حصريا تحويل الشاهين من انجكشن الي كاربراتير بالصور

[ahmadmidoo]

شكرا على نقلك للتجربة
وأكيد الالكتروني كان هيبقى افضل (مع فارق السعر طبعا)
بالتوفيق يا باشا :)

انا طبعا بفضل الاليكتروني بس الميكانيكي عاوز يجيب اللي بيفهم في تصليحه


غير كده انا حطيت رابط الصور علي المديا فاير موجود في مشاركاتي لو ممكن المشرف المحترم ينقله وينقل الملاحظات تحت الموضوع الرئيسي

[Recaro]

مع كامل احترامى لرأى حضرتك، الانجكشن مشاكله اقل بمراحل من الكربراتير اللى بعتبره اختراع فاشل، كده كل شويه هتروح لميكانيكى يعك فى الموتور ويقولك ظبطته
وهتخاف تروح سفر بعيد عشان هتقلق العربيه تعملها فى الطريق
رأيى ان المشكله أساسا فى الصنايعيه اللى حضرتك بتتعامل معاهم.
ربنا يوفقك.

[ahmadmidoo]

مع كامل احترامى لرأى حضرتك، الانجكشن مشاكله اقل بمراحل من الكربراتير اللى بعتبره اختراع فاشل، كده كل شويه هتروح لميكانيكى يعك فى الموتور ويقولك ظبطته
وهتخاف تروح سفر بعيد عشان هتقلق العربيه تعملها فى الطريق
رأيى ان المشكله أساسا فى الصنايعيه اللى حضرتك بتتعامل معاهم.
ربنا يوفقك.

الانجكشن مشاكله اقل طول ماانت محافظ عليه يعني لا تمون 90 ياتمون 80 وماتنقصش عن النص
وطبعا انا بفضله بس عيبه ان اي مشكله ممكن تتسبب في بوظان المجموعه كامله

لكن مشكلة الصنايعية دي مش عندي انا بس دي في كل مكان خصوصا مع الفيات
لكن هما بيفهموا في الكوري الي حد ما لانوس وفيرنا

[Elawany13]

الكربراتير الفابريكة لو مظبوط بيكون ممتاز
بس حرام الماتور الانجكشن يتحول كربراتير

[ahmadmidoo]

روحت الميكانيكي اخليه يظبط العربية شوية قلتله العربية مش بتزود عن 100 قالي الاسطوانه خفيفه قلتله لا قام شادد الهاند بريد ودايس بنزين لقاها كويسه قلتله لما كانت انجكشن كانت بتجري ولاسطوانه مافيهاش مشاكل قالي ومين قالك تقلبها المهمقام معدل وضع الاسبراتير بقت العربية احسن بتوصل ل 120 بس بتسك كل ماادوس بنزين مش عارف ايه الحل غير كده روحت لكهربائي يوصلي سلك الار بي ام وصله بس بقي عالي جدا عن الواقع بيدي قراءه خاطئه قالي روح تاني للميكانيكي خليف يعدل الابلاتين مش عارف ايه الدوخه دي

[amagroup]

الله يكون في عونك

[mrghost]

باشا جرب ترجع الاسبراتير العادي وهات الالكتروني افضل باذن الله واتاكد ان الكربراتير تمام

[peposupervisor]

اسمع ان الموضوع ده بيبوظ الماتور وبيخلي الماتور مش نافع تاني
هل ده صحيح ؟؟؟

[mik_e30]

يخصارة بجد حرام عليك تسيب الانجكشن وتروح لقرف الكاربراتير :(

[lad]

خسارةاللى انت عملته

[ahmadmidoo]

فعليا الكلام ده خسارة لكن نظام الانجكشن كله كان يعتبر باظ عندي وماكانش الترميم بيجيب نتيجه معاه الميكانيكي قالي ماينفعش اغير رشاش لوحده لازم الاتنين مع بعض يعني حوالي 850 جنيه لو لقيت الاصلي
واللوحة ب 200 جنيه غير اكتشفت انه في عدد مهول من الحساسات في العربية مشكله طبعا
فاضطريت للتحويل ماكنتش اعرف انه هيفرق بشكل كبير بس طبعا فرق جدا انا كنت حاسس ان الماتور كفائته 100% او كنت حاسه زيرو دلوقتي حاسه ماتور عادي جدا

وبالنسبة للاسبراتير الاليكتروني اكيد انا حاسس انه افضل لان عربيتي الدوجان قبل كده كانت كاربراتير عاده واسبراتير اليكتروني وكانت ممتازه

بس الميكانيكي نصحني اني اجيب اسبراتير عاده وخلاص شكله متعود علي بتوع التاكسيات قالي علشان العربية ماتعطلش منك مره واحده

[lad]

خير ان شاء الله