وش سلندر 128

[boamengo]

السلام عليكم ورحمه الله وبركاته





لو سمحت كنت عايز رد من الخبراء تكلفة وش سلندر جديد

لان العربية بتسخن بطريقة غريبة والمروحة شغالة مظبوط والريداتير جديد نحاس 3 ماسورة وسخنت من فترة جامد وغيرت جوان وش سلندر وظبطت تكيهات ومشيت العربية مظبوطة شوية
دلوقتي العربية بتسخن فى المشوار الطوالي بطريقة غريبة والمية بتتبخر بسرعة بس مطحنتش رحت لميكانيكي تانى قالي وش السلندر فيه تنفيس ولازم يتبص عليه لان المية فى الريداتير بتطلع فقافيع كدا شوية فكنت بسأل تكلفة وش سلندر كامل عشان اريح دماغي وهل لو وش السلندر فيه شغل الاحسن انه يتعمل ولا يتغير ؟؟؟

[esam_comm]

الاحسن ان وش السلندر يتغير علشان تريح دماغك

[misoalex]

هو كان المفروض الاول وش السلندر يروح يتمسح عند خراط ويتحط جوان تخين

بس هى العربيه بتسخن معاك فى الطوالى والزحمه ولا الطوالى بسسسس

[boamengo]

تسلمو على الرد

العربية بتسخن معايا على الطوالى والمروحة بتشتغل والحرارة بتعلي مش بتنزل

بس فكيت وش السلندر عند ميكانيكي تانى لقيت الجوان الى عملته ضرب تانى

روحت بالوش للراجل الى مسحه قبل كدا قالي مفيش فيه مشكلة ,, رجعت للميكانيكي قالي ان الى حصل دا عشان الوش مكنش متربط كويس والعربية اول ما سخنت ضربت جوان

دلوقتي عملت جوان تانى اشتريت 2 جوان وش سلندر وجربت اول ما طلعت من عنده الحمد لله مظبوطة وربنا يكرم وتتظبط على طول

[misoalex]

يبقى المكانيكى الاولانى نص كم ومربطش على الوش
او حتى على الاقل كان قالك تعالى تانى اربطهولك
يلا الحمد لله قدر الله وما شاء فعل
المهم بعد يومين ارجع تانى للمكانيكى يتأكد انه مربوط كويس لان الجواانات ممكن تريح مع السخونيه خصوصا لو نوعها مش كويس وانت حاطط 2 جوان

[peposupervisor]

من فضلك روح لميكانيكي او خراط مواتير تاني يكون معروف يكشفلك علي الوش

[boamengo]

تسلم على الرد

فعلا روحت كشفت على الوش لقيته سليم ومفيهوش حاجة ومش عايز يتخرط

الى حصل دا من ان الميكانيكي مقاليش ارجعلو على اربط على الوش لانه زي ما قال ميسو مع السخونية بيريح والعربية ضربت جوان بس الحمد لله ركبت جوانين والميكانيكي ربط كويس وهروح اراجع عنده تانى

بالتوفيق

[misoalex]

تسلم على الرد

فعلا روحت كشفت على الوش لقيته سليم ومفيهوش حاجة ومش عايز يتخرط

الى حصل دا من ان الميكانيكي مقاليش ارجعلو على اربط على الوش لانه زي ما قال ميسو مع السخونية بيريح والعربية ضربت جوان بس الحمد لله ركبت جوانين والميكانيكي ربط كويس وهروح اراجع عنده تانى

بالتوفيق

الحمد لله طلعت انها جوان بس مبروك

[boamengo]

تسلم على اهتمامك وسرعة الرد ميسو

بالتوفيق