ماتور جديد 128

[heshamal]

الاخوه الاعزاء
انا عارف ان موضوع تسقيط ماتور لل 128 اتكلمتم فيه كتير و انا تابعت كل الردود.. انا عندى 128 عادة موديل 71 معانا من الزيرو مافيهاش اى مشكل غير ان الماتور كان تعبان و بياكل زيت و ماشى لغاية ما سير الكاتينه اتقطه و جابت وش سلندر و اتركنت
انا نويت اغير الماتور لواحد افضل و احدث و اوى
انا فهمت كده من مواضيع التسقيط ان انسب حاجه هو الانشيا 1300 بالفيتيس بتاعه و انا مش بتاع شد فمش ناوى على المواتير 1500 او 1600
روحت للمكانيكى الى بثق فيه اساله فى الموضوع داه قالى كلام غريب
قالى ان الانشيا 1300 احسن حاجه و داه تمنه 3000 جنيه بالفيتيس و قالى خلى بالك فى فيتيس سريع و فى بطى و انه حيعدل الفتيس يقعد على القنطرة داه غير شويه دعديلات حبشتكانات !!!!!!!
و قالى كمان ممكن يطلع حظك الماتور 1500 اصل مش بيبان لما تيجى بتشترى!!!
انا تهت و مش فاهم حاجه ياريت تساعدونى اعمل ايه و اجيب منين و ياتى ايه الاسعار دلوقتى
شكرا

[hassanin_lada]

طب مابتاع الريجاتا حلوه ومش محتاج تعديلات وموفر في البنزين وسحبه فوق الممتاز شرطالحاله

[مواطن مصرى]

افضل موتور للـ 128 عن تجربه ناس كثير هو موتور الريجاتا 1300 سى سى بالفتيس بتاعو ...
سعره هيكون اقل من 3000 جنيه على فكره ..
فكره تعديل الميزان و القنطره و عصايه الفتيس دى حاجه طبيعيه و سهله علشان الفتيس الجديد 5 غيار بينما فتيس الـ 128 العادة 4 غيار فلازم يتعمل التعديل ده علشان الفتيس الجديد يركب صح و تعرف تجيب الخامس ...

المهم فى الموضوع :
- لازم الموتور الاستيراد يكون له ورق سليم علشان تعرف تثبته على الرخصه
- تشترى الموتور الاستيراد على التجربه و لو فيه مشكله ترجعه (تبدله بواحد تانى او تاخد فلوسك)
- لازم تغير فى الموتور الاستيراد اول ما تركبه السيور - الجوانات - الشداد العلوى - القواعد اللى فى حوض
- لو الموضوع مشى تمام الموتور الاستيراد لازم تلينه الاول كأنك عامل عمره مش تجرى على طول بالعربيه

و ربنا يوفقك ...

[hassanin_lada]

كلام سليم بس انا عندي ملحوظه وهي انه لما يجيب المتور ويلينه يبقي هو كده مش جايب ماتور استيراد يبقي جايب متور طالع من عربيه عامله حادثه ومتباعه قطع والمتور ده اتعمله عمره وبيتباع علي انه استيراد وهنا الفرق كبير

[heshamal]

شكرا

انا شاكر على الردود جدا و هو فعلا ماتور الريجاتا 1300 هو انسب حاجه بس يا ترى اجيبه منين ؟ يعنى انزل بور سعيد ؟؟؟ ولا عزبة شلبى مع ان فى ناس بتقولى بلاش تجيب من هناك ولا الحرفييين ؟؟؟
وبعدين انا سمعت معلومة ان المواتير بتبقى مركونه فى بو سعيد فتره طويلة فلما بتركب و تشتغل لازم يتعملها طقم شنبر و الا بتدخن؟؟؟؟

[عكشا]

متابع

[heshamal]

تالع للموضوع

الاخوه الاعزاء .. انا نزلت امبارح عزبة شلبى اسأل على المواتير لقيتها عكس ما كنت متوقع .. مواتير 128 1100 من غير فيتيس 1800 جنيه و بالفتيس 2400 و لو 5 غيار 2800 جنية و المعلومة الجديده ان معظم الشغل بيجى من قبرص و سلوفكيا و دى دول فقيره و الماتور بيجى مخروط قبل كده و طالع عينه
اما المواتير الايطالى او اتحاد اوربى فملاقتش غير واحد عنده مواتير الريجاتا و الرتمو بصراحة مواتير شكلها تحفه بس عاوز 3000 جنية
لما رجعت للميكانيكى قالى انهم محتاجين تعديل
1- الهيد بتاع الماتور بتاعى لازم يركب بدل بتاع الماتور الاصلى علشان الشداد العلوى
2- اعدة الفتيس لازم تتعمل عند الخراط لان فتيس 128 على قنطره
3- طبعا تغيير السيور و الزيت و طقم الكهرباء ....
وهو عاوز 500 جنيه مصناعية
كده الدنيا داخله فى 4000 جنيه
مش عارف ايه رايكم؟؟ اتصرف ازاى؟؟

[walidzakzok]

الاخوه الاعزاء .. انا نزلت امبارح عزبة شلبى اسأل على المواتير لقيتها عكس ما كنت متوقع .. مواتير 128 1100 من غير فيتيس 1800 جنيه و بالفتيس 2400 و لو 5 غيار 2800 جنية و المعلومة الجديده ان معظم الشغل بيجى من قبرص و سلوفكيا و دى دول فقيره و الماتور بيجى مخروط قبل كده و طالع عينه
اما المواتير الايطالى او اتحاد اوربى فملاقتش غير واحد عنده مواتير الريجاتا و الرتمو بصراحة مواتير شكلها تحفه بس عاوز 3000 جنية
لما رجعت للميكانيكى قالى انهم محتاجين تعديل
1- الهيد بتاع الماتور بتاعى لازم يركب بدل بتاع الماتور الاصلى علشان الشداد العلوى
2- اعدة الفتيس لازم تتعمل عند الخراط لان فتيس 128 على قنطره
3- طبعا تغيير السيور و الزيت و طقم الكهرباء ....
وهو عاوز 500 جنيه مصناعية
كده الدنيا داخله فى 4000 جنيه
مش عارف ايه رايكم؟؟ اتصرف ازاى؟؟

توكل على الله انا شايف انك هاتحيي العربية خليك فى موتور الريجاتا احسن وانا شايف المصنعية فى المعقول

[ابو لؤى]

تبيعها على حالها وانا اظبطها

[heshamal]

شكرا

شكرا و حبدأ انشاء الله فى التنفيذ و انا لا انوى للبيع اطلاقا فالسيارة معانا من 40 سنة

[مواطن مصرى]

الاخوه الاعزاء .. انا نزلت امبارح عزبة شلبى اسأل على المواتير لقيتها عكس ما كنت متوقع .. مواتير 128 1100 من غير فيتيس 1800 جنيه و بالفتيس 2400 و لو 5 غيار 2800 جنية و المعلومة الجديده ان معظم الشغل بيجى من قبرص و سلوفكيا و دى دول فقيره و الماتور بيجى مخروط قبل كده و طالع عينه
اما المواتير الايطالى او اتحاد اوربى فملاقتش غير واحد عنده مواتير الريجاتا و الرتمو بصراحة مواتير شكلها تحفه بس عاوز 3000 جنية
لما رجعت للميكانيكى قالى انهم محتاجين تعديل
1- الهيد بتاع الماتور بتاعى لازم يركب بدل بتاع الماتور الاصلى علشان الشداد العلوى
2- اعدة الفتيس لازم تتعمل عند الخراط لان فتيس 128 على قنطره
3- طبعا تغيير السيور و الزيت و طقم الكهرباء ....
وهو عاوز 500 جنيه مصناعية
كده الدنيا داخله فى 4000 جنيه
مش عارف ايه رايكم؟؟ اتصرف ازاى؟؟

لو موتور الريجاتا 1300 بالفتيس بتاعو و حالتو سليمه وورقه سليم و تتفق انك تاخده على التجربه بسعر 3000 جنيه يبقى كويس و اتكل على الله ...

موضوع الشداد العلوى و قواعده الموتور و قاعده الفتيس و الغاء القنطره انا قلت لحضرتك ان الكلام ده كله بيتغير عادى جدا متخافش ..

موضوع تغيير السيور هو سير الكاتينة و الدينامو (الاثنين على بعض بـ 75 جنيه) و طاقم الكهرباء هتغير المشط (مفيش ابلاتين و كوندنسر فى الريجاتا) و البوجيهات و سلوكها و كل ده بأقل من 200 جنيه و الزيت هتحط جركن زيت التعاون البرتقالى (67.5 جنيه) للتليين الموتور + صفيحة بنزين (37 جنيه لو هتحط 92)

مصنعيه الميكانيكى 500 جنيه انا شايفها كثيرة شوية بس يعنى مفرقتش 100 جنيه فى موضوع هيكمل 4000 جنيه ...

توكل على الله لو واثق فى الموتور و الميكانيكى ...

[hassanin_lada]

علي فكره ماتور الريجاتا يشتغل بابلتين وكوندونسر عادي

كان في عربيتي القديمه فيات 128 1300 سي سي