مشكلة في الأونو عندي الرجاء الدخول و الرد هاااااااااام

[semsem_uno]

الموتور عندي بيجيب زيت من الجنب الشمال من فوق فلتر الزيت بشوية (مع العلم اني غيرت فلتر الزيت و المشكلة هي هي و رحت لميكانيكي في محطة كالتكس اللي وراء السراج مول و قال لي ان كل الأونو فيه المشكلة ديه وبعدين سألت واحد اعرفه معاه فيات اونو قال لي ان عربيته مفهاش المشكلة ديه خالص) انا دلوقتي مش عارف اعمل ايه انا عربيتي فيات اونو 1000cc موديل 1993 مكتوب علي الجنب 45 بس مش مكتوب عليها فاير و لا لأ انا مش عارف الفرق ايه

الرجاء المساعدة في مشكلة الزيت علشان انا خايف اوي والله و شكرا

[semsem_uno]

ايه الكرم ده 11 واحد زار الموضوع ولم يرد واحد منهم عليا :(

[hussein]

الاونو مافيهاش المشكله دى فعلا
بس انت روح لميكانيكى كويس وممكن نادر يقولك تعمل ايه و تروح لمين

[semsem_uno]

هو ده اللي انا كنت عايز اتأكد منه
الف شكر علي اهتمامك يا غالي

[Nader]

الموتور عندي بيجيب زيت من الجنب الشمال من فوق فلتر الزيت بشوية (مع العلم اني غيرت فلتر الزيت و المشكلة هي هي و رحت لميكانيكي في محطة كالتكس اللي وراء السراج مول و قال لي ان كل الأونو فيه المشكلة ديه وبعدين سألت واحد اعرفه معاه فيات اونو قال لي ان عربيته مفهاش المشكلة ديه خالص) انا دلوقتي مش عارف اعمل ايه انا عربيتي فيات اونو 1000cc موديل 1993 مكتوب علي الجنب 45 بس مش مكتوب عليها فاير و لا لأ انا مش عارف الفرق ايه

الرجاء المساعدة في مشكلة الزيت علشان انا خايف اوي والله و شكرا

الفاير دة جيل من مواتير فيات منزلش في هنا في مصر

غير متأخر وهو حالياً موجود في الاونو الجديدة الـ1300 سي سي.

الـ45 المكتوبين عندك دول معناهم ان الموتور 45 حصان.

موديل 93 دة اخر موديل ايطالي نزل وهو يعتبر الافضل في الجيل

الثاني من الاونو.

المشكلة عندك مشكلة فردية، مش موجودة في بشكل عام في باقي

السيارات الاونو. اغسل الموتور واطلع بة مشوار وبعدين اطلع

على سيد الميكانيكي علشان يعرف يحدد مكان التسريب بالظبط.

[MEDO80]

؟

انا كان معايا اونو و فرمتها مفهاش اي حاجة من الكلام دا بس كان فيها حاجة تانية
الزيت كان بيسرب من جوان وش التاكيهات و الي سمعتة ان دية في معظم الاونو و تغير الجوان دا ب 20 جنية و لا حاجة و يقعد شوية و يجيب زيت تاني اتعودن علية
حضرتك اتاكد الاول من مصدر التسريب و دا فعلا مش حيبان غير بغسيل الموتور اولا
ثانيا اتاكد من منسوب الزيت احسن يكون بيقل
ثالثا ما تخافش العربيات الاونو دية عربيات تحفة جميلة و محترمة و بتاعة شغل و حمالة اسية
و اي حاجة فيها بملاليم و خصوصا الموديل الي عندك و مفهاش القرف الي بنشوفة في الموديلات الجدية قرف في التقفيل و حاجة وحشة جدا

[Assalizm]

واحد صحبى معاه اونو والموتور بيجيب زيت والمكانيكى قاله عايزه عمره