تعديل جنوط برافو 2009

[Teko0o]

انا كنت حابب اسأل اهل الخبرة فى تعديل الجنوط
انا معايا برافو 2009 راكب فيها جنوط 16 اوريجينال و كنت بفكر اركب حاجة اكبر قالولى ان اكبر مقاس هيكون 17 و انا مش مقتنع بالكلام دة !!!
المهم قالولى انى هركب كاوتش 45/225 هل عرض الكاوتش دة هيأثر او هيحك فى حاجة ؟؟ وهل ال 45 دة سمك قليل اوى و هيأثر على العفشة و هتدب جامد فى اقل مطب و الكلام دة كله ؟
و الاهم الكاوتش هيستحمل ولا هيطلع بزابيز هوا علطول ؟؟؟
ارجوا الافادة علشان انا هدفع اللى ورايا و اللى ادامى و هشحت بعديها يعنى مافيش مجال للتجربة :)

[ahmedsiyam]

طبعا هاتحس بكل زلطة فى الارض و الالارتفاع فعلا هايبقى اقل و لازم تاخد بالك فى المطبات
و فى اعتقادى ان الثبات مش هايتغير لان العربية اصلا ثابتة من غير حاجة
انا رايى الفلوس دى تصرفها على الصالون احسن فرش جلد مثلا ..... او تركب صب فى العربية

[ahmad--ezzat]

طبعا لو كبرت الجنط وعرضت الثبات هيزيد ،،بس خلي الوضع كما هو خصوصا ان الجنوط ال 17 هتتعبك جامد وتتعب عربيتك
والله اعلم

[Teko0o]

هو من ناحية الثبات فأكيد هتفرق لأن العرض عندى دلوقتى 205 و اكيد فى فرق بينه و بين ال 225 :)
اللى مطمنى حبتين ان البرافو اصلا الباكيدج 6 بتنزل بجنوط 17 اوريجينال و انا هركب زيها مش هزود مقاس كبير
كل اللى خايف منه بس هو الكاوتش يضرب ولا مايستحملش و مش هقدر اغير كاوتش كل شوية :(

[Teko0o]

بالنسبة للصب بقى فأنا عندى صبين مش هحتاج حاجة تانى خالص d:

[ahmedsiyam]

عندى فكرة تانية
بدل ماتغير الجنوط طيب ماتركب كاوتش رن فلات و هايبقى ممتاز

[Teko0o]

عندى فكرة تانية
بدل ماتغير الجنوط طيب ماتركب كاوتش رن فلات و هايبقى ممتاز

ما انا هركبه مع الجنط انشألله اكيد الاداء هيفرق :)

[ayman2]

كاوتش Run on flat اعتقد لازم العربيه تكون مجهزه بامكانيه تركيب هذا النوع علشان تعرف ضغط الكاوتش من السياره والجنط 16 احسن مقاس مناسب لشوارع وطرق مصر والفرق فى الثبات مش هاتحس بيه قوى لأن العربيه اصلا ثابته وانت ممكن تجيب تيول وطنابير EBC لوعاوز تصرف (تقريبا معظمنا عامل كده ) والف مبروك عليك وربنا يبارك لك فيها العربيه ماشاء الله جميله وحاول تستمتع بيها كده

[Teko0o]

كاوتش run on flat اعتقد لازم العربيه تكون مجهزه بامكانيه تركيب هذا النوع علشان تعرف ضغط الكاوتش من السياره والجنط 16 احسن مقاس مناسب لشوارع وطرق مصر والفرق فى الثبات مش هاتحس بيه قوى لأن العربيه اصلا ثابته وانت ممكن تجيب تيول وطنابير ebc لوعاوز تصرف (تقريبا معظمنا عامل كده ) والف مبروك عليك وربنا يبارك لك فيها العربيه ماشاء الله جميله وحاول تستمتع بيها كده

الله يبارك فيك و شكرا ليك بجد :)
الطنابير دى هبقى اركبها انشألله بس لما ارجع من السفر
هو انت عربيتك برافو برضه ؟

[ayman2]

الله يبارك فيك و شكرا ليك بجد :)
الطنابير دى هبقى اركبها انشألله بس لما ارجع من السفر
هو انت عربيتك برافو برضه ؟

انا عربيتى لينيا تربو وحاولت اجيب Run on flat وخصوصا انى أعرف مستورد كاوتش يقدر يجيب اى حاجه بحلم بيها لكن بعد بحث وجدت انه لا يصلح زى ماقلت ليك انت ممكن تجيب كاوتش محترم ويكون 91V بريدجستون Potenza or Turanza او كونتينتال (كونتاكت سبورت 3 ) منشا أوربى وتعيش ياباشا

[tareket]

انا غيرت المقاص + السوست لفيات ليتيا

من 195 ل 205

نصيحة خليك بالاصلى احسن و اريح

الخلاصة

لو عاوز شكل و راحة اقل غير و ادفع فلوس

المشكلة ان شكل البرافو اصلا حلو و مش محتاج التعديلات دى.

الثبات هوا هوا بالكاوتش الاعرض لكن فيه زيادة رهيبة بالسوست الاسبور

اهم حاجة تجيب الاصلى للعرابية المعمول ليها متصدقش اى حد او صنايعى يقولك تركب يا بيه.
ممكن تخش على
fiatsportiva.de
احنا اسنوردنا السوست من هناك. بس للعلم المسعدين باظوا بعض مركبت السوست ب 15الف , ولازم يتغيروا على 100 الف, انا ماشى 97 الف

[yoko]

ال17 هيطلع بلالين للاسف
ومش هيزود الثبات كتير هيزيد بس مش قوي
السوست هتزود بس المساعدين هيضربو بدري وهتحط مساعدين سبور وهتنسى المساعدين بعد كده وثبات خراقي بس على حساب الراحة

[Teko0o]

انا غيرت المقاص + السوست لفيات ليتيا

من 195 ل 205

نصيحة خليك بالاصلى احسن و اريح

الخلاصة

لو عاوز شكل و راحة اقل غير و ادفع فلوس

المشكلة ان شكل البرافو اصلا حلو و مش محتاج التعديلات دى.

الثبات هوا هوا بالكاوتش الاعرض لكن فيه زيادة رهيبة بالسوست الاسبور

اهم حاجة تجيب الاصلى للعرابية المعمول ليها متصدقش اى حد او صنايعى يقولك تركب يا بيه.
ممكن تخش على
fiatsportiva.de
احنا اسنوردنا السوست من هناك. بس للعلم المسعدين باظوا بعض مركبت السوست ب 15الف , ولازم يتغيروا على 100 الف, انا ماشى 97 الف

ماهى المساعدين باظت علشان فى خطأ شائع و هو ان فى ناس بتغير السوست و تركب سبور من غير ما تغير المساعدين و تركبها سبور برضه . يعنى يا تغير الاتنين يا اما الاوريجينال
دة طبعا على حد معلوماتى القليلة :)