نظام ايقاف الموتور في الزحام للعربيه الايفو

[htarraf]

يا جماعه، انا استلمت الايفو والعربيه ماشاء الله تبارك الله حلوه، بس عندي مشكله في موضوع نظام ايقاف الموتور لما العربيه بتوقف في الزحمه، كل شويه اقف وامشي شويه العربيه تبطل وتشتغل تاني لما ادوس بنزين، في حد يعرف ازاي اباطل النظام ده واخلي العربيه علي الاوتوا ١ علي طول وانا واقف؟؟؟؟؟؟؟

ودواسه البنزين فيها فراغ شويه في الاول، يعني مش اول ملمس البنزين تتحرك، لازم ادوس شويه اكتر عشان تتحرك، ده عادي ولا اه؟

انا الحاجتين دول تعبني وبفكر لو مافيش حل ابيعها واشتري حاجه تانيه؟؟؟


شكراً

[nouranwar]

الف مليون مبروك :)
تبيع ايه يا راجل ده انت لسه بتقول انا لسه شاري :)

[htarraf]

اعمل اه بس الموضوع ده مش لطيف خالص:(((((

[nouranwar]

اعمل اه بس الموضوع ده مش لطيف خالص:(((((

انا فاكر كنت قريت عن موضوع الموتور ده في تقرير هنا عن الايفو و علي ما اتذكر ديه خاصية تقدر تتحكم فيها
لما يدخل مالكينها هيقدروا يفيدوك اكتر مني

[medoghaly]

حرام عربية جديدة تبيعها الف مبروك يا باشا

[ecko120]

يا باشا عندك فى التابلوه فوق التسجيل فى زرار اسمه start and stop عليه علامه الدريكسيون دوس عليه مره لو منور هيطفى وهيكتبلك فى شاشه العداد start and stop disconnected وبكده العربيه الماتور مش هيفصل معاك لما تقف فى الزحمه .. بقى تبيع التحفه دى يا راااااااااااجل
ربنا يحرسهالك ويكفيك شر طريقها

[mohamed5800]

فية ذرار فى التابلوة علية رسمة المفتاح هوة دة اللى هيطفى الخاصية دية

[kik]

الزرار اللي علية حرف s في التابلوه دوس علية لغاية متلاقي لمة صفراء فية نورت علشان يفصلك الخاصية دي ودة كل ما تدور العربية لأن الخاصية دي بتشتغل تلقائي مع السيارة لازم تقفلها اما الزرار اللي علية علامة دريكسيون دة خاصية اسمها city علشان تزود باور الدركسيون و مبروك علي السيارة اما موضوع دواسة البنزين ممكن تشوفها في التوكيل :-)

[karimalaa]

زرار S في التابلوه جنب زرار الديركسيون بتاع السيتي باور ده اللي بيعمل activate/deactivate للstart/stop system
زرار القفل ده بتاع الcentral locking
الفراغ اللي في الأول ده في كل الايفو ده عادي جداً العربيات مظبوطة على كده عشان دي دواسة بنزين كهربة و sensor مش كابل فا الmanufacturer calibration هي اللي كده...أنا ركبت 3 عربيات ايفو مختلفة مانيوال و dualogic و ال 3 لازم ندوي دوسة تقيلة شوية
مبدئياً يعني حوار الدواسة ده لو في أي عربية بتجمّع بدري يبقى حاتلاقي من نص الدواسة للأخر مافيش تجميع لان مساوار الدواسة لما يوصل للنص بتبقى البوابات جابت آخرها "طبعاً ده غير لما تلزق الدواسة للأرض"
و لمّا تجمع بعد دوسة جامدة شوية يبقى المسافة اللي فاضية في الأخر جت في الأول....بالنسبالي دي احسن الصراحة مع ان عربيتي مش كده :)