اسمع مبروووك :) اشتريت سيينا 2002

[nouranwar]

رجرجه الموتور ليها كذا سبب عشان كده بقولك ارجعله وهو يشوفها

وفلتر البنزين طبعا ممكن يخنق العربيه لانه عامل عائق للبنزين انه يوصل بس لو هو نوع مش كويس طبعا

روحتله امبارح قلتله علي رجرجة الموتور و الباور اللي راح قالي هشوفلك الموتور من ايه لما اشوف الباور و طبعا نسينا الموتور خالص لما اكتشف ان زيت الباور اختفي و العلبة فاضية و العيب من الاسكاترا
فكان معايا صاحبي قالي جهز فلوس و نروح لوسيلة بتاع عفشة في صلاح الدين و بيقولي ممتاز علشان عمل عنده عربيته الفيرنا قبل كده و هو هناك يفكهالنا و نروح لواحد يشوف اذا كان ممكن تتحشي ولا مينفعش و تتغير علطول !
هي تعمل كام الاسكاترا جديدة او مستعملة ؟
خسرت لتر زيت موبيل اللي راح و خسرت واحد تاني امبارح اللي هيروح هو كمان قالي هاتلك كام علبة زيت باور من ابو 10 جنيه علشان اول ما ينقص تزوده علشان متضيعش طرمبة الباور

[nouranwar]

بسم الله ماشاء الله ربنا يحرسك ويحميك
ايه اخبار الثبات وصوت الماتور عامل ايه على السرعة ده
بصراحه انا اخرى 140 على الصحراوى عشان الاسرة بتكون معايا وكمان بحس ان العربية اخرها كده مع انى دايس بنزين على الاخر والـ rpm بيكون على 5 ونص


بالنسبه لموضوع النقلات فعلا بيكون التيش وهو عبارة عن عصاية من الفتيس متصله ببليه وعصاية اخرى الى الماتور ولما تقفش على نقله بتكون البليه فرطت من مكنه بين العصايتين وحصلت معيا وانا على الدائرى
وكملت المشوار وانا على التالت لاقرب ميكانيكى.

الله يخليك يارب :)
صوت الموتور عالي الثبات يعني لكن في الملفات الجامدة بهدي شوية يعني باخده علي 140 و بتبقي عايمة شوية بسيطة
انا الار بي ام علي سرعة 100 180 بيكون علي 5 وشوية

[marwan2368]

ربنا يعينك في مشوار الباور
وطبعا لاننا بننصح بعض
وزي ما ميسو نصحني وانا اضحك عليا عشان قلبي الطيب اللي بيصدق الناس
الباور صارف معابا لحد النهارده 1850 جنيه ولسه ما اتصلحش رجاء
رجاء
لا تحشي علبة دركسيون
ولا تركب طقم اصلاح
ولا تصدق اي نصاب
علبة دركسيون السيينا مش بتتصلح
العلبة فيها سم قاتل
هتخرب بيتك
انا حرقت طرمبة الباور وغيرتها ب 400 جنية
وصرف على اصلاح العلبة 720 على مرتين بطقمين اصلاح
والنهاية صفر
العلبة في الوكالة من 500 إلى 650 استيراد ومعاك تجربة اسبوع رجاء انزل اشتري واحد
انا اشتريت من عزبة شلبي بس ولسه هاركب بكره
بس بصراحة في واحد في الوكالة اسمه مهران هو مصمم على 650 جنيه بس العلبة بتاعته شكلها رائع جدا عن اللي اشترتها ب500
عامة استني يومين لو ينفع وانا جرب اللي اشترتها لو كويسه انزل نفس المحل في عزبة شلبي وهاتها ب500 جنيه عند واحد اسمه محمد هتعرفه بسهوله لأن محله متغطي بقطع غيار سيينا

[nouranwar]

ربنا يعينك في مشوار الباور
وطبعا لاننا بننصح بعض
وزي ما ميسو نصحني وانا اضحك عليا عشان قلبي الطيب اللي بيصدق الناس
الباور صارف معابا لحد النهارده 1850 جنيه ولسه ما اتصلحش رجاء
رجاء
لا تحشي علبة دركسيون
ولا تركب طقم اصلاح
ولا تصدق اي نصاب
علبة دركسيون السيينا مش بتتصلح
العلبة فيها سم قاتل
هتخرب بيتك
انا حرقت طرمبة الباور وغيرتها ب 400 جنية
وصرف على اصلاح العلبة 720 على مرتين بطقمين اصلاح
والنهاية صفر
العلبة في الوكالة من 500 إلى 650 استيراد ومعاك تجربة اسبوع رجاء انزل اشتري واحد
انا اشتريت من عزبة شلبي بس ولسه هاركب بكره
بس بصراحة في واحد في الوكالة اسمه مهران هو مصمم على 650 جنيه بس العلبة بتاعته شكلها رائع جدا عن اللي اشترتها ب500
عامة استني يومين لو ينفع وانا جرب اللي اشترتها لو كويسه انزل نفس المحل في عزبة شلبي وهاتها ب500 جنيه عند واحد اسمه محمد هتعرفه بسهوله لأن محله متغطي بقطع غيار سيينا

شكرا جدا لحضرتك علي الافادة
و ربنا يعينك يا رب في مشكلتك و ان شاء الله تتحل و تستريح منها
و منهم لله النصابين هيروحوا من ربنا فين
بس المشكلة بتاعتي مش علبة الباور انا مشكلتي دلوقتي الاسكاترا

[misoalex]

هات فعلا زيت من ابو 10 جنيه مؤقتا

والاسكاترا ب 500 تقريبا

[marwan2368]

علبة الدركسيون هي الاسكاترا اخي الفاضل بس عشان علبة الدركسيون باور بيسموها اسكاترا

[nouranwar]

ماشي في طريقي امبارح رايح الزفت الجيش الساعة 6,30 قبل الفطار كنت عند لكيلو 76 و ماشي علي 170-180 علشان عايز انجز
مرة واحدة لاقيت دخان كتير قوي داخل عليا من فتحات التكييف اللي في التابلوه بصيت علي الحرارة بسرعة لقيتها طبيعية قلت هقف علطول اشوف ايه اللي بيحصل اجي ادوس فرامل مفيش فرامل نهائي فضلت سايب العربية لغاية ما تهدي شوية لغاية الاخر كده رحت موقفها بالهاند انزل افتح الكبوت الاقي نار طالعة من ورا الموتور اعمل ايه اعمل ايه طلعت جري علي الشنطة اجيب الطفاية اللي مش متأكد موجودة ولا لأ علشان عمري ما اهتميت بالحاجات ديه الحمدلله لقيت الطفاية نزعت فتيل الامان و اجي ارش مفيش طيب ارجها و ارش مفيش طيب اقلبها و ارش مفيش بقيت اوقف العربيات و معايا الطفاية و شايفين العربية مولعة نار و دخان كتير طالع منها مفيش حد راضي يقف بقيت اقف قدام العربيات علشان تقف برضه مفيش كله بيعدي لقيت واحد ابن حلال وقفلي بعربيته بس للاسف معهوش طفاية بس فضل واقف معايا لغاية الاخر فجأة لقينا واحد جايب جركن كبيير جاي يجري علي العربية راح جاي مطفيها كلها بالمياه بعد كده فيه عربية نقل جاب الطفاية بتاعته بس كان خلاص مستخدمنهاش شوية لقينا شوية نار و دخان طالعين فبيدورا علي مية افتكرت اخيرا ان فيه جنبي علي الكرسي اللي قدام 2 كرتونة مياه ففتحوا واحدة و استخدموها و واحد مسك الطفاية بتاعتي و شغلها و رش بودرة علي البلاستيك اللي في العربية من ورا الموتور
اتصت بأخويا جه قطرني بعربيته اللادا و علشان اول مرة اسوق العربية و حد هو اللي بيسحبني قطعت الحبل 3 مرات و خبطت فيه كتير قوي علي سرعة 80
وديت العربية للكهربائي الساعة 1,30 بالليل و مشيت هروحله بعد الفطار ان شاء الله
الحمدلله علي كل شئ

[nouranwar]

علبة الدركسيون هي الاسكاترا اخي الفاضل بس عشان علبة الدركسيون باور بيسموها اسكاترا

مشكور استاذ مروان علي التوضيح

[nouranwar]

لما كلمتك يا ميسو علشان اقولك علي ان العربية بتبطل و كده رحت للميكانيكي غيرلي موتور طرمبة البنزين اشتريته ب 110 من عند شكوكو بعد 120 بس علشان معرفة :( و الميكانيكي شمطني في 80 جنيه :) بس اللي خلاني ادفعهمله ان عوامة البنزين اتعدلت (مؤشر البنزين)

[Gelgel2004]

ايه الحكايه يا عم نور
اوعى يكون عليك نذر و الا حاجه
الف سلامه و بركه امك بخير .
نعمل ايه معاك ؟؟؟اى خدمه - حاضرين
تحياتى

[nouranwar]

ايه الحكايه يا عم نور
اوعى يكون عليك نذر و الا حاجه
الف سلامه و بركه امك بخير .
نعمل ايه معاك ؟؟؟اى خدمه - حاضرين
تحياتى

مش عارف والله يا استاذ محمد هي الفلوس حرام ولا ايه
معلييش نذر ولا حاجة :)
الله يسلمك يارب الحمدلله علي كل شئ
كفاية ذوق حضرتك والله يا استاذ محمد و شاكر جدا لحضرتك

[marwan2368]

حمد لله على سلامتك ويارب تكون بسيطة

[nouranwar]

حمد لله على سلامتك ويارب تكون بسيطة

الله يسلم حضرتك يا استاذ مروان
اتمني يارب
شكرا لحضرتك

[nouranwar]

امبارح رحت اخذت العربية من الكهربائي
قالي الدينامو اتحرق و غير فيه حاجات و اتكلفت 180 و غيرلي حاجات في الضفيرة اللي ورا و اخذ مصنعية 120 جنيه
و قالي تروح جري علي بتاع جكمانات علشان الجكمان بينفس ولا بيسرب لجوه و لو مشيت بيها تاني هتولع تاني
و قالي روح شوف الزيوت علشان العربية بتوقع زيت كتير
المهم طلعت من عنده روحت لبتاع جكمانات في الحرفيين المدينة الثانية عند اولاد جاد قالي السوستة هتتغير و فيها كذا حاجة كمان و التكلفة 140 جنيه و 10 جنيه للي شغال عنده بس قالي خلي بالك ال4 جوايت بتوع الفرن بيفكوا و بيسربوا و لو مشيت عليها العربية هتولع منك ولازم يتغيروا قلتله ما العربية ولعت خلاص و مكنش مصدق طبعا غير لما شاف بنفسه
المهم و انا مروح بيها اتمشيت شوية لقيت لمبة الانجكشن نورت كل شوية تنور و تطفي لغاية ما بقت منورة علطول روحت ركنت العربية و هطلع بكرة علي الميكانيكي ان شاء الله
بس و انا ماشي بالعربية عمالة تقطع كل شوية تحس ان البنزين مش واصل كويس الانجكشن فيها حاجة غلط

[misoalex]

ايه ياعم كل اللى بيحصلك ده ؟؟؟؟؟؟

لاحول ولا قوه الا بالله

الحمد لله انك طفيت النار قبل ما يحصل مشكله الحمد لله

وبعدين 180 ايه ياعم اهدى شويه الله يكرمك انت مش راكب باسات ولا مينى كوبر

الحمد لله انها جت على اد كده

وموضوع التقطيع زى مقولتلك يا طرمبه يا فلتر وطلع الطرمبه بس 80 جنيه كتير الا لو فعلا صلحلك العوامه وبقت تمام
ولمبه الانجكشن ان شاء الله حتلاقيها حاجه بسيطه ان شاء الله