ومش متهانه لانها لو متهانه يبقى ولا ليها تلاتين لازمه ومكنتش جبتها احسن لانها حتبهدلك معاها

[nouranwar]

اوعى وارجوك ارجوك ارجوك اوعى الحرارة تعددي النص بشوية كتير مش توصل للاحمر لو حصل كدة وعديت النص بشوية اطفي التكييف وانزل شوف المراوح شغاله ولا لأ واسوأ حاجة انك تعدي النص بكتير .اوعى توصل للأحمر ابدا لوعديت النص بكتير ومانزلتش الحرارة اقف لحد ما العريبية تبرد .
روح فورا راجع دورة التبريد والا لاقدر الله ممكن تجيب وش سلندر لو مشيت بيها سخنة كدة.

انا زهقت من موضوع السخونية مع التكييف الصبح بس بالليل بتبقي تمام
مبقتش اشغله الصبح بس ايه فايدة التكييف و مش قادر اشغله في عز الحر الصبح!

[nouranwar]

ايه ده انت اسكندرانى ؟؟؟؟؟؟ ده انت حتبقى صديقى بقا اخيرا لقيت حد اسكندرانى هنا معاه سيينا ههههههههههههه

بص احمد لانشيا هو شخصيا فاهم وكويس ومحترم وهو تخصص فيات اصلا وعنده مخزن قطع غيار استيراد كبير وعنده حجات جديده كمان اصلى بيجيبها مخصوص من بره
مشكلته فى حاجتين وده اللى مخلينى زعلان منه وتقريبا بفكر مروحش هناك تانى
اسعاره غاليه تقريبا زى التوكيل فى بعض الحاجات وقطع الغيار ومع ذلك الواحد بيقول مش مشكله اهو بيفهم عن اللامؤخذه اللى فى التوكيل

ثانيا ودى المشكله الاساسيه الناس اللى شغاله تحت ايده نص كم ومش بتوع شغل ما عدا واحد بس هو اقدم واحد فيهم تقريبا وحتلاقيه فى الغالب مش بيشتغل غير فى العربيات التقيله زى الالفا روميو مثلا
لو موقفتش على ايدهم عربيتك حتدخل بعيب حتطلع ب 2
اول مره نزلولى ميه موبيل تمنها 80 جنيه على الارض ومن ساعتها حاطط ميه عاديه من كتر خنقتى منهم مع انى قولت للواد نزلى الميه دى فى جركن معايا عشان دى لسه بقالها 3 ايام وغاليه

تانى مره قطعولى كابل عداد السرعه وعملته ب 85 جنيه وقاللى عادى ده حتلاقيه رخيص ومعلش وكلام من ده و نفس اللى قطعولى كابل السرعه قعدو اكتر من ساعه ونص يحاولو يركبو فى جزء فى العربيه وجه هو فى 3 دقائق ركبه وسابهم يقفلوه ده دليل على انه هو فاهم بس للاسف اللى معاه مش اد كده

وكنت متفق معاه على مصنعيه معينه زود كمان 50 جنيه عليها عشان ركبلى سير كان معايا وبعد اسبوعين السير عمل صوت صفاره جامد رحتله اخد 10 جنيه عشان يشد عليه وهو اصلا اللى مركبه (اللى شغال عنده هو اللى ركبه )

وبلاش اتكلم بقى على حجات تانيه متخصنيش شفتها

فلو حتروح هناك روح وهو فاهم وحيعرف يطلعلك العيب اللى فى عربيتك لو فيها مشكله ويحلهولك وهو فيه ميزه كمان انه عنده جهاز كشف الاعطال بتاع الفيات والالفا بيكشف ب 70 او 80 جنيه تقريبا
لكن خليك واقف فوق دماغ الصنايعيه اللى شغالين عشان عربيتك ميحصلش فيها حاجه تانيه زى مثلا ينسو يركبو مسمار ولا كاوتشه ولا حاجه تتكسر او تتقطع وخلافه

وعلى فكره نفس الكلام اللى انا بقولهولك اتقالى من واحد كبير فى السن شوفته هناك معاه سيينا بيصلحها وقولتله فعلا عندك حق نفس الكلام اللى حصل معاك حصل معايا

فلما تروح مكان غالى زى التوكيل يبقى لازم تكون الخدمه محترمه مقابل الفلوس اللى حتدفها مش تدخل بمشكله تطلع محروق دمك بسبب مشكله تانيه يا فرحتى انه حل المشكله الاولانيه بس دبسنى فى حاجه تانيه

انا نقلتلك تجربتى معاه بكل مميزاته وعيوبه

ههههههههههههههه اسكندرية اجدع ناس
طيب مين يشوفلي موضوع مؤشر البنزين و تعليقة المارشدير و قلت بالمرة اغير طقم دبرياج علشان النقلات مش سلسة و هغير زيت الفتيس ان شاء الله
تعرف سعر طقم الدبرياج ؟

[nouranwar]

شوف الموضوع ده انا كنت عامله زمان بخصوص mp3 الولاعه

http://www.nilemotors.net/Nile/105862-mp3.html

وبخصوص علامه البلاك بيرى لو قصدك على اللوجو بتاع البلاك بيرى فده بيتعمل عند اى واحد بتاع استيكرات ب 5 او 10 جنيه بالحجم اللى انت عاوزه وبيتلزق على الازاز او الشنطه

وديت ال mp3 للراجل و قالي هيغير فيوز الله ينور عليك لو كنت شفت موضوعك كنت عملته بنفسي :) هروحله بكره اخده منه ان شاء الله
و ال bb كده يبقي تمام و هشوفه عند حمدي H-Man