مشكله في تكييف البونتو

[kiko_29]

يا جماعه انا معايا بونتو 2002 mk2 والتكييف اداءه ماكنش اد كدة.
المهم رحت لواحد كويس فني تكييف نظف الفلتر وزبط شحن الفريون والتكييف فعلا يقى احسن.
وفي نفس اليوم رحت غسلت الردياتيير وحطيط ميه خضرا, وبعديها التكييف فضل كويس.
بليل وانا مروح قولت اشغل التكييف مرديش, والظريف اني لما بلف الاكره بيتاعت التكييف نور التابلوه ينور لوحده
روحت للكهربائي حل التابلوه ومشي وره كام سلك كده لحد ما اشتغل, مافيش نص ساعة بعد ما مشييت عملها تاني. مع العلم اني باصييت على الفيوزات ولئيتها سليمة.
حد عنده فكرة عن الموضوع ده, يا رييت حد يفيدني بسرعه.

[MohabSaeed]

طيب قبل ما تشحن التكيف و تنظف الفلتر كانت المشكله ديه بتحصل ؟؟

[Dr.A.Nabil]

بص يا جميل
مع انا ضد التوكيل بتاع فيات

وماروحتوش غير مره واحده

بس انا شايف انك في الحاله دي ممكن تروح..

اكشف الاول عليها
وشوف حلها ايه

ممكن تطلع حاجه بسيطه

بص الصراحه طالما فيها فك تابلوه وحركات

افضل ماحدش يلعب فيها عشان مايبوظهاش
ووديها التوكيل

[kiko_29]

شكرا جدا يا جماعة انا صلحتها امبارح الحمد لله, كان حاجة بسيطه الارضي ماكانش متربط كويس :)

[MohabSaeed]

طيب الحمد لله ان المشكله اتحلت .
" اتمنى ان كل عامل او فنى يراجع على شغله كويس بعد مايخلص "