مشكلة جديده في السيينا

[ragab_moustafa]

السلام عليكم ورحمة الله
انا عندى عربية سيينا 1400 فيها مشكلتين عاوز استشيركم فيها
اولا في الزحمة وفي الاشارات العربية بتبطل لوحدها على العلم ان السلنسية بتاعها كويس وما بتعملش كده غير ودرجه الحرارة عالية والدنيا زحمة المصيبة انها ما بتدورش تانى بسرعة لازم استنى عليها حوالى خمس دقايق طبعا يكون كل الى في الشارع هزأنى لانى موقف الشارع

اما المشكلة التانية
ان التكييف بيجيب مية في الدواسة لما اشغلو كتير
وديتها لكهربائي قالى ان مش عارف اية مشروخ شرخ كبير ولازم افك الطابلوة كلة لان الشرخ ورا الطابلوة
ارجو من الخبراء الافادة
يا ريت اعرف المشكلة في اية واصلحها فين ولو تقدر تقولولى تكلف كام
وجزاكم الله خيرا

[mana9wafaie]

اولا منور يا باشا قسم الفيات :embarrassed2:
ثانيا سهلة ان شاء الله..
بالنسبة للتبطيلة دة انا مقدرش افتى بس ممكن اخوانا هنا يفيدوك اما موضوع المياة بتاعت التكييف دى كانت بتحصل معايا...كنتاشغل التكييف شوية الاقى المية مالية الدواسة بس طلعت سهلة طلع الجلدة اللى راكبة فى الماسورة اللى بتسرب المية مش راكبة كويس فالمية بدل ما تطلع برة بتدخل جوة العربية بس الراجل قطع حتة من الجلدة وظبطها وفعلا من ساعتها وكلة تمام..
لو فى اى مشاكل عندك يا باشا قول واحنا كلنا نحاول نساعدك احنا هنا كلنا اخوات
سلام يا باشا

[iBiZa]

قالى ان مش عارف اية مشروخ شرخ كبير ولازم افك الطابلوة كلة لان الشرخ ورا الطابلوة

انت سيبك من الكهربائى و روح لحد بتاع تكييف. المية الى جوة العربية سببها حاجة من الاتنين:

1. ماسورة فايظ المياة مش مظبوطة او مسدودة.
2. الCoil بتاع التكييف مشروخ و فى الحالة دية لازم يطلعة عشان يتلحم برة و طبعا هيطير الفريون فا هتشحن تانى.

[Mostafa]

بص يا ريس:
أولا بالنسبه لمشكله الميه اللى فى الدواسه : من الاخر لو انت ساكن قرب مدينه نصر . روح محطه بنزين كالتكس اللى عند تقاطع عباس العقاد مع مصطفى النحاس .. شوف حد من اللى فى محطه الخدمه قوله ان الكاوتشه بتاعه مياه التكثيف بتسرب و قوله يقلبهالك أو يقطع منها حته ويظبطها وان شاء الله المشكه هتروح (مشكله عالميه فى السيينا بس سهل حلها ان شاء الله)

نيجى بقى للمشكله التانيه :
تبطيل العربيه وهيا على السلانسيه , غالبا المشكله مشكله الثروتل بودى (حساس الهواء) .. روح لحد كويس خليه يفك الحساس وينضفه بالاسبراى .. وتمم على فلتر الهواء ووصله الهواء اللى بين الفلتر والحساس و ان شاء الله المشكله تروح ... لو المشكله فضلت موجوده .. راجع على الكمبيوتر بتاع العربيه ممكن يكون محتاج تظبيطه ..

وابقى طمنا يا باشا ان شاء الله

[ragab_moustafa]

اخوانى واخواتى
انا متشكر ليكم جدا وجزاكم الله خيرا
انا روحت امبارح لمركز الخدمة الى فى المطار ورا بنزينة التعاون
حسيت انهم ناس بيفهمو اوى المهم لقو ان المقاومة والفيوز بتاع المروحة الى بيخليها تشتغل على السرعة الاولى مش شغال غيرتهم ونظفلى العربية ونفخلى هوا في مواسير التكييف
مطولش عليكم وانا راجع وبجرب العربية عملت حادثة صغير طيرت طعم الفرحة من عنيا والحمد لله على كل شئ وقدر الله وما شاء فعل
بس بصراحة مركز الصيانة الى في المطار خدمتة كويسة واسعارة بردو كويسة