الدينامو اتحرق (كده اتأكدت ان فيه حد حاططنى تحت المنظار )

[misoalex]

بعد سلسله الحجات الغريبه اللى حصلت ولسه بتحصلى اخرها الازاز اللى اتفش والعربيه واقفه وحساس البوابه اللى بقى عمال يعلق

الدينامو اتحرق ومش مطلع شحن خالص

العربيه من يوم ما الازاز اتكسر وانا مغيرتوش وراكنها ومليش نفس اركبها انهارده دورت وسيبتها تسخن وجيت اطلع لقيت لمبه البطاريه بتنور وتطفى وبعد كده نورت
نزلت بصيت على كوابل البطاريه وهزتها لقيت نفس المشكله المهم بدل ما اروح مشوارى طلعت على الكهربائى
قاللى السير سليم الدينامو هو اللى بايظ روح لمكانيكى يحلهولى عشان دده فى مكان ضيق ومحتاج مكانيكى ياعم طب امشى ازاى لحد المكانيكى ده العربيه حتفصل منى راح بعتنى لمكانيكى جنبه قاللى لا مش بشتغل فى ال 1600
المهم رحت لواحد تانى قاللى لا ده كهربائى اللى يحله ونا مليش دعوه والدينمو فعلا فى مكان رزل
بعتنى لكهربائى لقيته قافل وحيفتح بعد ساعه !
رجعت البيت افتكرت الكهربائى بتاعى القديم روحتله قاللى ده الدينامو فاصل خالص ومش بشتغل فى العربيات الحديثه دى (عشان كده مرحتلوش من الاول )
رجعت البيت تانى طبعا بعد ساعتين لف والعربيه متصلحتش واهى مركونه والازاز مكسور والدينامو بايظ وحساس البوابه بايظ

والجديد كمان وانا ماشى لقيت صوت طقه فى المطبات جاى من ورا

وكده ضربت الرقم القياسى 4 اعطال فى اسبوع واحد

اقسم بالله بفكر انزل اعلان وابيعها

عشان كده شكل حد حاططنى فى دماغه ومركز معايا اوى والموضوع ده حصل مع واحد جارى فى عربيته الفيرنا لحد ما اتقلبت بيه وصلحها وعمل بيها حادثتين ورا بعض وباعها خرده بعد اخر حادثه
فالموضوع شكله كبير

[Medo.Malek]

مش عارف اقولك اية والله
ربنا يكفيك شر العين و الحسد
و يهديك للصح

[eng_ghazaly]

انا متهيألي ان مشكلة الكهربا (الدينامو) بـتأثر على البوابة ,,, اعتقد لو صلحت الدينامو البوابة هتبقى كويسة

[nouranwar]

تبيع ايه يا ميسو حرام عليك
اصبر عليها و صلحها واحدة واحدة و هتبقي تمام التمام ان شاء الله

[ehab_mansour]

الله المستعان

ربنا معاك أخي الفاضل و قدر الله و ما شاء فعل
معلش ربنا بيختبرك ليعلم مدي صبرك و رضاك و اتمني من الله ان تكون عند حسن ظن ربك بك

[bobbozo4b]

الله المستعان

ربنا معاك أخي الفاضل و قدر الله و ما شاء فعل
معلش ربنا بيختبرك ليعلم مدي صبرك و رضاك و اتمني من الله ان تكون عند حسن ظن ربك بك

+++++++++++++1
والله كلام ده فعلا انها اختبارات من ربنا سبحانه وتعالى
واتاكد ان شاء الله ربنا بيفاديك انت واسرتك بشوية حديد وفلوس

والله انا كمان بعد حادثة الصحراوى ليا انا والاسرة بشكر ربنا واحمده على سلامتنا كلنا
وقول تيجى فى الحديد والفلوس وتفادى الانسان احسن بكتير

[misoalex]

مش عارف اقولك اية والله
ربنا يكفيك شر العين و الحسد
و يهديك للصح

شكرا لدعوتك وربنا يبعد عننا كلنا عين الحاقدين اللى بقو اكتر من الهم على القلب وفى كل حته
امال لو راكبين هامر كان حصلنا ايه :)

انا متهيألي ان مشكلة الكهربا (الدينامو) بـتأثر على البوابة ,,, اعتقد لو صلحت الدينامو البوابة هتبقى كويسة

انا شاكك برضه بس تفتكر ان لما البوابه بتعلق ومترجعش مكانها تانى ده برضه من الدينامو ولا ايه ؟؟

تبيع ايه يا ميسو حرام عليك
اصبر عليها و صلحها واحدة واحدة و هتبقي تمام التمام ان شاء الله

والله هو كله جه مره واحده تقريبا فى اسبوع واحد كله جه ورا بعض ومش فى وقته اصلا خااالص

[misoalex]

الله المستعان

ربنا معاك أخي الفاضل و قدر الله و ما شاء فعل
معلش ربنا بيختبرك ليعلم مدي صبرك و رضاك و اتمني من الله ان تكون عند حسن ظن ربك بك

شكرا يا بشمهندس ايهاب
والله بقول الحمد لله على كل شيء بس كله لما بيجى مع بعضه الواحد بيبقى زعلان ومش عارف يعمل ايه ولا ايه

+++++++++++++1
والله كلام ده فعلا انها اختبارات من ربنا سبحانه وتعالى
واتاكد ان شاء الله ربنا بيفاديك انت واسرتك بشوية حديد وفلوس

والله انا كمان بعد حادثة الصحراوى ليا انا والاسرة بشكر ربنا واحمده على سلامتنا كلنا
وقول تيجى فى الحديد والفلوس وتفادى الانسان احسن بكتير

الحمد لله انها بتيجى فى الحديد بس عارف لما يحصلك اول مشكله حتقول ماشى خدت الشر وراحت تانى مشكله حتقول برضه الحمد لله فى ستين داهيه تالت مشكله حتقول التالته تابته والحمد لله رابع مشكله حتقول ايييييييه لا كده فيه حاجه غلط
والمصيبه انك لسه مصلحتش اول مشكله اصلا

فالواحد حامد ربنا الحمد لله على كل شيئ بس بفضفض معاكم عشان حاسس انى حطق

[misoalex]

طب دلوقتى طلع العيب فى كتاوت الدينامو وهى عباره عن شريحه فيها كل حاجه كتاوت وشربون وسليكونات
عارفين سمعت ان الاصلى زى اللى اتحرقت تمنها كام ؟؟
500 جنييييييه ماركه بوش وسألت عند كام واحد مفيش منها

واستعمال تقريبا مفيش منها ولو فيه ب 250 جنيه
الحل دينامو استعمال او استيراد وتمنه 350 جنيه وفيه اغلى من كده كمان

اعمل اييييييه ؟؟؟؟؟؟

[misoalex]

نسيت اقول ان نفس القطعه دى فى الرينو لوجان(شبهها يعنى ) ب 500 جنيه برضه !!

هو احنا راكبين عربيات فرنساوى موديل 2012 وانا مش واخد بالى ولا ايه ؟؟؟؟؟؟؟

[ehab_mansour]

طب دلوقتى طلع العيب فى كتاوت الدينامو وهى عباره عن شريحه فيها كل حاجه كتاوت وشربون وسليكونات
عارفين سمعت ان الاصلى زى اللى اتحرقت تمنها كام ؟؟
500 جنييييييه ماركه بوش وسألت عند كام واحد مفيش منها

واستعمال تقريبا مفيش منها ولو فيه ب 250 جنيه
الحل دينامو استعمال او استيراد وتمنه 350 جنيه وفيه اغلى من كده كمان

اعمل اييييييه ؟؟؟؟؟؟

يا تشتري دينامو استيراد يا تصلح اللي بايظ في الشريحة الالكترونية يعني شوف الشربون ولا منظم الجهد ولا السيليكونات هي اللي باظت و صلحها لأنها كلها قطع الكترونية و شربون و كل ده بيتباع و يتغير عادي طالما ملفات الدينامو نفسه سليمة

المهم لو فكرت تصلح تشتري أنضف قطع عشان تتحمل ده لو لقيت عندك في اسكندرية حد بيصلحهم اساسا

لو ملقيتش اشتري استيراد علي التجربة

[misoalex]

يا تشتري دينامو استيراد يا تصلح اللي بايظ في الشريحة الالكترونية يعني شوف الشربون ولا منظم الجهد ولا السيليكونات هي اللي باظت و صلحها لأنها كلها قطع الكترونية و شربون و كل ده بيتباع و يتغير عادي طالما ملفات الدينامو نفسه سليمة

المهم لو فكرت تصلح تشتري أنضف قطع عشان تتحمل ده لو لقيت عندك في اسكندرية حد بيصلحهم اساسا

لو ملقيتش اشتري استيراد علي التجربة

ايه ده بتتكلم بجد يا بشمهندس
يعنى الشريحه دى ممكن تتفك وتتصلح ؟؟؟ اصلى ملقيتش فيها اى مسامير كلها كبس فى بعضيها
وتفتكر السليكونات لو بايظه ممكن الاقى منها عند بتوع الالكترونيات

انا ممكن اصورهالك لانى حليتها اول امبارح عند كهربائى جنبى بس جاب مكانيكى عشان يفك حبه حجات الاول فوق الدينامو فيقدر يطلعه من مكانه

[ehab_mansour]

ايه ده بتتكلم بجد يا بشمهندس
يعنى الشريحه دى ممكن تتفك وتتصلح ؟؟؟ اصلى ملقيتش فيها اى مسامير كلها كبس فى بعضيها
وتفتكر السليكونات لو بايظه ممكن الاقى منها عند بتوع الالكترونيات

انا ممكن اصورهالك لانى حليتها اول امبارح عند كهربائى جنبى بس جاب مكانيكى عشان يفك حبه حجات الاول فوق الدينامو فيقدر يطلعه من مكانه

ايوه يا أفندم كل شيء بيتصلح عادي لكن اللي يعرف يصلحه
و بعدين انت مش هتلاقي مسامير ولا حاجه لأن كل شيء متقفل في البوردة باللحام و بيتفك لحام برضه

صور و ارفع بس تكون صور واضحة و من كل اتجاه و بعد تنظيفها جيدا عشان كل شيء ينكشف و يبان هههههههههههه

وربنا ييسرلك حالك ان شاء الله و تكون بسيطة و متتكلفش

[misoalex]

ايوه يا أفندم كل شيء بيتصلح عادي لكن اللي يعرف يصلحه
و بعدين انت مش هتلاقي مسامير ولا حاجه لأن كل شيء متقفل في البوردة باللحام و بيتفك لحام برضه

صور و ارفع بس تكون صور واضحة و من كل اتجاه و بعد تنظيفها جيدا عشان كل شيء ينكشف و يبان هههههههههههه

وربنا ييسرلك حالك ان شاء الله و تكون بسيطة و متتكلفش

ربنا يبشرك بالخير حصورها وارفع الصور ان شاء الله على فكره انا مهندس الكترونيات :)

والبوابه انا فكيتها لقيت ان لما بلف البكره بأبدى فيه تزيق وخشونه فشكلها فعلا عاوزه تتزيت عشان كده بتعلق
اعملها بال wd4 ولا احطلها نقطه زيت باور عشان خفيف ؟؟

[ehab_mansour]

ربنا يبشرك بالخير حصورها وارفع الصور ان شاء الله على فكره انا مهندس الكترونيات :)

والبوابه انا فكيتها لقيت ان لما بلف البكره بأبدى فيه تزيق وخشونه فشكلها فعلا عاوزه تتزيت عشان كده بتعلق
اعملها بال wd4 ولا احطلها نقطه زيت باور عشان خفيف ؟؟

ايه الحلاوة دي و مهندس الكترونيات كمان ؟؟؟؟

و بتسأل علي تصليح البوردة ؟؟؟؟
ههههههههههههههه بهزر معاك طيب خلاص فك و صور و احنا مع بعض و ربك يسهلها

البوابة تنظفها تماما ب wd40 هو منه منظف و مزيل للصدأ و زيتي يعني كل اللي مطلوب فيه