اي معلومه عن الفيات سيينا

[mahmoud_anwar]

السلام عليكم ورحمه الله وبركاته
انا بستفسر عن الفيات سيينا لي اني ناوي اجيبها فتره انتقاليه كده مش هتطول يعني بتاع 6 اشهر وهبعها تاني بس طبعآ مش علشان هشتري عربيه لمده قصيره يبقا البس في الحيط
فاكنت عايز اعرف ايه عيوب السيينا
هل عربيه زي الفيات بتسخن من الداخل وبتخليك تحس انك قاعد في سونه ؟
اخبار قطع غيارها ايه ؟
اخبار الثبات في السرعات ؟
انهي افضل موديل ؟ وانهي افضل ماتور 1300 او 1400 او 1600؟
ايه اخبار تكيفها ؟
اخبار اعاده البيع ؟
السياره بره وجوه تعمل في رنج كام بعيد عن كلام كونتكت كار ؟
بي كل امانه تنصحوني بيها ولا اصرف نظر عنها

[new_man]

بكل امانه لا تفكر فيها مطلقا..كنت هشتريها قبلك
انا عديت على ميكانيكيه كتير واشتكولى منها بسبب ضيق حوض الماتور وصعب الشغل فيها
وقطع غيارها غاليه بلا مبرر
وضيقة
وده كله على كلامهم
وانا رايي عندك الهبونداى اكسنت والاكسيل فى نفس الفئه السعريه وافضل بمراحل ولما هتيجى تبيعهم ممكن كمان تبيعهم اغلى من سعر الشرا بتاعهم ومش هتندم ابدا لو اشتريت حاجة فيهم
ولو بتسال على سعرالسيينا الايام دى فهى من 33 ل 37 على اقصى تقدير
وفى اعاده البيع سيئة جداااا

[misoalex]

بكل امانه لا تفكر فيها مطلقا..كنت هشتريها قبلك
انا عديت على ميكانيكيه كتير واشتكولى منها بسبب ضيق حوض الماتور وصعب الشغل فيها
وقطع غيارها غاليه بلا مبرر
وضيقة
وده كله على كلامهم
وانا رايي عندك الهبونداى اكسنت والاكسيل فى نفس الفئه السعريه وافضل بمراحل ولما هتيجى تبيعهم ممكن كمان تبيعهم اغلى من سعر الشرا بتاعهم ومش هتندم ابدا لو اشتريت حاجة فيهم
ولو بتسال على سعرالسيينا الايام دى فهى من 33 ل 37 على اقصى تقدير
وفى اعاده البيع سيئة جداااا

مهى عربيه زى السيينا عشان محترمه فمش بتروح عند مكانيكيه بتروح لواحد مهندس يصلحها
اما المكانيكيه اللى وااقفين فى الشوارع زى الهم على القلب فدولا ولا ينفع يشتغلو فى ايطالى ولا المانى ولا يابانى دول اخرهم تكاتك

على فكره انا مش بتريق انا بتكلم عن تجربه انا كان معايا 128 ومكنتش لاقى مكانيكى نضيف يشتغل فيها ما بالك بعربيه حديثه ماشيه بكنترول وحساسات ومحتاجه جهاز كشف اعطال مش موجود عند واحد من اللى حضرتك سألت عندهم دول عشان شغالين بالفتى والفهلوه
وبعدين حضرتك بتقول انها فى اعاده البيع سيئه جدداااااااااا هو حضرتك جربت تبيعها ومتباعتش معاك ؟؟؟؟

[BOYEM 1983]

ياجماعة أنا محتار بين
ابيزا1994
سيينا 200
حد يقولى ايهما افضل

[WAEL_WAHBA]

انا ليسه جايبها سينا موديل 2000 1400 عربيه حلوة اللى معايا فى شويه حوارات بس عربيه جميله

[strikebaby]

-بص ياباشا الميكانيكية مابيعرفوش يشتغلو فى السيينا ال 1600 علشان الموتور على قد الحوض بالظبط فا الباشا مش عايز يتعب نفسو شوية عايز اى حاجة سهلة

-السيينا ال1400 كل الناس شغالين فيها وكانت معايا لمدة سنة ونص بصراحة حمالة اسية و كانت حمارة شغل بس هى مش شبابية شكلا و قطع الغيار متوفرة واسعارها رخيصة

- لو قدامك واحدة نضيفة خدها بس اهم حاجة الحالة

- بالمناسبة انا عندى واحد صاحبى عارض عربيتة سيينا 1400 بس موديل 2002 موش 2000 زى اللى قدام حضرتك لو عايز تتفرج عليها قولى ابعتلك رقم تليفونة

[besoana]

ممكن تبعتلى رقم صاحبك اللى عايز يبيع السينا لانى عايز اشترى واحدة

[strikebaby]

ممكن تبعتلى رقم صاحبك اللى عايز يبيع السينا لانى عايز اشترى واحدة

اسمة استاذ محمود 01152817504

[mohamedmmm2]

بص يا باشا العربيه كانت معايا لمدة 5 سنين تقريبا.. اكتر من ممتازة وقطع غيارها متوفرة جدا وفيه مليون واحد بيبيعها.. انا هاقولك مميزاتها وعيوبها باختصار..
نبتدى بالعيوب:
تنك البنزين مكانه سىء جدا وعلى طول بيتخبط فى المطبات لان العربيه فعليا مش عاليه بمجرد ان 5 يركبوا فيها (بس العيب مش مؤثر اوى يعنى ماكانش بيعملى مشاكل كتير)
الصاج بتاعها مش مجلفن ضد الصدا فا لو اتخبطت او حته من الصاج بانت بتصدى وبتنشع لو ماعملتهاش
مراياتها على طول زعلانه
الميكانيكيه بيستهبلوا ويعملوا البطه الجريحه وهما شغالين فيها بس طبعا تفرق لو ميكانيكى بتاع شغل ولا تناكه يعنى انا ماكنتش بعانى من المشكله دى اطلاقا
المميزات:
عربيه ناعمه وسحبها ممتاز وفراملها تحفه
ثابته على الطريق انا كنت بمشى 180 وكانت زى الفل (1400)
صالونها مريح و خاماته كويسه جدا
عفشتها مريحه وناعمه ومشاكلها قليله
شنطتها واسعه جداا
فتيسها ممتاز وحاراته مظبوطه وناعم فى النقل
يعنى من الاخر العربيه زيها زى الحديث مع اختلاف الكماليات نفس اداء الاوروبى الحديث والعربيه عمليه جدا وهاتديك اكتر من اللى انت محتاجه وهاتحس بفرق كبير جدا بينها وبين الكورى (فرق السما من العما بزات فى الفتيس والفرامل)
وماتقارنهاش بالابيزا لان الابيزا قديمه فعلا وهاتحس كدة لحظه دخولك من باب العربيه
يارب اكون افدتك