محتاج مساعدة من مالكى البرافو

[Nader92]

انا كنت بدور الايام دة على برافو مستعملة من موديل 2009 لحد موديل 2011 و كان عندى كام سوال هل العربية فيها اى عيوب او مشاكل بذات فى الفتيس مع العلم ان كان معايا ابيزا 2010 كسر زيرو و بعتها بعديها ب شهرين خوفا من انها تجيب فتيس DSG 7 فا مش عايز اتلدغ تانى من حكاية الفتيس دة فياريت حد يرسينى

سوالى ال تانى انا طبعا بدور على ال 1400 T-jet و سمعت انى لازم احطلها بنزين 95 عشان التربو و لو حطيت 92 هسمع صوت تخبيط و تسقيف و دلؤتى سمعت انهم رفعوا الدعم من ال95 و بقى ب 4.5 جنية للتر الواحد فدة خراب بيوت...فياريت حد يفهمنى و ينصحنى......

وشكرا

[damasry]

فتيس الفيات اسمه دوالوجيك وده مختلف شوية عن الdsg لانه ديسك واسطوانة مش ديوال زى الdsg وعلى العموم هو مفيش منه مشاكل ومحدش واجهته مشاكل مع الفتيس وهو بينزل فى البرافو والجراند بونتو ومؤخرا نزل فى اللينيا.

البنزين تقدر تمشى ب92 عادى مش ها يكون فيه تسقيف ولا حاجة بس طبعا اداء الموتور مع ال95 ها يكون افضل

ومزيد من التفاصيل اكيييد رجالة الفيات ها يردوا عليك

[7amza]

انا كنت بدور الايام دة على برافو مستعملة من موديل 2009 لحد موديل 2011 و كان عندى كام سوال هل العربية فيها اى عيوب او مشاكل بذات فى الفتيس مع العلم ان كان معايا ابيزا 2010 كسر زيرو و بعتها بعديها ب شهرين خوفا من انها تجيب فتيس dsg 7 فا مش عايز اتلدغ تانى من حكاية الفتيس دة فياريت حد يرسينى

سوالى ال تانى انا طبعا بدور على ال 1400 t-jet و سمعت انى لازم احطلها بنزين 95 عشان التربو و لو حطيت 92 هسمع صوت تخبيط و تسقيف و دلؤتى سمعت انهم رفعوا الدعم من ال95 و بقى ب 4.5 جنية للتر الواحد فدة خراب بيوت...فياريت حد يفهمنى و ينصحنى......

وشكرا

التوكيل سئ جداً

والعربية لا قدر الله لو حصل فيها مشاكل - التوكيل غير قادر على الاصلاح

نصيحة لوجه الله تعالى - روح شوف التوكيل واسأل عليه كويس قبل ما تشترى

ودور على المنتدى هنا على المواضيع اللى فيها كلمة اوماترا وشوف تجارب الزملاء معاهم

[ahmedsiyam]

العربية تحفة
التوكيل ضايع
الاوتو انا تخوفت منه جدا و فيه مشاكل و علشان كده جبتها مانيوال