استفسار ضرورى بخصوص 128 موديل 2007/2008

[hossam_chixo]

بسم الله الرحمن الرحيم

ارجو التأكد من سعر 128 موديل 2008 لحسن انا اتخضيت لما سمعت انها بقيت بــ42500 بجد مش معقول دى موديل 2007 منها بــ 37000 يعنى فى سنة زادت فى حدود 5000 او 6000 والله حرام بجد الواحد يدفع فى عربية زى دى
ولا المعارض هيا الى زودت سعرها اصل وبالذات المصرية للسيارت دول حيتان و حرامية اخر حاجة و اسعرهم الى فى الجرنان غير الى بيقولها لما تروح
و الدليل على كدة عندى واحد صاحبى راح هو وباباة عشان يشترو عربية شاهين 2007 لاقو سعرها زايد عن الجرنان بحوالى 2000 جنية او اكتر مش فاكر والله
و هل 128 ممكن ترخص كمان فترة قصيرة ولا اية نظامها و لو فضل سعرها على كدة ما اعتقدش ان حد هيشتريها و كلهم هيروحى على الماروتى على الاقل الماروتى تبع سوزوكى و سوزوكى يابانىو على الرأى اى حاجة يابانى حتى لو مش كلها اشتريها و انت مطمن والله انا احترت اكتر......

[y_omran]

فعلا بنفس سعر السوزوكى الالتو تبقى الالتو احسن مليون مرة

[hossam_chixo]

اية يا جماعة فين الردود انا دخلت حتة غلط و لا اية..................

[فادى]

هى احسن من السوزوكى بمراحل,
اولا الماروتى و الألتو هندى مش يابانى و لا حاجة, مع تحفظى على عبارة "يابانى" هذه تماما,
و قولى ايه اخبار السوزوكى السويفت دلوقتى؟! اليابانى!!
يا راحل ده ال128 الى من سنة 75 حالتها بتبقى احسن من السويفت موديل التسعينات.
ال128 اقوى من الماروتى بمراحل, و أكثر ثباتا و أكثر متانة (هى مش متينة عموما لو قارنتها بالسيارات الأخرى), و أفضل أداء و تنتمى فى النهاية لاسم عريق, و رغم انها صممت عام 1969, الا ان شكلها مازال مقبولا الى الأن, و التكنولوجيا بتاعتها ربما أفضل من الماروتى و معمرة أكثر.
ناهيك طبعا عن أن ال128 عربية, انما الماروتى دراجة نارية بأربعة عجلات لا أكثر.

[mohamed2002]

هى احسن من السوزوكى بمراحل,
اولا الماروتى و الألتو هندى مش يابانى و لا حاجة, مع تحفظى على عبارة "يابانى" هذه تماما,
و قولى ايه اخبار السوزوكى السويفت دلوقتى؟! اليابانى!!
يا راحل ده ال128 الى من سنة 75 حالتها بتبقى احسن من السويفت موديل التسعينات.
ال128 اقوى من الماروتى بمراحل, و أكثر ثباتا و أكثر متانة (هى مش متينة عموما لو قارنتها بالسيارات الأخرى), و أفضل أداء و تنتمى فى النهاية لاسم عريق, و رغم انها صممت عام 1969, الا ان شكلها مازال مقبولا الى الأن, و التكنولوجيا بتاعتها ربما أفضل من الماروتى و معمرة أكثر.
ناهيك طبعا عن أن ال128 عربية, انما الماروتى دراجة نارية بأربعة عجلات لا أكثر.

بس علي السعر اللي وصلت لة دة يا استاذ فادي ممكن يجيب لة دايو استعمال وحتعمل 45 الف وحتكون فيها اوبشن كتير مش متوفرة في ال 128 ولو عاوز عربية عملية ممكن يجيب لادا او شاهين حتكون افضل ولا رائيك اية ؟

[فادى]

بس علي السعر اللي وصلت لة دة يا استاذ فادي ممكن يجيب لة دايو استعمال وحتعمل 45 الف وحتكون فيها اوبشن كتير مش متوفرة في ال 128 ولو عاوز عربية عملية ممكن يجيب لادا او شاهين حتكون افضل ولا رائيك اية ؟

ديه وجهة نظر صحيحة, لكن احنا بنتكلم عن الزيرو,
و فيه ناس بتحب الزيرو لأسباب نفسية بحتة (زيى مثلا), احساسك بانك اول واحد تستخدم السيارة و رائحة تابلوه الزيرو المميزة و الأكياس التى تغطى بها الكراسى, هذا الاحساس له ثمنه فى نظر البعض.

[mohamed2002]

ديه وجهة نظر صحيحة, لكن احنا بنتكلم عن الزيرو,
و فيه ناس بتحب الزيرو لأسباب نفسية بحتة (زيى مثلا), احساسك بانك اول واحد تستخدم السيارة و رائحة تابلوه الزيرو المميزة و الأكياس التى تغطى بها الكراسى, هذا الاحساس له ثمنه فى نظر البعض.

طبعا الزيرو ليه طعم تاني لكن في 128 مش حتحس بفرق كبير لان كنت قريت ان الموديل الجديد خاماته مش حلوة ,الشاهين تقفيلها افضل بكتير ,فكر في الادا مقاربة للسعر وبيركب لها تكييف وباور او فكر في دايو استعمال ودة الحل الافضل

[hossam_chixo]

والله الف شكر يا جماعة على الردود دى لكن برضو محدش فادنى فى حكاية سعر فيات 128 موديل 2008 لحسن انا عاوز اتأكد من سعرها دة و اية سبب ارتفاع سعرها كدة
و اتمنى منكو المزيد و الف شكر

[mohamed2002]

والله الف شكر يا جماعة على الردود دى لكن برضو محدش فادنى فى حكاية سعر فيات 128 موديل 2008 لحسن انا عاوز اتأكد من سعرها دة و اية سبب ارتفاع سعرها كدة
و اتمنى منكو المزيد و الف شكر

تقريبا السعر 42500 تقريبا

[ayman_kamal]

سعر فيات 128 موديل 2008 في المصرية امبارح 45000

[Nader]

نصيحة لوجة الله، بالسعر دة اشتري لادا.