لقيت مكانيكى فيات فى وينجت فى اسكندريه ياترا حد جربه هنا

[misoalex]

يا جماعه انا بالصدفه ماشى فى شارع وينجت كنت داخل من شارع مصطفى كامل بعد نادى القضاه وعديت مزلقان القطار ولقيت مكانيكى فى شارع جانبى يمين عنده عربيات فيات بيترا وبونتو وبونتو كلاسيك هى ورشه صغيره كده وجنبها واحد بتاع قطع غيار وبعديها ورشه تانيه بتاعه واحد اسمه احمد السبكى تقريبا والشارع ده سد وعلى اوله قهوه عليها يافطه ليبتون

حد يعرف المكانيكى بتاع الفيات ده او اتعامل معاه او سمع عنده ؟؟

[karimalaa]

النونو اللي في صلاح الدين كان قال لي عليه قبل كده بيسوق له بس ماجربتوش...

[misoalex]

النونو اللي في صلاح الدين كان قال لي عليه قبل كده بيسوق له بس ماجربتوش...

مهو النونو بحس انه بياع كلام ممكن يكون المكانيكى نص كم بس شغال على نظام السيط ولا الغنا
وممكن يطلع محترم وفاهم فعلا بس ايه السر انه محترم ومش معروف ده انا شوفته بالصدفه

ده كان عنده ماريا وبيترا وبونتو وبونتو كلاسيك كان شغال فيها حاسس انه ممكن يطلع كويس بس خايف اجربه يبوظلى الدنيا وانا اصلا لسه عامل مشكله مع مكانيكى وربنا يستر مش عارف حترسى على ايه فمعنديش استعداد اجرب تانى
ده غير احمد لانشيا اللى ماشاء الله العربيه تروحله بعيب تطلع ب 2 او 3 بسبب الاستهتار

[Mostafa.Mahran]

البلية الى كانت عاملة الصوت ولا طلعت حاجة تانية؟

[misoalex]

البلية الى كانت عاملة الصوت ولا طلعت حاجة تانية؟

اه يا مصطفى بس ربنا يستر وتيجى على البليه بس لان لو التقسيمه اللى عملها هى اللى فيها المشكله يبقى لبست فى الحيطه

المكانيكى رحتله استعبط ويقوللى مفيهاش حاجه ومفيش صوت بس هو فعلا الصوت ساعتها كان واطى لكن موجود المهم روحتله انهارده وكان الصوت طالع ملعلع لقيت وشه اتقلب وقاللى هتهالى يوم تانى عشان فيه كذا عربيه وبتاع وكنت حعمل معاه مشكله بس قولت اخلينى وراه لحد الاخر

[karimalaa]

والله مش عارف ايه نظامه مافتيش بس على كلامه انه جامد و عنده كشف على الكمبيوتر... ورشة كهرباء و ورشة ميكانيكا و مابيشتغلش غير في الايطالي يعني على كلامه المفروض يطلع a1

[misoalex]

والله مش عارف ايه نظامه مافتيش بس على كلامه انه جامد و عنده كشف على الكمبيوتر... ورشة كهرباء و ورشة ميكانيكا و مابيشتغلش غير في الايطالي يعني على كلامه المفروض يطلع a1

تمام طب متعرفش اسمه ايه وانا احاول اسأل عليه واحد ممكن يطلع يعرفه

[karimalaa]

اسمه الحاج جابر على كلام الناوناو d:

[misoalex]

اسمه الحاج جابر على كلام الناوناو d:

ههههههههههه ماشى

[mishoooonline]

والله يامان انا ساكن هناك ومعايا بترا 2004
بقالها 4 شهور معايا
عملت تشك ع العربية عندو وغيرت سيور التقسيمة والبور وحبة حاجات كده بوجيهات و كهربا المتور وموبينة بعد اسبوع من اول ما اخدت العربية"يلاربنا يسامحو اللي باعهالي "
شغلو كويس لان مفيش عيب ظهر ف العربية من بعد الصيانة وسافرت بيها مطروح ف الصيف ده واتفسحت

واهو لسه شغالة
هههههههههههههههههههههههههههه

اه ع حسب ما سمعت انو كان شغال ف توكيل فيات وطلع ع المعاش وفتح الورشة دي هو وكام واحد من اللي كانو معاه

[misoalex]

والله يامان انا ساكن هناك ومعايا بترا 2004
بقالها 4 شهور معايا
عملت تشك ع العربية عندو وغيرت سيور التقسيمة والبور وحبة حاجات كده بوجيهات و كهربا المتور وموبينة بعد اسبوع من اول ما اخدت العربية"يلاربنا يسامحو اللي باعهالي "
شغلو كويس لان مفيش عيب ظهر ف العربية من بعد الصيانة وسافرت بيها مطروح ف الصيف ده واتفسحت

واهو لسه شغالة
هههههههههههههههههههههههههههه

اه ع حسب ما سمعت انو كان شغال ف توكيل فيات وطلع ع المعاش وفتح الورشة دي هو وكام واحد من اللي كانو معاه

تمام اوى شكرا ان حضرتك رديت على الموضوع

طب هو المصنعيات بتاعتهم ايه نظامها غاليه ولا رخيصه ومعاملتهم كويسه ولا منفوخين زى بعض الناس بدون زكر اسماء :))

وانت البيترا اللى معاك 1600 ولا كام

وربنا يباركلك فيها

[mishoooonline]

بالنسبة للمصنعيات ف المعقول
طبعا اقل من التوكيل
ان مش عارف طبعا سعرو كويس ولا لا بس انا قولك ع اللي عملتو واخد منى كام
1- اول مرة لما اشتريت لعربية كان مضحوك ع ف البطارية "متغيرة بواحدة صغيرة ومخدتش بالي وكمان وش كان بيسرب مياه وده طبعا مبيبنش الا لما تمشي بالعربية"
المهم كان نتيجة البطارية ان الدينمو باظ ومبقاش يشحن ومكانه صعب بصراحة الراجل فك نص العربية علشان يطلعو ومكانش مدايق واخدتو وصلحتو برة ورجعتهولو وركبو
وغيرلي البيل و كمان الوش اللي بيخر مياه بواحد جديد بعد ماجبتو وسيور التقسيمة والبور وحاجة كدا ف سير التقسيمة و شيك ع باقي العربية
وخد 300ج
2- ودي من اسبوع بس غيرلي الطنابير وتيل الفرامل الاتنين اللي قدام ب60 او 80 ج مش فاكر لكن مش اكتر من كدا

بصراحة الناس زوق وبالهم طويل

[mishoooonline]

اه البترا اللي معايا 1600 كاملة منوال 2004

وبالنسبة للصنايعية التانين انا متعاملتش معاهم دي اول مرة اركب فيات كان معايا بيجو 504 و 305 وبصراحة مفتقد 305 عاشت معايا لحظات حلوة
المهم من حسن الصدف بعد ما اشتريت العربية وداخل بيها الشارع ف كهربائي شاطر اسمو بحرية عند مدرسة خالد بن الوليد ف وينجت قالي ع جابر ورحتلو وده اول ميكانيكي اتعاملت معاه

[misoalex]

اه البترا اللي معايا 1600 كاملة منوال 2004

وبالنسبة للصنايعية التانين انا متعاملتش معاهم دي اول مرة اركب فيات كان معايا بيجو 504 و 305 وبصراحة مفتقد 305 عاشت معايا لحظات حلوة
المهم من حسن الصدف بعد ما اشتريت العربية وداخل بيها الشارع ف كهربائي شاطر اسمو بحرية عند مدرسة خالد بن الوليد ف وينجت قالي ع جابر ورحتلو وده اول ميكانيكي اتعاملت معاه

هو المصنعيات كده غاليه شويه يعنى تركيب التيل والطنابير من 40 ل 50 جنيه دول مسمارين بتوع الطنابير ومسمارين بتوع التيل وخلص الموضوع
بس لو شغلهم نضيف وعندهم ضمير ومتروحش هناك بعيب تروح بعبين تلاته يبقى كويس لانى جربت احمد لانشيا وبصراحه حاجه تحرق الدم مصنعيات غاليه وقطع غيار عنده غاليه وبعد كل ده تروح بمشكله واحده ترجع بمشكله تانيه غير الاولى بسبب الاستهتار بتاع اللى شغالين فى العربيات

بس انا بشكرك جدا جدا على نقل تجربتك معاهم وان شاء الله ربنا يباركلك فى عربيتك

[الأصولي]

اسمه المهندس جابر راجل محترم تخصص النوع ده من العربيات, ممكن المصنعية غالية شوية بس فيه عنده أمانة وعيبه أنه مش فاضي دايما ممكن تروح له لو العطل كبير يقولك لعد اسبوع تعالى عشان بيكون مركون عنده أكتر من 3 -4 عربيات على الأقل بيشتريلك قطع الغيار لو انت مش عارف تشتريها هو ساعدني وانا باشتري سينا 2003 من حوالي شهرين واحد قالي عليه عشان اكشف على العربية واشوف تستاهل السعر المطلوب وخلصت فيها على 35 ألف وكانت محتاجة علبة دريكسون واديته 100 جنيه للكشف والمشورة من غير ما يطلب مع ان الأخ اللي قالي عليه قال الكشف بالجهاز 50 جنيه ومن خلال تعاملي معاه بخصوص علبة الدريكسيون فالمصنعية لتركيبها 300 جنيه وهند غيره 200 بس يستاهل.