عايز اشترى grande punto 2009

[crvawy]

السلام عليكم و رحمة و بركاته
دى اول مشاركة ليا فى المنتدى و ان شاء الله تكون بداية لمشاركات كتير و صداقات اكتر مع اعضاء المنتدى عموما و عشاق الفيات خصوصا.
الموضوع بقى انى عايز اشترى grande punto 2009 او 2010 بحوالى 75 -لو السعر غلط صلحولى- و اختيارى للفيات عشان انا حاليا عندى فيات 131 موديل 80 بقالها معانا حوالى 13 سنة بس عربيتنا دى تقفيل ايطالى بالكامل و فعلا اقنائها اقنعنى جدا بالفيات كصانع ، يعنى اقل مثل من حوالى 5 سنين غيرت اسطوانة الدبرياج الفبريكا بتاعتها بواحدة جديدة قلت للراجل عايز واحده ايطالى قالى مفيش ايطالى لكن فيه المانى كويسة جدا و احسن كمان و فعلا ركبتها و مقلوكوش عن الفرق، الايطالى احسن بمراحل.
المشكلة بقى فى العربية التانية اللى عندنا و هى اللى عقدتنى من الاوروبى المستعمل - octavia a4- موديل 98 اشتريناها سنة 2008 يعنى مستعملة عشر سنين و معرفش هى كانت حالتها تعبانة ولا انا اللى هلكتها المهم قطع غيارها ناااار لدرجة انى بقيت عارف انى فيها حاجات عايزة تتصلح و خايف اروح للميكانيكى.
الاستفسارات بقى :-
1- هل الجراند بونتو من 2008 لغاية 2010 لو حالتها كويسة بردوا ممكن تفتح بقها مرة واحده زى الاوكتافيا ولا اية ؟
2- قطع غيارة الصيانات الدورية اخبارها اية - سيور ، بوجيهات ، تيل و هكذا ؟
3- لو فكرت ابيعها بعد تلات سنين مثلا و انا اصلا شاريها مستعملة هتنزل جامد بردوا ولا لا ؟
دى بصراحة الاسئلة اللى محيرانى دلوقتى لكن انا متاكد ان الكلام هيجر بعضو
اسف على الاطاله و منتظر ارائكم :)

[mammet80]

اهلا بيك وانا عارف كويس اوى الحيرة اللى انت فيها لانى كنت زيك من كام شهر ....
المهم انا اشتريت جراند بونتو 2009 من شهر 5 اللى فات وحالتها المفروض انها كانت كويسه اوى وفابريكه بره وخلصتها على 69 الف وكانت ماشيه 68 الف وفيها خدوش بسيطه وغطا التانك اللى بره مش موجود وتريحه او اتنين فى الصاج من بره المهم ان صاحبها كان عارضها على 73 وانا فضلت متابع عاه لان مكنش الفلوس اكتملت معايه المهم كلمته قالى اخرها 71 قلتله مافيش غير 69 وده بجد فعلا ....
المهم بقى العربيه تحفه تحفه تحفه بالنسبالى وانا زيك اول عربيه بولونيز والتانيه تمبرا ايطالى وكانت تحفه والتالته هى الجراند انا بعشق الفيات عموما واللى جايه ان شاء الله ايفو ولو ربنا كرم اوى يبقى برافو ...
انا غيرت سير الكاتينه من اسبوعين وجبته ب 150 من الكيلانى و كان فى التوكيل ب250 ومعرفش هو نفسه ولا لا وغيرت زيت وبس من ساعتها العربيه محترمه جدا جدا جايز لان كان معايه تمبرا 94 فحاسس بحلاوتها علشان كده
... هى واسعه ومريحه من جوه واوبشناتها كتيره اوى وكراسيها مريحه ..... بص اصبر متستعجلش فى الشرا ودور على واحده حالتها كويسه ولو فى اى حاجه انا تحت امرك .

[crvawy]

اهلا بيك وانا عارف كويس اوى الحيرة اللى انت فيها لانى كنت زيك من كام شهر ....
المهم انا اشتريت جراند بونتو 2009 من شهر 5 اللى فات وحالتها المفروض انها كانت كويسه اوى وفابريكه بره وخلصتها على 69 الف وكانت ماشيه 68 الف وفيها خدوش بسيطه وغطا التانك اللى بره مش موجود وتريحه او اتنين فى الصاج من بره المهم ان صاحبها كان عارضها على 73 وانا فضلت متابع عاه لان مكنش الفلوس اكتملت معايه المهم كلمته قالى اخرها 71 قلتله مافيش غير 69 وده بجد فعلا ....
المهم بقى العربيه تحفه تحفه تحفه بالنسبالى وانا زيك اول عربيه بولونيز والتانيه تمبرا ايطالى وكانت تحفه والتالته هى الجراند انا بعشق الفيات عموما واللى جايه ان شاء الله ايفو ولو ربنا كرم اوى يبقى برافو ...
انا غيرت سير الكاتينه من اسبوعين وجبته ب 150 من الكيلانى و كان فى التوكيل ب250 ومعرفش هو نفسه ولا لا وغيرت زيت وبس من ساعتها العربيه محترمه جدا جدا جايز لان كان معايه تمبرا 94 فحاسس بحلاوتها علشان كده
... هى واسعه ومريحه من جوه واوبشناتها كتيره اوى وكراسيها مريحه ..... بص اصبر متستعجلش فى الشرا ودور على واحده حالتها كويسه ولو فى اى حاجه انا تحت امرك .

رد كافى و شافى ، واضح ان فيات دى ادمان :) بس الحمد لله انى عرفت ان مش انا لوحدى اللى ادمنتها :)
ىبعد اذنك يا فندم عندى كام استفسار كده :
عربية حضرتك مانيوال ولا اوتو ؟
و اخبارها اية مع حضرتك على السرعات فوق ال 100 و اعلى سرعه كام مع حضرتك
و حضرتك قبل ماتشترى دورت فين، سوق الجمعه ولا النت ولا اصدقاء و معارف ولا ايه؟

[فيات كونترول]

الجراند بونتو

السلام عليكم..,.
اولا الجراند بونتو يفضل المنويل عن سلسبيد(اوتومتيك) لسههوله القياده وقله الاعطال عن الاوتوماتيك
ثانيا السعر لا يتجاوز 70الف الجيده اما موديل 2007 فبريكا 62الف
قطع غيراها بوجيهات120 __ سير الكاتينه 150 جنيه وباقى قطع الغيار فى المتناول

[crvawy]

شكرا يا جماعه على المعلموات المفيدة دى بس فيه نقطتين قلقان منهم ، اخبار التكيف اية و تاثيره على الموتور ؟
و كمان ثبات العربية على السرعات عشان انا معظم سواقتى دائرى على حوالى 110 و لو الطريق رايق بجرى على 150 بالاوكتافيا ، هل الجراند هتوفى السرعات دى ولا ايه ؟

[crvawy]

شكرا يا جماعه على المعلموات المفيدة دى بس فيه نقطتين قلقان منهم ، اخبار التكيف اية و تاثيره على الموتور ؟
و كمان ثبات العربية على السرعات عشان انا معظم سواقتى دائرى على حوالى 110 و لو الطريق رايق بجرى على 150 بالاوكتافيا ، هل الجراند هتوفى السرعات دى ولا ايه ؟

يا شباب انا اوشكت على الشراء ياريت ملاك الجراند بونتو يفيدونى فى النقطتين دول و كل سنة و انتو طيبين :)

[fouady]

يا شباب انا اوشكت على الشراء ياريت ملاك الجراند بونتو يفيدونى فى النقطتين دول و كل سنة و انتو طيبين :)

بص أنا هقولك النقطتين دول فـال ايفو وهي تقريبا نفسها فـكل حاجة ومش عارف التكيف هو هو ولا لأ
الثبات هتيتبست منه جدا ثابتة وتحسها ماسكة فـالأرض ما شاء الله التكيف فـال ايفو حلو عجبني أنا عامتا وعلشان أكون دقيق أنا مجربتش فـالاقعدة ورا علشان دايما ببقى قدام وهو أدام حلو جدا

ملحوظة : أنا لا امتلك العربية , بس أنا صاحبي المقرب معاه العربية ويوميا بركبها فـعلشان كده اديت لنفسي حق التقييم

[ahmedsiyam]

الجراند و ايفو الاثنين ركبتهم و جربتهم كذا مرة الثبات معقول جدا لكن لا تقارن بالاوكتافيا

التكييف من خلال تجربتى مع عربيات كتير اوربى و كورى و ماليزى : التكييف فى السيارات الاوربى اضعف منه فى مثيلاتها بالكورى و اليابانى و الماليزى

[crvawy]

شكرا للافاده :)