يا جماعه الفيات سيينا ولا بونتو

[taher22]

يا جماعه الفيات سيينا 2001 او 2000(1400cc) ولا بونتو 94 او 95
ياريت اعرف مميزات كل عربيه وعيوبها من حيث قطع الغيار متواجده ولا لا واسعارها مين فيهم اغلى
وكمان صيانتها عند الميكانيكه كلهم بيفهمو فيهم ولا قليل
كمان انهى فيهم موفره اكتر للبنزين
واخيرا سعر العربيتان فى السوق الان لو نضيفه ومفهاش مصاريف
انا محتار جدا بينهم ياريت لو تفيدونى فى الموضوع ده

[esam_comm]

البونتو تقفيل ايطالي ولا تجمع خارج ايطاليا اما السينا تجمع في البرازيل والصين علي ما اعتقد الاتنين يوجد بهم كميه لا باس بها من الحساسات السينا مشاكلها اكتر السينا اوسع واعلي البونتو موفره جداااا في البنزين وفكر في بونتو موديلات مابعد 2000 شكلها اشيك واجمل من موديلات التسعينات

[bHa2]

لو بونتو يبقي خليك فوق موديل 2000
لاني اسمع ان قبل 2000 فيها مشاكل او قطع غيارها نادره مش عارف بالظبط
والاتجاه العام للاسعار حضرتك ممكن تستنتجه من علي كونتكت
انا عن نفسي اميل للبونتو "مش بحب شكل السينا"

[strikebaby]

انا ممكن اتكلم بس عن السيينا علشان
انا معايا سيينا موديل 2000 1400 وهى تقفيل مصرى
وفى من الموديلات اللى بعد كدة برازيلى لاكن ماسمعتش عن الصينى ديه خالص (ممكن يكون فيه مافيش حاجه غير لما الصين بتعملها)

العربيه واسعه وناعمه وقطع غيارها متوفرة فى منها برازيلى وايطالى و سعرها معقول
وتكييف العربيه ممتاز

وموديلات 2000 و 2001 لو حالتها نضيفه بيتراوح سعرها من 32 الى 35 على حسب الحاله
بالتوفيق

[S O P H O S]

كراي شخصي اميل للبونتو بس موديل فوق 2003
وربنا يوفقك للاحسن فيهم ..

[nouranwar]

انا لسه شاري سيينا عربية ناعمة و جميلة
ربنا يوفقك في اختيار الافضل ان شاء الله

[taher22]

اشكركم جميعا
بس انا معيا 30 الف بس يبقى كده مش هقدر اجيب البونتو الى فوق 2000
معنى كده اخلينى فى السيينا ؟؟؟؟؟

[misoalex]

اشكركم جميعا
بس انا معيا 30 الف بس يبقى كده مش هقدر اجيب البونتو الى فوق 2000
معنى كده اخلينى فى السيينا ؟؟؟؟؟

بالظبط كده عشان تجيب بونتو موديل فوق 2000 حتدفع اقل حاجه 35 الف

فى حين ان السينا اكبر واوسع وكلها بتنزل بتكيف وازاز كهربا مش زى البونتو 90% من موديلات 95 مفيهاش تكيف

ولو حنتكلم على قطع الغيار فالاسعار تقريبا واحد والسيينا ال 1400 اى حد بيفهم فى العربيات الجديده حيشتغل فيها بكل سهوله

بس على فكره 30 الف حتتعب عقبال ما تلاقى سيينا نضيفه بمعنى نضيفه بالمبلغ ده لان اللى معاه واحده نضيفه اقل حاجه بيطلب 32 نهائى الا لو مستعجل فى البيع

[taher22]

بالظبط كده عشان تجيب بونتو موديل فوق 2000 حتدفع اقل حاجه 35 الف

فى حين ان السينا اكبر واوسع وكلها بتنزل بتكيف وازاز كهربا مش زى البونتو 90% من موديلات 95 مفيهاش تكيف

ولو حنتكلم على قطع الغيار فالاسعار تقريبا واحد والسيينا ال 1400 اى حد بيفهم فى العربيات الجديده حيشتغل فيها بكل سهوله

بس على فكره 30 الف حتتعب عقبال ما تلاقى سيينا نضيفه بمعنى نضيفه بالمبلغ ده لان اللى معاه واحده نضيفه اقل حاجه بيطلب 32 نهائى الا لو مستعجل فى البيع

اشكرك على انصيحه
واشكر على الى ردو وساعدونى

[misoalex]

اشكرك على انصيحه
واشكر على الى ردو وساعدونى

العفو ربنا يرزقك بحاجه نضيفه تريحك

دور على موقع كونتاكت كارز حتلاقى حجات معقوله وابقى فاصل مع صاحبها على قد ما تقدر لان فيه ناس لسه عايشه فى ايام زمان وبتطلب 40 الف و 39 ال فى السيينا ودول يجيبو لانوس حاله جيده جدا

ولو حتجيب سيينا خليك فى السيينا بلاس عشان فيه فرق فى الاكسسوارات والعزل وبعض الحجات اللى ممكن تبان انها صغيره بس هى مهمه

[nouranwar]

ولو حتجيب سيينا خليك فى السيينا بلاس عشان فيه فرق فى الاكسسوارات والعزل وبعض الحجات اللى ممكن تبان انها صغيره بس هى مهمه

بعد اذنك طبعا ايه الفرق بين العادية و البلاس ؟

[DONYO]

انا رايي خليك في السيينا افضل

[taher22]

تمام كده اشكرك

[misoalex]

بعد اذنك طبعا ايه الفرق بين العادية و البلاس ؟

فرش الابواب من جوه فى العاديه بيبقى عامل زى ال 128 مش فيبر فى الباب كله زى اللانوس والعربيات الجديده والعزل بتاع الكبوت بتاع الموتور وكام حاجه تانيه مش فاكرهم الصراحه

وتقريبا كمان الابانوس اللى فى التابلوه

[taher22]

طيب يا جماعه مشكله السخونيه الى فى كل السيينا دى مشكله فى كل كل السيينا ولا دى بتبقى حالات فرديه