بطارية التمبرا ولا الدينمو؟؟

[elbashanour]

السلام عليكم ورحمة الله وبركاته

انا عندي مشكلة ومش عارف حلها ودخت عليها عند الكهربائية ومش عارفين حلها

انا عندي عربية تمبرا مو93
كل ما اجي اشغل النور العالي البطارية تنام
روجت للكهربائي قالي البطارية فيها مشكلة بعد ما قاس الدينامو وغير المياه بتاعة البطارية عشان البطارية سايلة وكانت البطارية 55 امبير
وبعد 3 كهربائية قالوا نفس الكلام روحت مغير البطارية بواحدة جافة 60 امبير
العربية مشيت فولة شامعة منورة وبعد اسبوع عملت نفس المشكلة
روحت للكهربائي قالي الدينامو مافيهوش مشكلة لاني كل ما ادوس بنزين النور بيقوا
بس لاحظت شئ ان مياة المساحات بتعمل نفس القصة ومروحة الكابينة نفس الموضوع لما ازود يروح الهوا يزيد لما اشيل رجلي ماحسش ان المروحة شغالة
فمش عارف اجيب بطارية 70 ولا اغير الدينامو
بس بصراحة الواحد تعب من الكهربائية اللي مش بيفهموا؟؟

[ahmed_gamal777]

ممكن تبص على الدينامو وكتاوتة
وسير الدينامو اخبارة اية
لكن ان شاء اللة البطارية سليمة
وعلى فكرة التمبرا بطارية 70 امبير
مش 55 امبير

[elbashanour]

انا بصيت علي السير وكله تمام والكهربائي قالي ان الدينامو شغال كويس وبيشحن تمام

[elbashanour]

انا عندي البطارية 60 امبير دلوقتي يا تري شغالة ولا بردك نفس المشكلة ولو غيرتها ب70 امبير حاتبقي الكهربا تمام ولا لا

[JUVENTUS]

البطاريه ملهاش دعوه انا كنت شغال قبل كده ببطاريه 55 عادي جدا و خصوصا ان البطاريه جديده
غالبا الدينامو هو السبب و الله اعلم
جرب برضو تشيل الارضي بتاع العربيه سنفره و نضفه تمام و ركبه تاني ممكن يفرق معاك

[elbashanour]

والارضي ده اعرفه منين
معلش غشان انا اول مرة اركب عربية

[JUVENTUS]

المكان اللي السهم عليه في الصوره
جنب البطاريه كده زي ما السهم مشاور و انزل لتحت شويه هتلاقي ترملتين كده مربوطين بمسامير في شاسيه العربيه دول الارضي

[elbashanour]

شكرا ليك يا باشا ان شاء الله حابص عليه وارد عليك

[elbashanour]

معلش ممكن اسال سؤال هو ليه الكاربراتير عندك مختلف شغله عن اللي عندي االي عندي ليه طاسة مربعة

[JUVENTUS]

عندك زي كده تقصد


العمه اللي عندي دي عشان انا كاربيراتير عادي لكن المربعه دي بتاعت الانجكشن

[elbashanour]

اه زي دي بالظبط بس انا كان عندي انجكشن بس الوالد قلبه عادي قبل ما خدا العربية منه بس يا راي حضرتك ايه ارجعه ولا اسيه عادي زي ما هو

[JUVENTUS]

اه زي دي بالظبط بس انا كان عندي انجكشن بس الوالد قلبه عادي قبل ما خدا العربية منه بس يا راي حضرتك ايه ارجعه ولا اسيه عادي زي ما هو

انا شايف ان الانجكشن اريح طبعا من الكاربيراتير و حتى ارخص كمان بس لو انت مرتاح مع العربيه و الكاربيراتير شغال كويس خليها طبعا

[ahmed_gamal777]

انا شايف ان الانجكشن اريح طبعا من الكاربيراتير و حتى ارخص كمان بس لو انت مرتاح مع العربيه و الكاربيراتير شغال كويس خليها طبعا

تسلم يا كبير