للخبراء واللي احتاسو قبلي "بترا/سينا"

[mishoooonline]

عاوز مكان ف اسكندرية لفك وتسليك وتنضيف الرداتير
طبعا عاوز حد تمام مش .....
علشان مش ناقص

للاسف الحرارة بتاعت العربية بتعلي ل 95/97
واحب اطمنكم المروحة شغالة وبتبرد كويس لكن اللي مضايقنى انها شغالة علطول
وكشفت عند مركز صيانة وقالي مفيش مشكلة ف الماتور وتقريبا عاوز تنضف الرداتير بتاع العربية


لو حد يظبط مش هنسالو الخدمة دي

[DONYO]

نصيحة بلاش موضوع فك الردياتير دة وتسليكة لانك هتضطر تفك وش العربية والاكصدام الامامي علشان يعرفوا يطلعوا الردياتير دة غير انه بعد ما هيفكة ويسلكة هيقفلة بالسليكون المصري طبعا او الصيني وممكن ينفس بعد كدة لو الراجل مش تمام وتخش في مشاكل حرارة انت في غنى عنها.
طب والحل ؟
ممكن حضرتك تستنضف بنزينة يكون عندها جهاز غسيل دورة التبريد وتحط في الجهاز اثناء الغسيل اي مزيل صدأ ويفضل حاجة محترمة زي abro ودة ماركة امريكي وفي حدود 20 جنية الكان بتاعتها وبعد الغسيل تحط كان كمان منه وتاخد هواء من دورة التبريد وان شاء الله هتكون كويسة.

[Gelgel2004]

نصيحة بلاش موضوع فك الردياتير دة وتسليكة لانك هتضطر تفك وش العربية والاكصدام الامامي علشان يعرفوا يطلعوا الردياتير دة غير انه بعد ما هيفكة ويسلكة هيقفلة بالسليكون المصري طبعا او الصيني وممكن ينفس بعد كدة لو الراجل مش تمام وتخش في مشاكل حرارة انت في غنى عنها.
طب والحل ؟
ممكن حضرتك تستنضف بنزينة يكون عندها جهاز غسيل دورة التبريد وتحط في الجهاز اثناء الغسيل اي مزيل صدأ ويفضل حاجة محترمة زي abro ودة ماركة امريكي وفي حدود 20 جنية الكان بتاعتها وبعد الغسيل تحط كان كمان منه وتاخد هواء من دورة التبريد وان شاء الله هتكون كويسة.

السلام عليكم
عن تجربتى الشخصيه
1/ بنظف الرادياتير كل 2 سنه فك و تركيب من غير سيلكون عند و احد كويس بتكلفه متوسطه 60 جم للمره الواحده - بدون ميه نار - تسلليك بس
2/بعدها غسيل دوره المياه فى محطه البنزين ثم اضافه الميه المركزه ب 50 %
3/ معرفش ان كان فيه حد فى اسكندريه بيعمل كده و الا لا بس لاالموضوع عاوز حد عمله قبل كده علشان موضوع فك الاكصدام.
تحياتى للجميع...