محتاج تقييم سعري لبونتو 2003

[doglas]

الرجاء محاولة تقييم سيارة بونتو 2003 من ناحية السعر و التالى هو موصفاتها

بونتو 2003 1300 سي سي
51000 كم
فتحة سقف + انذار + سنتر + باور + تكييف
فابريكة من الداخل و الخارج بالكامل
حالة السيارة ممتازة و كل شيء سليم و يعمل كالزيرو بالكتالوجات

ينقص هذه السيارة عن موديل 2008 منها الإيرباج و الفوج لايت


الرجاء الإفادة في السعر

شكرا

[Dr.A.Nabil]

انا عربيتي موديل 2003

طلعت في دماغي من شهرين ابيع( ورجعت في كلامي)

هي من غير انذار ومن غير فتحة سقف
وعامله 52 الف كيلو

جابتلي 50 الف ج


وعموما هي عربيه ممتازه..

بس انصحك تكشف عليها في التوكيل على الاسطوانه والديسك واعفشه وعلبة الدركسيون...

لأن دول مش بيبان فيهم اي حاجه في الكشف اللي في البنزينه..


لو فعلا كويسه
توكل على الله
عربيه ممتااااازه

[doglas]

شكرا يا دكتور أحمد على الإفادة

هو بيتكلم في 54000 جنيه و ده الآخر فيها خالص ، هو بس متمسك عشان حالة العربية هايلة
أعتقد كده إنه رقم معقول ...

[ayman_kamal]

انا كان معروض عليا واحدة حمراء اللون

بونتو 2003 1300 سي سي 67000 كم
فتحة سقف + انذار + سنتر + باور + تكييف
فابريكة من الداخل و الخارج بالكامل
حالة السيارة ممتازة و كل شيء سليم
السعر: اول الكلام 48000 جنيه

[doglas]

طب يا جماعة حد يقول لنا السعر العادل كام ليها
لإن واضح إن هناك اختلافات

[Dr.A.Nabil]

بص يا سيدي
انا لما حيبت ابيع زي ما قلت لحضرتك
وعملت اعلان في الوسيط

وبصيت على كل الناس اللي عامله اعلانات على البونت

وكلهم كانو طالبن فوق ال 50

بص الصراحه

انا فضلت متابع معاهم

واالي باع... اقصى رقم سمعته كان 51 ونصف
وكل اللي كان متمسك بالسعر محدش فيهم جاله اللي يدفع فيها

يعني صاحبك ده
صعب جدا يلاقي حد يشتري بالسعر ده

انا شايف السعر المعقول اللي انا قلتلك عليه

[amir]

يا جماعه لو سمحتم
كل اللي بيتكلم عن بونتو القديمه بيتكلم عن موديل 2003 هو مكنش فيه 2004ّّّ~2007 ؟؟؟
زائد هل الموديل بتاع 2008 الكلاسيك ده فيه فتحه سقف؟
و ايه اخبار التكييف فيه و هل ال 1300 12 صباب موديل 2003 احسن منه؟؟؟
انا حاطط البونتو الكلاسيك 2008 دي من ضمن اختياراتي الموفره في الفلوس و البنزين بس مش عايز ارجع و اندم لما اشغل التكييف و اعرق لما الدنيا تبقي حر و قرف او اجي اسوقها و هيا محمله ناس معايا و احس بتقل العربيه( معايا فيليشيا 1300 كاربيراتير) بس الفيليشيا ال1300 انجكشن طلقه فهل اداء البونتو الجديده هيبقي ايه مقارنه بالفيليشيا الانجكشن او كاربيراتير
محدش يعمل بيست لموضوع كل شيء عن البونتو ال2008 لأن النقط اللي بستفسر عنها مش هناك
و شكرا

[doglas]

بص يا أمير

انا كنت ناوى على بونتو 2008 كلاسيك ، فلقيت قدامي ال 2003 اللى بتكلم عليها دى
لقيتها مختلفها اختلاف كبييير جدا عن الجديدة
الجديدة انا حاسس إنهم شالو منها حاجات كتير عشان يرخصو سعرها بس
بس 2003 لقيتها أشيك و موتورها أشد ، عربية بجد ركوبة عكس 2008 اللى لقيتها فقيرة جدا من جوه و حتى خارجيا مش عجبنى شكل الفوانيس الامامية و لا زيادة ارتفاع العربية من ورا
بس الحق يقال برضوا إن 2008 فيها بعض الزيادات عن القديم و هى التالى

أيرباج
جنوط
فوج لايت

غير كده انا مش لاقي اي تحسن ، على العكس ، كل حاجة أقل ، تحس إنها من جوا حتى زى الأونو جدا و جودة التقفيل مش مقبولة بالنسبالى حتى


و اللى ممكن يفيدنا اكتر حتى الدكتوراحمد نبيل لانه معاه واحدة 2003

انا قدامي واحده 2008 عاملة 4000 كيلو ، صاحبها طالب فيها 68000 جنيه ،
فهل المطلوب ده كويس ولأ ؟؟؟

[mexmarine]

اعتقد ان الحق يكون 50 الف نظرا لحاله العربيه و لو فيها حاجه فى كشف التوكيل تنزل على طول

[modihamed]

بص يا مان
العربيه دي احسن في كل حاجه عن2008 من حيث كل حاجه لكن المكيف بتاعها ضعيف عن تجربه وبيهد الموتور وانا في رأيي انا اخرهامن 49 لحد 51 الف دا لو في احسن حاله بس لو عاجباك مش مشكله لما تطلع في السعر شويه لان اهم حاجة انك تكون مستريح
ولازم تكشف علي المكنه وعلبه الدريكسيون طويس قوي؟؟؟
وربنا يباركلك فبها