تغيير تابلوه الريجاتا بتابلوه سيينا

[alaaelgazar]

السلام عليكم ورحمة الله وبركاته
انا معايا ريجاتا 85 - التابلوه بتاعها سيء جدا
نزلت عزبة شلبي امبارح ودورت كتير جدا وللاسف لقيت اسعار خرافية للتابلوه الاستيراد لقيته عامل 2200
وكمان بتاع الريتمو اللي مكنش بيجيب 600 جنيه لقيته معدي الالف
المهم كان معايا راجل ميكانيكي محترم اوي قالي انه عمل تعديل قبل كده اكتر من مرة وركبلها تابلوه السيينا
وفعلا اشتريت قاطمة السيينا والتابلوه كاملين مش ناقصين اي حاجة وحالتهم ممتازة جدا بــ 1200 جنيه
انا ان شاء الله هبدأ اشتغل فيهم بكرة وهرفعلكم الصور بعد ما نخلص باذن الله

[mado83]

ياريت ينفع لان تابلوه السيينا افضل من تابلوه الريجاتا بصرف النظر عن فرق السعر
ربنا معاك

[loserdavie]

بالله عليك واغلى حاجة عندك تقولى على طول وحجيلك على طول

[alaaelgazar]

بالله عليك واغلى حاجة عندك تقولى على طول وحجيلك على طول

باذن الله الكهربائي يبدأ يشتغل فيه النهاردة
وقالي هياخد يومين بالكتير علشان تقسيم التكييف اول ما هخلص هرفع الصور فورا
وبصراحه هو التابلوه شكله روعه
وبالمناسبة فيه تابلوه بتاع الدايو نوبيرا برده يركب على الريجاتا مظبوط

[kar!m]

حلوه و الله الفكرة دي.

تابلوه السينا شكلا أفضل طبعا .. و أحدث .. مع ان تابلوه الريجاتا كان سابق عصره أيامها بكمبيوتر الأعطال اللي كان فيه.

ربنا يتمها لك على خير.

[abadawy]

متابع

[tarek elbadry]

باذن الله الكهربائي يبدأ يشتغل فيه النهاردة
وقالي هياخد يومين بالكتير علشان تقسيم التكييف اول ما هخلص هرفع الصور فورا
وبصراحه هو التابلوه شكله روعه
وبالمناسبة فيه تابلوه بتاع الدايو نوبيرا برده يركب على الريجاتا مظبوط

السلام عليكم
حضرتك تبلوةبيركب على نفس القواعد والدوران بتاع البربريز مزبوط والعددات ها تشتغل تمام عداد السرعة ها يركب على الطبلوم الجديد
وبالنسبة لتبلوم النوبيرة انهى اللى يركب الون ولا التو
وشكرا

[alaaelgazar]

السلام عليكم
حضرتك تبلوةبيركب على نفس القواعد والدوران بتاع البربريز مزبوط والعددات ها تشتغل تمام عداد السرعة ها يركب على الطبلوم الجديد
وبالنسبة لتبلوم النوبيرة انهى اللى يركب الون ولا التو
وشكرا

التاباوه السيينا بيتقطع منه دوران من ناحية البربريز بس بصراحة الكهربائي خلاها متساوية وتمام
موضوع العدادات والانوار كاملة والتكييف انا سألته عليهم قالي الكل هيشتغل بس طبعا مش هيبان الا لما يخلص شغل خالص
وده المفروض باذن الله بكرة
بس هو عموما ركب التابلوه كروكي كده في مكانه وشكله كان تمام الى حد كبير
بالنسبة للنوبيرا انا بصراحة معرفش بالتحديد النوع اللي يركب
هسأل وأتأكد بكرة وابلغك

[bobbozo4b]

فكرة عبقرية ربنا يوفقك
واهم حاجة التركيب النظيف والتشطيب
وفى انتظار الصور ياكبير

[ahmed_gamal777]

بالتوفيق وانتظار الصور يا كبير

[alaaelgazar]

شكرا على ردودكم كلكم يا شباب
النهاردة ركبنا التابلوه مكانه والكهربائي قسم الانوار ودراعات الاشارات والمساحة وعمل خراطيم التكييف وشغل الانوار كلها تمام بس عداد rpm هو الحاجة الوحيدة اللي موصلتهاش لانه مكنش مظبوط
غير كده كله تمام اوي
بكرة باذن الله الميكانيكي هيعمل تعديل القاطمة بتاع الدريكسيون ويبقى كده كله تمام

[ahmedesmat1987]

متابع

[alaaelgazar]

التاباوه السيينا بيتقطع منه دوران من ناحية البربريز بس بصراحة الكهربائي خلاها متساوية وتمام
موضوع العدادات والانوار كاملة والتكييف انا سألته عليهم قالي الكل هيشتغل بس طبعا مش هيبان الا لما يخلص شغل خالص
وده المفروض باذن الله بكرة
بس هو عموما ركب التابلوه كروكي كده في مكانه وشكله كان تمام الى حد كبير
بالنسبة للنوبيرا انا بصراحة معرفش بالتحديد النوع اللي يركب
هسأل وأتأكد بكرة وابلغك

تابلوه الدايو لانوس والنوبيرا 1 و 2 ينفعوا بس القصة في الكهربائي اللي هيقفل ويقسم

[tarek elbadry]

متابع

[alaaelgazar]

اخيررررررررررررررررا بالصور تركيب تابلوه فيات سيينا للريجاتا