اسمع مبروووك :) اشتريت سيينا 2002

[nouranwar]

لا متخافش مروحتش لوحدى دا كان معايا اكتر من 40 واحد من نايل موتورز :)))

وهو باعتلك نصيبك من الهديه اللى جابها لاعضاء نايل موتورز

شكلك كده روحت المقابلة ياميسو

متقول بقي جايبلي ايه ؟ ولا اقولك بلاش طيب جاب ايه لباقي الاعضاء مش لازم اعرف جابلي ايه :)

[misoalex]

ههههههههههههههههه اه روحت
والهديه اجنده ونتيجه مكتب من موبينيل شكلها تحفه
شوف يوم تكون سهران فيه وكلمنى

[nouranwar]

ههههههههههههههههه اه روحت
والهديه اجنده ونتيجه مكتب من موبينيل شكلها تحفه
شوف يوم تكون سهران فيه وكلمنى

اوك يا كبير و شكرا مقدما يا استاذ محمد علي الهدية

[nouranwar]

امبارح و انا رايح الجيش للعلمين ماشي بالعربية اخرها 100 شوية اول ما وصلت للساحلي بقي اخرها 80-60- ثم 40 ماشي علي الساحلي 40 علشان ده اخر العربية و فضلت ماشي بيها و فجأة لقيتها جابت ال 100 و بعد كده 60 و بعد كده 40 و 130 علطول جننتني مع اني امبارح لما لقيتها مبتسحبش حطيتلها منظف الانجكشن
المهم روحت النهاردة للميكانيكي اللي غيرت عنده طقم الدبرياج نضفلي البوابة و اكتشفت ان العربية بتطلع عادم اسود هباااااااااااااااااب :( اسود اسود يعني فنظف البوابة و فلتر البنزين و اخذ 60 جنيه و قالي المكنة خفيفة و عايزة تتعمر و الاحسن انك تبيعها و تخلص منها علشان لما هتيجي تفتح المكنة متعرفش ايه اللي هتبقي محتجاه و ممكن تصرف معاك فبيع و اخلص قولتله قشطة طيب و الدخان الاسود ده ايه ظرفه قالي غير البوجيهات هي اللي عاملة معاك كده و متنساش ان المكنة خفيفة فبيع و اخلص ده احسن ليك فبصراحة الفكرة بدأت تراودني و بفكر فيها

[nouranwar]

محدش عايز عربية سيينا 2002 بحالة رائعة فوقالممتازة للبيع مفيهاش ولا مشكلة و المكنة مش محتاجة تتعمر او تتغير و العفشة كلها سليمة و متسمعش منها اي صوت و الزوايا مضبوطة و فبريكة من برة و جوة و العدادات مش بتقف و الفيوزات مش بتضرب كل شوية و زيت الباور بتحطه و تنساه مش بتغيرهكل كام يوم علشان الاسكاترا بايظة و لما بتجري بيها مبتولعش علشان مش محتاجة فرن و الحرارة مش بتعلي لما بتشغل التكييف و السنتر شغال تمام و مش بتنتش و انت ماشي و مؤشر البنزين مضبوط و ياسلام علي استهلاك البنزين قمة في التوفير يعني استحالة يجي عليك يوم و تفول ب 60 جنيه و اليوم اللي وراه علطول تفول ب 50 جنيه و اليوم اللي وراه علطول تفول ب 60 جنيه عمرها ما هتحصل معاك ابدا و مقولكش عدادها 7 الف كيلو و شوية بس مش معني كده ان عدادها مبيجبش الواحد لأ ده معناه انها عربية كسر زيرو مطلوب 40 الف بس
العربية جننتني خلاص و قريب قوي هتشلني

[misry]

معلش يا نور السيينا دي نحس اصلا ... أنا في أقل من شهر ونص صارف عليها اكتر من 2000 جنيه ولسة كمان 2000 زيهم



أنا هبيعها ان شاء الله في اول فرصة ...

[misoalex]

شفت الموضوع ده يا نور

http://www.nilemotors.net/Nile/312597-a.html

[nouranwar]

لا يا ميسو انا بجد بفكر ابيع
بس فيه حاجة شغلاني جدا انا لما باجي ابيع بقول للي بيشتري علي كل العيوب اللي فيها و كمان الحاجات اللي ببقي شاكك فيها فهل اللي هبيعله ده و اقوله علي لستة العيوب اللي فيها هيدفع فيها فلوس ولا انا اللي هدفعله فلوس سؤال محيرني بجد !!!

[nouranwar]

معلش يا نور السيينا دي نحس اصلا ... أنا في أقل من شهر ونص صارف عليها اكتر من 2000 جنيه ولسة كمان 2000 زيهم



أنا هبيعها ان شاء الله في اول فرصة ...

تعالي نعمل اعلان عن بيع عربيتين سيينا و فيه تخفيض لو اشتري الاثنين مع بعض

[nouranwar]

يا رجالة لو عايز ابيع فعلا العربية بالوصف اللي قولته ده تجيب كام ؟! علشان انتم اكتر ناس عارفين تاريخ اعطالها و حالتها ؟

[misry]

انا زيك بالضبط ... مش عارف لما آجي ابيع اقول للراجل ايه وللا ايه

بس اللي انا اكيد منه اني هخسر فيها جامد ...

أنا للأسف هصرف عليها واللي يحصل يحصل بقى ...

[misoalex]

تعالي نعمل اعلان عن بيع عربيتين سيينا و فيه تخفيض لو اشتري الاثنين مع بعض

للاسف انا كمان نفسى ابيع بس لو بعت حركب ايه ؟؟؟؟؟؟
وممكن جدا الفلوس تتصرف ومركبش 128 فى الاخر وابقى ركبت على السلم قصدى رقصت على السلم ههههههههه

[nouranwar]

ههههههههههههههههههه
ربنا معانا يا رجالة :)
هبدأ اشيل منها حاجتي و اظبطها عالخفيف كده و ابيع ان شاء الله بعد العيد

[misry]

لو بعتها هتجيب ايه ...؟

[misoalex]

لو بعتها هتجيب ايه ...؟

مهو هو ده السؤال

لسأ مكلم واحد صاحبى بيقوللى بايع لانوس 1 ب 40 الف وفيها شغل بسيط طب اللى مفهاش شغل حتبقى بكام ؟؟؟
مهو عشان الواحد يبيع عاوز فرق فلوس بتاع 10 الاف عشان يركب لانوس او نوبيرا بحاله متوسطه

ده الاوبترا اللى فاشله وكلها مشاكل ب 60 الف استعمال
تخيل انت تبيع السيينا وتدفع 30 الف فرق وتجيب عربيه يطلع فيها مشاكل وحاجتها اغلى من السيينا ههههههههههههه