يوجد تكييف لل127

[mrghost]

السلام عليكم ورحمة الله
انا كنت يوم الجمعه فى سوق السيارات بدور على عربيه 127 لقيت حاجات كتير من ضمنهم عربيه 127 بها سنتر وانذار وزجاج كهرباء وتكييييييف ايوة تكييف شوفته بعينى ومكنتش مصدق سألت صاحبها لقيته عامله ب3500 جنيه وكان عايز يبيع العربيه ب21 الف جنيه فكل اللى ناوى ميغيرش عربيته 127 ممكن يركبلها تكييف لو عايز وشكرا

[mohamed_88sk]

مشكور يا ريس ... فعلا انا سمعت عنها برضو .. وفي برضو 128 كان صاحبها مظبطها نفس الكلام ده

[Nader]

اساساً الـ128 كان فيها موديل بينزل بتكييف... بس زيرو


اما الـ127 فموتورها عجز وتعب بعد لف ودوران عقدين

من الزمن على الاقل،، يعني التكيف هيحط على العربية جامد

وخصوصاً انها 900 وحاجة سي سي بس.

[مواطن مصرى]

اساساً الـ128 كان فيها موديل بينزل بتكييف... بس زيرو
[/COLOR]

موديلات اواخر السبعينات من الـ 128 ابارث الالمانى فيها موديلات بتنزل بتكييف و انا شفت واحده منهم مع صديق كان فيها تكييف لكن مع الاستخدام حصلت فيه مشاكل و لم يجد له قطع غيار للاسف الشديد

[mohamed_88sk]

طيب النصر 128 بينزل مكيف فيها ولا هي الفيات 128 بس؟؟
أستاذ نادر حمدالله عالسلامه من مده ملاحظ مش بلاقي ردود لحضرتك لعل المانع خير ..

[mohamed2002]

اكيد ال 127 دي متغير مكنتها لان صعب اوي ماتور 900ccموديل 85 مثلا يشتغل معاه تكييف ,اكيد حاطط لة ماكينة اونو ,والله اعلم !

[Nader]

طيب النصر 128 بينزل مكيف فيها ولا هي الفيات 128 بس؟؟
أستاذ نادر حمدالله عالسلامه من مده ملاحظ مش بلاقي ردود لحضرتك لعل المانع خير ..

الله يسلمك، خير ان شاء الله.

الـ128 الـ1300 سي سي انتاج شركة النصر

كانت بتنزل بتكيف .

[Nader]

اكيد ال 127 دي متغير مكنتها لان صعب اوي ماتور 900ccموديل 85 مثلا يشتغل معاه تكييف ,اكيد حاطط لة ماكينة اونو ,والله اعلم !

دة احتمال قوي جداً لان الاونو الـ1000 سي سي كان

بينزل مودبل منها مكيف.

[mohamed2002]

دة احتمال قوي جداً لان الاونو الـ1000 سي سي كان

بينزل مودبل منها مكيف.

دة الاحتمال الاكيد ,بس هية ال 127 احسن حاجة انك تركبها زي ما هيا لانها مش حمل تكييف وكلام من دة ,اللي عاوز تكييف يبقي يشوف اونو او ابيزا ,اريح

[YaSSerwIN]

أكيد طبعا مغيرلها ماتور

دة الهيونداى الأتوس 1100 سىسى

التكييف بيموتها

أيش حال بقا 900 سى سى فى ماتور قديم

[hazem_khidr]

علي راي سبعاوي
التكييف في ال 127
يا تمشي بالعربيه يا تشغل التكييف :)