128 ولا 132 احسن واكتر استحمالا ؟؟؟

[aallmix]

ال128 احسن
ولا الفيات 132

في الموتور والعفشة والإستحمال والسخونة

وفي إمكانية تركيب التعديلات والتكييف انهي اسهل فيهم

ايه رأيكوا ؟؟؟؟؟؟؟؟؟؟

[truss]

فى العربيات القديمة اللى هيحكمك و انت بتشترى هو حالة العربية , يعنى لو قدامك 128 حالتها كويسة و 132 حالتها مش حلوة هتختار ال 128.
لكن بفرض الاتنين حالتهم جيدة ال 132 شايف انها احسن لانها واسعة و موتورها اكيد اقوى من 128 و عفشتها تستحمل اكتر وان كانت ممكن تكون ضريبتها عالية فى المرور خصوصاً لو كانت 1800 او 2000 cc .
و بالنسبة لامكانية تركيب التكييف ال 132 انا ما كانش فيها تكييف فهتكون مجهزة لتركيب تكييف و طبعاً موتورها هيستحمل التكييف اكتر من ال 128 بشرط حالة الموتور الجيدة.
و ربنا يوفقك للأصلح.

[alaamousa]

الاتنين مافيش فروق جوهرية بينهم اوي غير السي سي بس والشاسيه

[Elawany13]

لو الاتنين بنفس الحالة
اكيد 132 أحسن

[aallmix]

كتعديل واضافات
يعني فيه تابلوهات تركب على ال132 ؟
فيه حد ركب تكييف فيها وحصله مشاكل ؟
بالنسبة لقطع غيارها لسه الاقيلها جديد ولا كله هيبقى استيراد الخارج ؟

من الأخر عربية 132 يتصرف عليها كام عشان تبقى عربية اسافر بيها مصر كلها ومتتعبش ؟

[mik_e30]

بص هو انت كدا كانك بتقارن بالظبط البي ام بالسبيرانزا
يعني 32 اوسع بغباء اقوي صاج حديد موتور جبار تكييف في منها بباور ممكن تركب جنوط وتسقط وتروشن العربية وفرش وبتاع هتبق وحش معاك وياما في صور ل 32 متعدلة وجامدة جدا كفاية ان معاك عربية كانت بتنافس مرسيدس 200 في يوم من الايام ودفع خلفي
انا مش عارف ازاي في ناس بتقول مفيش فروق جوهرية
بالنسبة للتعديلات اكتب انت عايز اية بالظبط وهنقولك تتكلف كام
بالنسبة ل28 هي مش عائلية طبعا
جر امامي كبالن وما ادراك ما كبالن 128
صاج اضعف خصوصا الحوض
موتور ضعيف جدا ولو عدلت الحوض هيتهربد
مهما عدلت ادائها مبيبقاش شهو وهتفضل تصرف تلحيم وتقويات
من الاخر 32 دا لو عايز تنجز وتلف مصر من اسكندرية لبحيرة ناصر اللة يرحمة

[mik_e30]

بخصوص ال32 يتصرف عليها كام مش لما تجيبها الاول وتشوف فيها اية مايمكن تجيبها مش محتاجة حاجة