تعديلات في الفيات 128

[cutthrout]

مساء الفل علي الرجالة
انا عندي فيات 128 موديل 84 سليمه مشاء الله وجايلي قرشيت كده فكنت عايز اعمل شويه حاجات
ان شاء الله هسقط موتور ريتمو 1500 cc واعتقد ده مناسب وقوي
فعايز اعرف بقا
1- التعديلات اللي هتتعمل في الفشه ( مساعدين - كبالان - مقصات )
2- التعديلات اللي هتتعمل في القواعد
3- طقم الشدادات ( حوض فوق وتخت - شنطة - تحت الرفارف - تحت العتب ) اجيبها منين
4- التعديلات اللي هتتم في الفرامل ؟؟؟؟؟
وكدة معتفدش ان ناقص حاجة ولا انتم شايفين ايه

[cutthrout]

شكرا للرجالة

[misoalex]

باشا انت بتتكلم فى موضوع اتهرس قبل كده 50 مره ولو تعبت نفسك وعملت بحث فى المنتدى حتلاقى مواضيع كتيييييير حتستفاد منها
لكن لو عاوز اجابه على اسئلتك بجد دى مش حيكفيها صفحات فعشان كده محدش حيجاوب على الاسئله دى كلها


حجاوبك على كام حاجه كده على السريع بس برضه انت اعمل بحث وحتستفاد اكتر

مساء الفل علي الرجالة
انا عندي فيات 128 موديل 84 سليمه مشاء الله وجايلي قرشيت كده فكنت عايز اعمل شويه حاجات:b4_237:
ان شاء الله هسقط موتور ريتمو 1500 cc واعتقد ده مناسب وقوي
فعايز اعرف بقا
1- التعديلات اللي هتتعمل في الفشه ( مساعدين - كبالان - مقصات )
الماتور ده مش محتاج اى تعديلات غير انك حتعمل شداد للمساعدين من فوق اما تفصيل او تدور عليه استيراد ويفضل انك تعمل شداد من تحت كمان
ولازم قبل ما تسقط الموتور العربيه تروح لسمكرى يعمل اى شغل فى الحوض والقواعد والشاسيه واى شروخ
الا لو عاوز تسقط العربيه ده كلام تانى
2- التعديلات اللي هتتعمل في القواعد
الموتور ده ملوش تعديلات قواعد على حد علمى وحتى لو ليه تعديلات المكانيكى هو حيتصرف وممكن لو حتركب الفتيس ال 5 غيار تحتاج تغير الميزان كمان لو اللى عندك 4 عشان الخامس يشتغل المهم المكانيكى عارف الكلام ده وحيعملهولك
3- طقم الشدادات ( حوض فوق وتخت - شنطة - تحت الرفارف - تحت العتب ) اجيبها منين
مش حتلاقيها جاهزه انا دوخت عليها الا لو تعرف ورشه حداده بتفصلهم وتبيعهم او انت تفصلهم بنفسك وممكن الشداد اللى فوق تجيب بتاع الريتمو استيراد او تجيب حاجه تمشى مع ال 128 وتعدلها عند خراط

4- التعديلات اللي هتتم في الفرامل ؟؟؟؟؟
مفيش غير انك لو محتاج تقلب الفرامل ورا ديسكات ودى كان ليها موضوع هنا فى لمنتدى بس انا مجربتهوش وعموما الموتور مش اللى هو محتاج تعديل فرامل دى ريتمو مش تيمبرا 1600 ولا اونو تيربو
انت تغير التيل ورا وادام والطنابير بتاعتك لو وحشه تجيب انواع نضيفه وخلاص
وكدة معتفدش ان ناقص حاجة ولا انتم شايفين ايه

[مصطفابوالسنون]

السلام عليكم كنت عايز اعرف أحسن مكان أتعامل فيه مع ١٢٨ الحرفيين ولا المنصورة ولو في رقم يبقي جزاكم الله خيرا

[mimim]

يعنى لما تيجى تسقط موتور ملقيتش غير الريتمو