عن فيات ريجاتا ( سبعاوي)

[Abonora]

الريجاتا برغم انها جائت خليفة لل131 الناجحة إلا انها لم ترث أى شئ من ال131، الريجاتا مبنية على نسخة مكبرة قليلا من قاعدة عجلات الريتمو التى هى نسخة معدلة قليلا من ال128، اما محرك الريجاتا فهو نفسه محرك ال128 والريتمو مع إختلاف السعة اللترية (1500) والتى جاءت نتيجة لتغيي قطر المكبس ومشواره فقط، ولكن فيما عدا ذلك المحرك هو نفس محرك ال128، وبالمناسبة هو نفسه محرك الريتمو والتمبرا والدوجان والشاهين واللانشيا ديدرا وأول نسخة من السيينا
تتيمز الريجاتا بصالون واسع ومستوى فخامة عالى جدا وتابلوه انيق يحتوى على إمكانيات عدية جعلت الريجات أعجوبة فى عصرها، كما أضيف لها بعض التعديلات العملية عن ال128 صاحبة التصميم الأصلى مثل تعديل مكان تنك البنزين ليسمح بوضع الفردة الإحتاطية فى الشنطة الخلفية، وتركيب دعامة لحوض المحرك تمنع فتح الشاسية(الى حد ما)
نظام تعليق وجر الريجاتا هو نفسه الخاص بال128 وإن كانت بعض الاجزاء تختلف مقاساتها فقط وليس شكلها بين السيارتين
محرك الريجاتا ذو كامة علوية واحدة و8 صبابات، مثبت بعرض السيارة يولد قدرة قصوى 85 حصان
نظام الجر أمامى ذو خمسة سرعات امامية وواحدة خلفية عن طريق محاور جر عرضية غير متساوية الطول ووصلات سرعة ثابتة(كبالن)

مميزات الريجاتا: واسعة، فخمة بالنسبة لسيارات عصرها، لا بأس بثباتها على الأرض، فطع غيارها وخاصة الميكانيكية رخيصة جدا ومعظمها هى نفس المستعملة مع ال128 ، من اسهل السيارات فى الصيانة فى مصر،محركها صوته معقول وسحبها معقول

عيوبها: قديمة، من الصعب العثور على سيارة جيدة ومعظم الموجود بالسوق حالته غير مشجعة، شاسيهها بيفتح بسرعة لو المساعدين مش سليمة، صاجها سريع الصدأ

الخلاصة: لو قدامك سيارة ريجاتا سليمة شاسية وصالون وحالة عامة (حتى لو توجد عيوب بسيطة بالمحرك أو ألات الجر) خدها مش هاتتعبك لإن العناية بها فى مصر سهلة، لكن خلى عينيك فى وسط راسك لو لسة هاتدور على عربية لأان معظم اللى فى السوق مخلع، لكن لو وقعت على واحدة سليمة بشكل مؤكد، خدها مش هاتزعلك

لريجاتا عربية ممتازة لو عرفت تلاقى واحدة سليمة، هاتتعب شوية لحد ما تلاقى واحدة كويسة بس بعد ما تلاقيها هاتستريح

بالنسبة لفروقات الريجاتا من النوفا ريجاتا هى كلها فى الكماليات، الزجاج الكهربائى والتكييف وشكل أوكر الابواب الخ

بالنسبة لحكاية فتح الشاسيه ، هاتلها مساعدين جداد كويسين وريح نفسك

موديلات الريجاتا

اما ال الريجاتا ال100 فهى كانت مستوردة ومحركها 1600 وبيطلع 100 حصان، اظن انه كان 2 كامة زى محرك ال132 1600 بس مش متاكد، بس دى حاجة ممكن تتاكد منها بسؤال بسيط او مجرد نظرة لو انت عارف شكل الموتور ال2 كامة، بس عموما حتى لو 2 كامة فبرضة قطع غيارة كتير لأن محرك ال132 1600 زيه بالظبط

قطع الغيار

بالنيبة لاسعار قطع الغيار الخارجية الخاصة بالريجاتا فهى اغلى من ال128 او الشاهين مثلا، ولكنها ليست بغلاء الجديد، اما الاجزاء الميكانيكية فهى فى نفس مستوى ال128،

منقول من مشاركات كبير مهندسي المنتدي
سبعاوي

[magomago]

شكــــــــــــــــــــــــــــــــــــــــــــــتر ا على الافاده

[zizophone]

الف شكر بجد معلومات اول مرة اعرفها عن الريجاتا

[hossam_nasr]

ممكن كتالوج صيانة الريجاتا

[shamsman]

شكرا

شكرا على المعلومات وياريت كاتلوج الصيانة يكون موجود

[mohsen128]

بجد انا بفكر اغير ال 128 واجيب النوفا ريجاتا ، واكيد هدور على حاجه كويسه
بس كنت عايز اعرف من حضرتك سعرها هيكون في حدود كام ،
وشكراً

[Lord of the flies]

فمن 22 الف الى 30 حسب الحالة

[mohamed ibiza]

الف شكر يا ابو نورا:)

[mohsen128]

شكراً يا لــورد

[sherif_habeb]

الله ينور عليك شكلك راجل فاهم تمام 100%

[mahamedaraby]

طيب انا كنت عايز اسقط موتور فى 128 بتاعتى اسقط ريجاتا ولا لانشا انهى الافضل من القوه وقطع الغيار والمناسب للعربيه