كونتاكت العربية, إهيء !!

[magic girl]

السلام عليكم يا شباب..

كل سنة وانتم طيبين, وربنا يعيد عليكم الأيام دي بخير يا رب..

كان عندي استفسار صغير, دلوقتى العربية ساعات كده لما باجى أدورها, المفتاح بيعلق ! مش بيبقى راضى يتحرك خالص و لا يدور, ساعات كده باسمع تكة جوة بس بردو على نفس التعليقة, بيفضل كدة شوية, طبعاً باقعد اعافر شوية فيه لحد ما يدور, بس عايزة اعرف ده ممكن يبقى إيه؟؟
و حد يعرف حد بيشتغل فى القصة دى أروح أظبطها عنده؟؟

ده لينك لفيديو رفعته, كنت جربت بالمفتاحين..

qweasd.mp4 - YouTube

معلش طولت عليكم, بس شكلى هاصرف العيدية على العربية ههههههههههه

[MNabeih]

هو لية انا حاسس ان الدركسيون مسوجر!!!!!!!
ابقي جربي تدوري بس ابقي لفي الدركسيون سنه يمين او سنه شمال

[magic girl]

هو لية انا حاسس ان الدركسيون مسوجر!!!!!!!
ابقي جربي تدوري بس ابقي لفي الدركسيون سنه يمين او سنه شمال

ماهو كده كده العربية و هيا واقفة الدريكسيون بتاعها بيقفل أوتوماتيك.. و هابقى أحاول الفه بس انا حاسه دى مشكلة من جوة بس مش عارفة من إيه..

[Ghamrawy]

المفتاح سنونه متاكلة انا كان عندى سيينا و كانت بتعمل نفس المشكلة

[MNabeih]

ماهو كده كده العربية و هيا واقفة الدريكسيون بتاعها بيقفل أوتوماتيك.. و هابقى أحاول الفه بس انا حاسه دى مشكلة من جوة بس مش عارفة من إيه..

طيب هي ان شاء الله مشكلة دركسيون,

ابقي جربي كدة اللي قلتلك عليه

و بعوووون الله تبقي هي دي المشكلة

[ibn_seena]

طيب انا معايا كورسا الجديده ...
ساعات لما بدورها الصبح ال rpm ينزل والعربيه تفضل تكركر وبعدين يعلي تاني. وساعات بقي تقوم مبطله. حد يعرف المشكله دي من ايه ؟؟ .ارجوا الافاده يا جماعه بعد اذنكم

[gebreel]

هو لية انا حاسس ان الدركسيون مسوجر!!!!!!!
ابقي جربي تدوري بس ابقي لفي الدركسيون سنه يمين او سنه شمال

+111111111111111111

امسكي الدريكسيون بايد و لفي و بالايد الثانية لفي الدريكسيون يمين او شمال سنة

[gebreel]

طيب انا معايا كورسا الجديده ...
ساعات لما بدورها الصبح ال rpm ينزل والعربيه تفضل تكركر وبعدين يعلي تاني. وساعات بقي تقوم مبطله. حد يعرف المشكله دي من ايه ؟؟ .ارجوا الافاده يا جماعه بعد اذنكم

دي محتاجة التوكيل يكشف عليها لأنها ممكن تبقى كذا سبب

[magic girl]

طيب هي ان شاء الله مشكلة دركسيون,

ابقي جربي كدة اللي قلتلك عليه

و بعوووون الله تبقي هي دي المشكلة

خلاص إن شاء الله هاجرب, انا لسة نازلة بيها من شوية معملتش حاجة.. الف شكر لحضرتك..

+111111111111111111

امسكي الدريكسيون بايد و لفي و بالايد الثانية لفي الدريكسيون يمين او شمال سنة

جبريل زميل الكلية , ههههههههه, عرفتك من ال Work info .. ماشى يا فندم نجرب نلف الدريكسيون..

[gebreel]

خلاص إن شاء الله هاجرب, انا لسة نازلة بيها من شوية معملتش حاجة.. الف شكر لحضرتك..



جبريل زميل الكلية , ههههههههه, عرفتك من ال work info .. ماشى يا فندم نجرب نلف الدريكسيون..

اولا كويس الحمد لله انها معملتش معاكي حاجة بس اتأكدي انها قصة لوك دريكسيون مش حاجة في الكونتاكت نفسو

ثانيا اهلا يا زمل =)

[Elawany13]

مرة الكونتاكت كان معصلج معايا بطريقة مهببه المفتاح بيلف ويقف ومش بيوصل للآخر وبالتالى المارش مش بيشتغل
رشيت رشه من wd40 وبعد ربع ساعه بالظبط بقى زى السكينه فى الحلاوة
من يومها وانا كل شهر برش رشه فى الكونتاكت مكان المفتاح
لو مفيش wd40 ممكن حقنة جاز أو سولار

[sa3dizer]

نفس الموضوع حصل معايا في بونتو
كان المفتاح بيعصلج برضو و بعض كدة قفش خالص
فكيت الكونتاكت عند كهربائي و أخذته لواحد بتاع مفاتيح فكه و غير السنون اللي في القلب و بقى زي الحلاوة

بس ،،،،،،،
بقى المفتاح بيخرج من الكونتاكت والعربية دايرة

[gebreel]

مرة الكونتاكت كان معصلج معايا بطريقة مهببه المفتاح بيلف ويقف ومش بيوصل للآخر وبالتالى المارش مش بيشتغل
رشيت رشه من wd40 وبعد ربع ساعه بالظبط بقى زى السكينه فى الحلاوة
من يومها وانا كل شهر برش رشه فى الكونتاكت مكان المفتاح
لو مفيش wd40 ممكن حقنة جاز أو سولار

+111111111111
ال wd40 انا جربته في اللادا و خلى الكونتاكت ناعم بشكل غريب و من وقت للثاني بعمل كدة
انت حتى فكرتني اني عاوز اعملها

و بيبقى حلو بردو يترش على مفصلات البيبان علشان التراب اللي بيتلم عليها و في نفس الوقت كنوع من التشحيم ليها

[magic girl]

مرة الكونتاكت كان معصلج معايا بطريقة مهببه المفتاح بيلف ويقف ومش بيوصل للآخر وبالتالى المارش مش بيشتغل
رشيت رشه من wd40 وبعد ربع ساعه بالظبط بقى زى السكينه فى الحلاوة
من يومها وانا كل شهر برش رشه فى الكونتاكت مكان المفتاح
لو مفيش wd40 ممكن حقنة جاز أو سولار

خلاص ممكن أجربه عشان انا بخاف تعلق معايا فى وقت أكون فيه فى مشوار مثلاً.. بيتجاب من البنزينة صح؟؟

نفس الموضوع حصل معايا في بونتو
كان المفتاح بيعصلج برضو و بعض كدة قفش خالص
فكيت الكونتاكت عند كهربائي و أخذته لواحد بتاع مفاتيح فكه و غير السنون اللي في القلب و بقى زي الحلاوة

بس ،،،،،،،
بقى المفتاح بيخرج من الكونتاكت والعربية دايرة

لو حل ال wd40 منفعش هاوديها بقى لحد بتاع مفاتيح و أعمل الحوار بس.. بس ازاى المفتاح يخرج وهيا شغالة!! مش غلط كده؟؟

[sa3dizer]

لو حل ال wd40 منفعش هاوديها بقى لحد بتاع مفاتيح و أعمل الحوار بس.. بس ازاى المفتاح يخرج وهيا شغالة!! مش غلط كده؟؟

ده بيحصل في أي كونتاكت لما سنون القلب بتاعة بتتغير بس هو مش عامل اي مشكلة خالص