تجربتي الغامضه في تغيير الزيت في البرقان

[macdiv]

روحت من شهريين اغير زيت لللنيا التربو عندهم و كنت واخد زيت هاي تيك لوكومولي 5-40 ..اديت لمهندسه الاستقبال الجركن و قلتلها غيريلي الفلتر من عندك و خدي بالك الجركن ده ٥ لتر مش ٤ زي بتاع موبيل ون و قولي للفني يحط منه ٣ لتر بس و يسبلي ٢ لتر عند العلامه ديه وورتهلها ...خلصت الشغلانه و نزلت العربيه من على الكريك و قلي الفني افتح الشنطه قمت فتحتهاله و رمالي الجركن في الشنطه ..لقيت الجركن بيطيير ..قلتله هو انته سبتلي اد ايه فيه ؟ قلي ربع كيلو قلتله هو انته اول مره تغيير لللينيا زيت قلي لا طبعا ..المهم زعقت و جات المهندسه و قلتلي معلش مخدش باله و رفعوا العربيه تاني و سقطولي ٢ لتر في الجركن ...
جيت انا من يوميين اغير عندهم زيت تاني و جبتله جركن جديد ا كيلو + الجركن القديم بتاعي اللي فيه ٢ كيلو ...المهم فوجات ان المهندس بيقولي انت متاكد ان انت عايز تحط زيت مستعمل و قديم وو سخ في عربيك الزيرو ديه !!!!!! قلتله لا ده جديييد من المره اللي فاتت .....و طبعا حطيطه لان مكنشي معايا ٣٠٠ جنيه اجيب زيت جديد من عندهم بالاضافه ان معندهمشي ليوكومولي .... يا ترى حد فهم حاجه من البوست ؟؟ ياتري ازاي الجركن بتاعي بقى فيه زيت قديم !!
يا ترى حد فهم حاجه من البوست ؟؟
تفسيري يا اما انا اتسرقت من المره اللي فاتت و متحطليش زيتي الجديد كله و الدليل وجود زيت وسخ في جركني الجديد .... يااماالزيت اتوسخ اما الفني فتح الطبه و نزلي الزيت الزياده في الجركن تاني ... المحصله واحده اني مبقاش في ضمير ولا امان و مش معقول ابقى راجل مهندس كبير و اقف تحت بيتي و اجيب طشت عشان اغير زيت عربيتي

[mohmdomar]

دا مركز ازبل من الزبالة اساسا, احسنلك تغير الزيت عند اي حد بتاع زيوت

[assaf]

كدا المركز حط لك في الجركن زيت قديم
انت قولت عايز 2 لتر هو جاب اي 2 لتر المم يبسط الزبون

[DarkMagician]

شم ريحت الزيت وانت تعرف اذا كان قديم ومستعمل واتحطلك ولا جديد واخد لون م الوساخة اللي المكنة بس

[HAITHAM1985]

أنت إتظبطت يا معلم ....... تعيش وتااااااخد غيرها

[ahmedelfeky]

الناس بقى موضوع الضمير مشكله يتعبو لو اشتغلو بضمير والموضوع سهل وبسيط انت قلتله يحط قد ايه عادى لو المهندسه دى اهتمت بالكلام و اشتغلت بضمير هيا والفنى كان حيحصل ايه ؟

[macdiv]

شم ريحت الزيت وانت تعرف اذا كان قديم ومستعمل واتحطلك ولا جديد واخد لون م الوساخة اللي المكنة بس

مش سهل كده ..الجركن ملحوس شحم و زيت مطرح ايد الفني و الشم مش هيجيب نتيجه عشان الزيت في التلت الاخير من الجركن

[macdiv]

كدا المركز حط لك في الجركن زيت قديم
انت قولت عايز 2 لتر هو جاب اي 2 لتر المم يبسط الزبون

لا هوه سقطه من الكرتيره ادامي ..بس كده ده معناه انه ممكن يكون من الاول محطليش في العربيه زيت جديد من لجركن بتاعي ،،،حط جزء من عندي و جزء من عنده ..و برده ان بعض الظن اثم ..لاني للاسف مشفتهوش بعيني

[Elawany13]

ممكن يكون اتوسخ من كارتيرة زيت العربية

[misoalex]

باشا عن تجربه الزيت لما بيتحط فى العربيه وتيجى تنزله فى ساعتها بينزل زى ما هو لونه دهبى مش اسود محروق حتى لو دورت العربيه ومشيت بيها طالما مغير زيت وفلتر يبقى لازم يفضل دهبى على الاقل لمده ساعه

انت متأكد ان الزيت اللى عندك فى الجركن فعلا محروق ؟؟؟؟؟

[bondoq]

دا مركز زبالة الزبالة انا كنت بتعامل وبطلت خلاص والحمد لله

[amur1010]

الفنى شكله معندهوش ضمير وحط جزء من الجركن الجديد وجزء مش نضيف علشان يطلع بـ 2 او 3 كيلو يبعهم لحد تانى
والدليل أن المهندسة قالتله وهو عمل نافسه مش واخد باله

احنا لحد أمتة هنفضل نعانى من الناس دى اللى معندهاش ضمير !!!!!!!!!!!!!!!!!!!!!