اسمع مبروووك :) اشتريت سيينا 2002

[nouranwar]

ليه هو سعر العربية كان كام علي كده عشان كنت بفكر اشتري واحدة ومش عارف اغير رايي ولا ايه ------ياريتك تنصحني

انا كنت شاريها ب 33,000 جم و حالتها زي ما حضرتك شايف
بالنسبة للسيينا عربية محترمة و ناعمة و جميلة بس اهم حاجة حالتها يعني تكشف عليها صح علشان متصرفش زي ما انا بصرف كده
بالتوفيق ان شاء الله

[nouranwar]

العربية الحمدلله النهاردة رحت بيها العلمين و رجعت بدأت اتخانق مع الغيارات و انا راجع من هناك علشان مش راضية تنقل معايا و اول ما وصلت البيت و بركن جبن المارشدير و ثبتت علي كده خلاص مش راضية تجيب اي غيارات تانية خلاص و دلوقتي راكنة و انا جايب مرشدير
اعتقد كده هتحتاج كساحة او اجيب عربية تشدني و اوديها لميكانيكي :( بس مش لاقي ميكانيكي فهكلمك يا ميسو علشان نشوف فين الميكانيكي بتاع الجراند بونتو اللي قولتلي عليه

[misoalex]

العربية الحمدلله النهاردة رحت بيها العلمين و رجعت بدأت اتخانق مع الغيارات و انا راجع من هناك علشان مش راضية تنقل معايا و اول ما وصلت البيت و بركن جبن المارشدير و ثبتت علي كده خلاص مش راضية تجيب اي غيارات تانية خلاص و دلوقتي راكنة و انا جايب مرشدير
اعتقد كده هتحتاج كساحة او اجيب عربية تشدني و اوديها لميكانيكي :( بس مش لاقي ميكانيكي فهكلمك يا ميسو علشان نشوف فين الميكانيكي بتاع الجراند بونتو اللي قولتلي عليه

طب وتجيب كساحه ليه وتتعب نفسك شوف اى مكانيكى جنب البيت عندك يجى معاك يظبطهالك مؤقتا حتى تمشى بيها لاى مكانيكى او تروح لبتاع شارع فؤاد اللى كان مكتوب اسمه وعنوانه هنا
او نروح للى استاز عمر حط اسمه وعنوانه فوق اللى عند كلاسيك لان شكله كويس طالما عرف يحل المشاكل اللى كانت عنده

شوف اى مكانيكى جنب البيت عندك يبعت معاك اى حد يظبطلك العصايه بتاعه الغيارات ووفر الفلوس اللى حتدفعها لكساحه او عربيه تشدك
وكلمنى فى اى وقت

[misoalex]

أحمد لانشيا
جهبز الجهابزة
هو ينفع نجم سينمائى مش ميكانيكى ( علشان وسيم شوية هههههه ) ، الناس فى الورشة عنده بيقولوله يا باش مهندس ومعلوماتى عنه أنه كان فى ايطاليا 10 سنوات وهناك عرف كل حاجة عن الفيات والفاروميو ولانشيا ولما رجع فتح مركز صيانة امام نادى الصيد فى الاسكندرية
لما تروح هناك تحس أن شركة فيات موصلة خط أنتاج السيينا على أحمد لانشيا هههههههههه بمعنى كل لما تروح هناك تلاقى 4 أو 5 أو 6 عربيات سيينا جوة وبرة الورشة ودى حاجة تخلى الواحد يثق فى المكان علشان بتحس أنه متخصص فى العربية دى ، لكن بكل أسف ( بلح )

بالنسبة للناس اللى شغالة عنده فهما مش صنايعية ، هما طلبة تدريب مهنى بتدرب فى الورشة عنده ، ودى حاجة مش كويسة علشان الطالب كل همه أنه يعدى وقته وخلاص ومش مهم عربيات الناس ، يعنى مفيش ولا واحد عنده بيفهم كلهم طلبة مش فاهمة وساعة التجميع بعد عملية الاصلاح فى حجات كتير مش بتتركب فى مكانها مثل مسامير وكلبسات وحجات كتير وممكن ينسوا المقص فى بطن المريض ويخيط العملية على كدة هههههههههههه

المهم بدايتى مع أحمد لانشيا
كنت بلف على الميكانيكية علشان كان عداد rpm بيعلا لوحده ودى عملتلى مشكلة لدرجة أنى خبط العربية امام المنزل فى شجرة بسبب الموضوع دة
كنت عند واحد ميكانيكى أسمه محمد جلال فى بحرى كان بعتنى لية شيكوكو بتاع قطع الغيار اللى فى شارع صلاح الدين ( شارع متخصص فى قطع غيار السيارات فى الاسكندرية )
محمد جلال قالى هبعتك عند واحد علشان العربية محتاجة تتحط على الجهاز وانا معنديش جهاز ، فبعتنى عند أحمد لانشيا الجهبز ، لما روحت هناك شوفت عربيات السيينا كتير عنده ودة خلانى أطمع وأفضل معاه للاخر علشان تصورت أنه متخصص فى الموديل دة
المهم اول لما شاف العربية قال أنا هحطها على الجهاز بس انهاردة ونشوف فيها اية علشان مفيش وقت اشتغل فيها انهاردة ، قولت ماشى مفيش مشكلة
حطها على الجهاز ومكنش فى أعطال باينة على الجهاز
قالى هتهالى يوم تانى من اوله نشوف فيها اية ، قولت ماشى
روحت فى يوم تانى من اول اليوم اول حاجة قال ان البوجيهات اللى راكبة مش بتاعتها ولازم تتغير ، قولت غير مع أن اللى راكبة كانت جديدة معملتش 100 ك
( لما سبت لانشيا ورحت لميكانيكى ناتى قال ان البوجيهات اللى راكبة مش بتاعة العربية وطلعت 4 شمعة ، تقريباً كانت بتاعة الفاروميو )

المهم غير البوجيهات وفك سير التقسيمة وعمل فيها دكتور وركبه وقال كدة تمام


وشغل لقى المشكلة لسة موجودة فجاب اسبرى تنظيف ونظف البوابة لقى بردو المشكلة لسة موجودة


المهم الجهبز قال أن المشكلة فى الايدل ، والايدل فى السيينا 1600 بيكون هو وبوابة البنزين حتة واحدة بكل اسف وبكدة البوابة لازم تتغير ، اوكى يا باش مهندس نغير بكام البوابة ، قالى هتصل بمصر واشوف سعرها بكام دلوقتى ( على أساس أنها دهب وسعرها بيطلع وينزل كل شوية ههههههههه )


المهم اتصل وقال هتكون بـ 1950 تقريباً مش فاكر الرقم بالظبط علشان هو قال أن بلية الشداد بتعمل صفارة ولازم تتغير مع أنى مكنتش سامع صوت الصفارة دة ، قولت أوكى يعنى الحساب كله كام بالمصنعية ، قال هيعمل 2350 جنية بس مش هيكون أنهاردة الكلام دة انا هبعت اجيب الحاجة من مصر ونخلينا على تليفون

قولت ماشى مفيش مشكله بس أنت متأكد أن دى المشكلة علشان المبلغ كبير ( 2350 ) ومينفعش فيها يمكن يكون هو ويمكن ميكونش هو ، قال لا مفيش يمكن هو دة العيب



جاب البوابة والبلية بتاعت الشداد وركب الحاجة وحط العربية على الكمبيوتر وأشتغلت العربية كويس حوالى أسبوع ورجعت تانى نفس المشكلة وبصورة أكبر


رجعت تانى وقلتله المشكلة لسة موجودة ، قال لا أنا قولتلك ارجعلى بعد اسبوع ( مع العلم هو مقالش اى حاجة )


قولتله وأنا بضحك ( وأنا رجعت تانى اهو يا باش مهندس )


حط العربية تانى على الجهاز ولعب فى شوية زراير وقال كدة تمام وفعلا العربية ساعتها كانت شغالة كويس


مشيت بالعربية وأنا فى السكة رجعت تانى المشكلة وبقى صوت الموتور بيعلا زى الأول ومكنش ينفع ارجع تانى فى نفس اليوم


ومن يومها أصبح يوم الاجازة بتاعى مخصوص لـ أحمد لانشيا وبكون عنده فى الورشة ههههههههههه علشان بروح كل اسبوع بنفس المشكلة


وهو كل اللى بيعمله يفك سير التقسيمة ويركبه تانى ويقولى السير مكنش مظبوط ( طيب ما أنت اللى مركبه المرة اللى فاتت )



وفى مرة من المرات البهوات اللى بتقفل العربية نسو مسامير بتاعت الفبرة اللى بتقفل على مجموعة السيور اللى خلف سير التقسيمة ولما مشيت بالعربية اتكسرت من احتكاك السيور والطارات اللى راكب عليها السيور



المهم أخر مرة قولتله العربية بتكون كويسة وأنا هنا ولما بمشى وأنا فى السكة مروح بترجع تاتى ، لو رجعت المشكلة تانى هتكون الخطوة اللى جاية أية ؟ علشان أن اتخنقت


قال هفك الموتور أشوف فية أية ، أنا سمعت كدة وأخدت قرارى أنى مش راجع تانى عنده علشان انا بشوف الاستهتار بحاجة الناس بيكون عامل ازاى عنده ( دة لما بكون موجود الحاجة بتتقفل غلط مبالك بقى لما تسيب العربية ويتفك الموتور بتاعها هيكون الكلام ازاى ) .

الخلاصة :-


تركيب بوجيهات مش بتاعة العربية علشان يشغل بضاعة عنده ويبعها


تغير بوابة البنزين وبلية الشداد بـ 2350 أونطة وطلع فى الأخر المشكلة مش منهم وكانت المشكلة فى كنترول الكارتة واللى عرفلى العيب ميكانيكى تانى وجرب بكارتة من عنده وظبط العربية


عدم التقفيل الجيد بعد الاصلاح مما يؤدى الى تلف اجزاء بالعربية

ملحوظة :-


بلية الشداد اللى جبهالى وقالى أنها أصلية كانت هى السبب فى انها تغير تقسيمة السير اللى كان كل شوية يقولى مش مظبوط ، وغيرتها وحطيت القديمة اللى هو قال مش نافعة وشغالة معايا لحد دلوقتى ومفيهاش مشكلة ( حسبنا الله ونعم الوكيل )

دى كانت حكايتى مع الجهبز أحمد لانشيا وعلشان كدة أنا بنصح أى شخص عدم الذهاب إلى هذا المكان

بعد اللى انت حكيته ده وبعد اللى حصل معايا ومع ناس شوفتها من نفس الورشه وكله بيشتكى من نفس المشكله يبقى لازم نعمل موضوع منفصل فيه تحذير من المكان ده عشان كل الناس تعرف لان للاسف فيه ناس لسه بتروحله وبتتخدع زى وزيك من ان المكان كله عربيات سيينا فبتاخد فكره غير الحقيقه ومبتكتشفش ده غير بعد ما بتخسر فلوس ومجهود وبعد حرقه دم

[nouranwar]

طب وتجيب كساحه ليه وتتعب نفسك شوف اى مكانيكى جنب البيت عندك يجى معاك يظبطهالك مؤقتا حتى تمشى بيها لاى مكانيكى او تروح لبتاع شارع فؤاد اللى كان مكتوب اسمه وعنوانه هنا
او نروح للى استاز عمر حط اسمه وعنوانه فوق اللى عند كلاسيك لان شكله كويس طالما عرف يحل المشاكل اللى كانت عنده

شوف اى مكانيكى جنب البيت عندك يبعت معاك اى حد يظبطلك العصايه بتاعه الغيارات ووفر الفلوس اللى حتدفعها لكساحه او عربيه تشدك
وكلمنى فى اى وقت

بالنسبة للميكانيكي مفيش ميكانيكية جنبي خالص :(
و اتفقت مع ميكانيكي في شارع فؤاد اول دخلةيمين من شارع فؤاد بعد راديو شاك و لو فيه حاجة هشوف اللي حضرتك قولتلي عليهم لأني مستعجل جدا اني اصلح طقم الدبرياج علشان عندي جيش السبت
ربنا يخليك يا ميسو اكييد هزعجك في اي وقت و في كل وقت

[nouranwar]

بعد اللى انت حكيته ده وبعد اللى حصل معايا ومع ناس شوفتها من نفس الورشه وكله بيشتكى من نفس المشكله يبقى لازم نعمل موضوع منفصل فيه تحذير من المكان ده عشان كل الناس تعرف لان للاسف فيه ناس لسه بتروحله وبتتخدع زى وزيك من ان المكان كله عربيات سيينا فبتاخد فكره غير الحقيقه ومبتكتشفش ده غير بعد ما بتخسر فلوس ومجهود وبعد حرقه دم

+11111111111
و يتحط في القائمة السوداء اللي المنتدي عاملها علشان الميكانيكية الفشلين اعتقد كنت شفت الموضوع ده قبل كده

[misoalex]

+11111111111
و يتحط في القائمة السوداء اللي المنتدي عاملها علشان الميكانيكية الفشلين اعتقد كنت شفت الموضوع ده قبل كده

ايوه انا ناوى احطه فى القايمه السوداء عشان كده مش انا بس اللى بشتكى

[misoalex]

بالنسبة للميكانيكي مفيش ميكانيكية جنبي خالص :(
و اتفقت مع ميكانيكي في شارع فؤاد اول دخلةيمين من شارع فؤاد بعد راديو شاك و لو فيه حاجة هشوف اللي حضرتك قولتلي عليهم لأني مستعجل جدا اني اصلح طقم الدبرياج علشان عندي جيش السبت
ربنا يخليك يا ميسو اكييد هزعجك في اي وقت و في كل وقت

ازاى مفيش جنبك مكانيكيه !!!!! دى كليبوترا وسيدى جابر مليانه مكانيكيه انا كنت اعرف 2 هناك
ده انت لو دورت ممكن تلاقى حد فى الناس دى بتفهم كويس جدا فى السيينا لان المنطقه دىفيها ناس محترمه كتير واكيد السيينا عدت على المكانيكيه اللى هناك لما شبعو ههههههههههههه

وده مكان المكانيكى بتاع البونتو اللى زميلنا هنا وصفه فى الموضوع ده طالما شارع فؤاد اقرب ليك

http://www.nilemotors.net/Nile/299446-40000.html

الميكانيكي اسمه سعيد و مكانه و انت ماشي في شارع فوءاد عدي الاشارة بتاعة البطالسة وخش اول شارع يمين حتلاقيه بجد ملوش حل.

[nouranwar]

ازاى مفيش جنبك مكانيكيه !!!!! دى كليبوترا وسيدى جابر مليانه مكانيكيه انا كنت اعرف 2 هناك
ده انت لو دورت ممكن تلاقى حد فى الناس دى بتفهم كويس جدا فى السيينا لان المنطقه دىفيها ناس محترمه كتير واكيد السيينا عدت على المكانيكيه اللى هناك لما شبعو ههههههههههههه

وده مكان المكانيكى بتاع البونتو اللى زميلنا هنا وصفه فى الموضوع ده طالما شارع فؤاد اقرب ليك
http://www.nilemotors.net/nile/299446-40000.html

تصدق يا ميسو شكلي د اللي روحتله اصل الميكانيكي ده تحت بيت صاحبي بالضبط و يعرفه
جبت عربية نصف نقل علشان تشد العربية لغاية هناك اخد 70 جنيه و روحتله قالي هي العربية ديه تبع عمرو (صاحبي) قولتله اه قالي تمام هتستلمها مني بكرة قولتله لأ انا ورايا جيش بكره و كده المهم ان شاء الله هستلمها منه الساعة 12 او 1 بالليل
اديتله طقم الدبرياج و البوجيهات و فلتر البنزين و الهواء و سير التقسيمة و زيت الباور و الفرامل قولتله اتعامل هروحله كمان ساعة او اتنين ان شاء الله اشوفه عمل ايه و بالمرة اسأله لو محتاجة تيل او اي سيور تانية و يشوفلي بلية شداد سير الكتينة و اي حاجة محتاجاها علشان اخلص من شغل الميكانيكة اللي فيها بالمرة :b4_048:

[misoalex]

طب ابقا طمنا عملت ايه

وابقى قولى طلع هو نفس المكانيكى ولا واحد تانى؟؟

[amur1010]

بعد اللى انت حكيته ده وبعد اللى حصل معايا ومع ناس شوفتها من نفس الورشه وكله بيشتكى من نفس المشكله يبقى لازم نعمل موضوع منفصل فيه تحذير من المكان ده عشان كل الناس تعرف لان للاسف فيه ناس لسه بتروحله وبتتخدع زى وزيك من ان المكان كله عربيات سيينا فبتاخد فكره غير الحقيقه ومبتكتشفش ده غير بعد ما بتخسر فلوس ومجهود وبعد حرقه دم

موافق على فكرة عمل موضوع منفصل لتحذير الناس بدل ما تدبس
أعمل الموضوع وأنا هنقل المشاركة دى هناك كنوع من التجربة والتحذير
وأهم حاجة كانت الفلوس وحرقة الدم ( لوحنى فى الفلوس )
سير على بركة الله :)

[amur1010]

تصدق يا ميسو شكلي د اللي روحتله اصل الميكانيكي ده تحت بيت صاحبي بالضبط و يعرفه
جبت عربية نصف نقل علشان تشد العربية لغاية هناك اخد 70 جنيه و روحتله قالي هي العربية ديه تبع عمرو (صاحبي) قولتله اه قالي تمام هتستلمها مني بكرة قولتله لأ انا ورايا جيش بكره و كده المهم ان شاء الله هستلمها منه الساعة 12 او 1 بالليل
اديتله طقم الدبرياج و البوجيهات و فلتر البنزين و الهواء و سير التقسيمة و زيت الباور و الفرامل قولتله اتعامل هروحله كمان ساعة او اتنين ان شاء الله اشوفه عمل ايه و بالمرة اسأله لو محتاجة تيل او اي سيور تانية و يشوفلي بلية شداد سير الكتينة و اي حاجة محتاجاها علشان اخلص من شغل الميكانيكة اللي فيها بالمرة :b4_048:

أنت طلعت عفريت أهو هههههههههه
ابقى طمنا عملت اية ويارب تظبط على كدة ويكون كله تمام

[nouranwar]

طب ابقا طمنا عملت ايه

وابقى قولى طلع هو نفس المكانيكى ولا واحد تانى؟؟

روحتله امبارح الساعة 11,30 و علي حسب اتفاقنا انه هيخلص الساعة 12 او 1 بالكتير قالي بلية الشداد عايزة تتغير رحت جبتها من شكوكو في صلاح الدين ب 45 جنيه و وديتهاله قالي كاوتشة السيرفو بتاع الفرامل عايزة تتغير علشان مقطوعة رحت دورت عليها ملقيتهاش غير عند واحد بتاع كاوتش في صلاح الدين بعد الاشارة بعد الجامع اللي هناك ب 10 جنيه مع انها متسواش 2 جنيه روحت وديتهاله لطعني جمبه لغاية الساعة 1,30 و قالي مش هلحق اخلصها النهاردة تعلالي بكرة الساعة 3 العصر استلمها و طبعا علشان روحت الجيش روحتله الساعة 6 قالي العربية جاهزة و خلصت بس قاطعة بنزين قولتله ديه كان فيها بنزين بتاع النص قالي لأ قاطعة بنزين و هبعت الولد يجيبه بعد الفطار علي الساعة 8 هروحله الساعة 9 ان شاء الله و اشوفه عمل ايه !

طلع هو اسمه سعيد بس الملاحظة اللي موجودة لغاية دلوقتي انه معندهوش واحد يروح يجيب قطع الغيار الناقصة و بيخليك تروح انت و تتعامل
ربنا يكرم و اخلص من الميكانيكا بتاعتها بقي
صحيح هو قالي ان بيضات الطرف بتاعتها رايحة في 60 داهية و لازم لازم يتغيروا علشان متملصش منك و انت ماشي و بالذات علي سرعات

[nouranwar]

أنت طلعت عفريت أهو هههههههههه
ابقى طمنا عملت اية ويارب تظبط على كدة ويكون كله تمام

ههههههههههههههههه ده انا مدقدق و ابن بلد
يارب هستلمها و اجربها و اقولكم ان شاء الله ربنا يكرم يا استاذ عمرو

[misoalex]

روحتله امبارح الساعة 11,30 و علي حسب اتفاقنا انه هيخلص الساعة 12 او 1 بالكتير قالي بلية الشداد عايزة تتغير رحت جبتها من شكوكو في صلاح الدين ب 45 جنيه و وديتهاله قالي كاوتشة السيرفو بتاع الفرامل عايزة تتغير علشان مقطوعة رحت دورت عليها ملقيتهاش غير عند واحد بتاع كاوتش في صلاح الدين بعد الاشارة بعد الجامع اللي هناك ب 10 جنيه مع انها متسواش 2 جنيه روحت وديتهاله لطعني جمبه لغاية الساعة 1,30 و قالي مش هلحق اخلصها النهاردة تعلالي بكرة الساعة 3 العصر استلمها و طبعا علشان روحت الجيش روحتله الساعة 6 قالي العربية جاهزة و خلصت بس قاطعة بنزين قولتله ديه كان فيها بنزين بتاع النص قالي لأ قاطعة بنزين و هبعت الولد يجيبه بعد الفطار علي الساعة 8 هروحله الساعة 9 ان شاء الله و اشوفه عمل ايه !

طلع هو اسمه سعيد بس الملاحظة اللي موجودة لغاية دلوقتي انه معندهوش واحد يروح يجيب قطع الغيار الناقصة و بيخليك تروح انت و تتعامل
ربنا يكرم و اخلص من الميكانيكا بتاعتها بقي
صحيح هو قالي ان بيضات الطرف بتاعتها رايحة في 60 داهية و لازم لازم يتغيروا علشان متملصش منك و انت ماشي و بالذات علي سرعات :b4_048:

انا عاوز اعرف البنزين راح فييييييييين ؟؟