مش بتدور من اول مره

[aldesha989]

السلام عليكم ورحمة الله وبركاتة

ازيكم يا شباب وكل سنه وانتم طيبين

كنت عايز اسئلكم على حاجه كده وان شاء الله الاقى الاجابه عندكم

اعرف منين لو العربيه مش بتدور الصبح من اول مره
اصل ان شاء الله لو ربنا اراد هشترى عربيه
بس مش عارف اعرف ازاى انهى بتدور الصبح من اول مره ولا لا
لان لو صاحب العربيه جالى بيها اكيد هتبقى العربيه سخنه وخايف المكيانيكى اللى معايا يطلع عورمه

فكنت عايز اعرف لو العربيه سخنه مش هقدر اعرف ؟
او فى طريقه غير انى استنى تانى يوم واكون لبستها

وهل لسه برضه ال سيينا ال 1600 اوحش من ال 1400 ؟

[amrelsaqqa]

لو العربية الجديدة انجكشن ، ما تقلقش من الموضوع ده
لو كربراتير ، انت وشطارتك بقى في الحكم على الكربراتير

[aldesha989]

لو العربية الجديدة انجكشن ، ما تقلقش من الموضوع ده
لو كربراتير ، انت وشطارتك بقى في الحكم على الكربراتير

هى السيينا اه انجيكشن بس شوفت ناس بتشتكى من الموضوع ده
وياريت لو تعرف الافضل فعليآ ال 1600 سى سى ولا ال 1400
لانى شوفت ناس كتير بتشتكى من 1600

[drmagieed]

متابع

[misoalex]

ههههههههههههههههههه شكلك اتعقدت من السيات

بص من الاخر العربيات الجديده كلها ماشيه بحساسات وحجات كهربا فعشان تكشف عليها صح وتعرف حاله الحساسات تروح تكشف عليها كمبيوتر
وهو حيقولك العربيه فيها عيوب ولالا
طبعا ده بخلاف الكشف النظرى والتجربه اللى المفروض السمكرى او المكانيكى اللى معاك بيعممله يعنى يجرب العربيه ويشوف صوت الموتور وشكل الحوض من جوه مش متهان ومتبهدل وكده

ال 1600 عيبها ان موتورها كبير على الحوض فبيبقى المكان اللى بيشتغل فيه الصنايعى ضيق فعشان كده الصنايعيه مش بيحبوها

[aldesha989]

ههههههههههههههههههه شكلك اتعقدت من السيات

بص من الاخر العربيات الجديده كلها ماشيه بحساسات وحجات كهربا فعشان تكشف عليها صح وتعرف حاله الحساسات تروح تكشف عليها كمبيوتر
وهو حيقولك العربيه فيها عيوب ولالا
طبعا ده بخلاف الكشف النظرى والتجربه اللى المفروض السمكرى او المكانيكى اللى معاك بيعممله يعنى يجرب العربيه ويشوف صوت الموتور وشكل الحوض من جوه مش متهان ومتبهدل وكده

ال 1600 عيبها ان موتورها كبير على الحوض فبيبقى المكان اللى بيشتغل فيه الصنايعى ضيق فعشان كده الصنايعيه مش بيحبوها

اتعقدت دى شويه
تسلملى ياريس خميس :) لقت اسمك
وربنا يكرمك فى نور وتشوفه دكتور

يعنى انتا رائيك لو وقعت فى ايدى حاجه 1600 تبقى احسن من ال 1400 بعيدآ عن السمكريه اللى عاملين مكيانيكيه

[misoalex]

اتعقدت دى شويه
تسلملى ياريس خميس :) لقت اسمك
وربنا يكرمك فى نور وتشوفه دكتور

يعنى انتا رائيك لو وقعت فى ايدى حاجه 1600 تبقى احسن من ال 1400 بعيدآ عن السمكريه اللى عاملين مكيانيكيه :copy of m-s5:

هههههههههه الله يخليك

بص المهم الحاله تكون كويسه 1400 او 1600
لو لقيت 1400 بحاله كويسه جدا يبقى حظك حلو لان اغلب ال 1400 متبهدلين واللى راكبينهم مش بيصرفو عليها الا قليل وعشان كده ممكن تلاقى منها ب 27 و 28 وطبعا ده سبب فى نزول سعر العربيه فى السوق

انت تاخد معاك سمكرى يبص على العربيه وقالك تمام واتكل على الله يبقى تاخد العربيه وصاحبها على حد يكشفلك عليها كمبيوتر اللى اعرفه بيكشف عليها احمد لانشيا اللى فى نادى الصيد ده عنده جهاز كشف الاعطال بتاعها
وفيه واحد تانى فى مدينه اسيد بس مش فاكر اسمه بصراحه
لو قالولك العربيه تمام يبقى اتكل على الله قالولك فيها مشكله فى حساس او حاجه معينه يبقى تشوف تمن الحاجه دى كام وتخصمها من تمن العربيه
او لو المشكله اللى فيها كبيره لاقدر الله يبقى ابعد عنها
كشف الكمبيوتر من 50 الى 80 جنيه تقريبا والسمكرى بقى انت وشطارتك ممكن ياخد 20 جنيه وممكن يقولك 50 او 100 عشان فيه ناس فاكره نفسيها دكاتره وحيقولك اه ده واحد معاه كام الف مش حيفرق معاه 100 جنيه

[aldesha989]

هههههههههه الله يخليك

بص المهم الحاله تكون كويسه 1400 او 1600
لو لقيت 1400 بحاله كويسه جدا يبقى حظك حلو لان اغلب ال 1400 متبهدلين واللى راكبينهم مش بيصرفو عليها الا قليل وعشان كده ممكن تلاقى منها ب 27 و 28 وطبعا ده سبب فى نزول سعر العربيه فى السوق

انت تاخد معاك سمكرى يبص على العربيه وقالك تمام واتكل على الله يبقى تاخد العربيه وصاحبها على حد يكشفلك عليها كمبيوتر اللى اعرفه بيكشف عليها احمد لانشيا اللى فى نادى الصيد ده عنده جهاز كشف الاعطال بتاعها
وفيه واحد تانى فى مدينه اسيد بس مش فاكر اسمه بصراحه
لو قالولك العربيه تمام يبقى اتكل على الله قالولك فيها مشكله فى حساس او حاجه معينه يبقى تشوف تمن الحاجه دى كام وتخصمها من تمن العربيه
او لو المشكله اللى فيها كبيره لاقدر الله يبقى ابعد عنها
كشف الكمبيوتر من 50 الى 80 جنيه تقريبا والسمكرى بقى انت وشطارتك ممكن ياخد 20 جنيه وممكن يقولك 50 او 100 عشان فيه ناس فاكره نفسيها دكاتره وحيقولك اه ده واحد معاه كام الف مش حيفرق معاه 100 جنيه

ايوه والله صح هما كده الصنايعيه بيعملو كده على طول
يااما اتقرصت منهم والله وماحدش يعرف اللى فيها اصلآ
ولا هو حاسس بانتا جبت الكام الف دول ازاى اصلآ
نادى الصيد ده اللى فى القلعه .ولا فى حته تانيه ؟
لو على مدينه اسد سهله اعرف واحد ساكن هناك ممكن يسئلى عليه
يعنى الميكانيكى مش هيفهم احسن صح يعنى يتكشف عليها كمبيوتر اعطال احسن صح ؟
بس لو 27 او 28 تبقى فل اوى
بس لو انتا شايف ان ال 1600 احسن وعلى الاقل المتور بتاعه احسن وكمان اتوقع هيكون احسن فى السحب والتكيف والسفر لو كده ادور عليها لو مش حلوه ادور احسن على 1400 لحد ما الاقيها لانى شوفت كذى واحده فى كونتكت كار على 32 و33 وقابله للتفاوض يعنى ممكن تنزل اكيد
وكمان لو شوفت حالتها وطلع فيها حاجه عايزه تتغير وقتى يبقى اكيد هنزله فى سعرها وبصراحه المره دى ماعنديش استعداد استعجل خالص لانى المره اللى فاتت استعجلت فى كل حاجه ولبست فى احلى حيطه المره دى هرفض وبقلب لو فيها حاجه مش تمام
واكتر حاجه مقلقانى بصراحه الفتيس ما يكنش سليم الدواره البطاريه الدينمو العفشه العدادت الصاج
لكن لو جت على حاجه سهله تتغير مش مشكلة لكن حاجه تقيله بصراحه ما عنديش استعداد اخد وكل يوم والتانى عند المكيانيكى زى المره اللى فاتت
وكمان عايز حاجه تساعدنى لو عايز اسافر مش ابقى طالع بيها من بحرى لسبورتينج وانا خايف تقف

وربنا يكرمك يا ابو نور وانا تاعبك معايا معلش

[misoalex]

لا نادى الصيد اللى ورا داون تاون الشارع اللى اوله مصرف صغير ده قبل مدرسه الصنايع ال 5 سنين هو معروف
ومشاريع نادى الصيد بتدخل الشارع ده عشان الموقف بتاعها جوه حتلاقيه قبل الموقف بتاع المشاريع ب 50 متر

ال 1600 طبعا افضل فى السفر وكده بس المهم تختار حاله كويسه وتجرب العربيه والعدادات والكلام ده او تخلى السمكرى يبصلك على العفشه وكده ويركبها ويسوقها وهو اكيد حيعرف العفشه فيها شغل ولالا لو سمكرى شاااااطر

واى خدمه يا باشا

[aldesha989]

ربنا يكرمك تعبينك معانا ياريس